راعية مبدأ
الله يعافيج غناتي واليوم الحمدالله اشووفها احسن عطيتها المضاد الحيوي وصارت احسن ..:)

الحبيبة حنين الفهد

وشلونك وشلون الحلو ندوري والف سلامة عليه كيفه بعد الروعة ان شاء الله احسن ..صادقة حبيبتي المفروض اهتم شوي المشكلة اني كلمت المستشفى ابغى اخذ موعد قالوا لي الدكتورة إجازة وبترجع بعد اسبوع .

الحبيبة عرق سوس
تسلمين حبيبتي انا هذا ثالث طفل عندي ولدين الكبير 3سنين ونص والصغيرسنتين ونص يعني قديمة مو بكر .
الحبيبة ام عبد الرحمن

تسلمين غاليتي والحمد لله على السهالة في الصيام والله يتم عليك بخير ..واما عن التجهيز خليها على الله توني ببدا اليوم احاول مع ابو الشباب ومدري وش النتيجة ما خذت للبيبي ولا شي وكلش يقول بدري ليه انتي مستعجلة مع اني اولد دايم ببداية التاسع بس يقول احساسي هذي المرة بتطولين وانا ودي اخلص قبل العشر لانها ما تنفع للتسوق

الحبيبة غنج

الف سلامة عليك طمنينا عنك بعد الذهاب للمستشفى

الغالية هوني

ماهي احوال بنتك عسى يارب تكون بالف عافية

الغاليه ام معاذ
سلامة ابنك والله لا يفجع قلبك على ولدك ..والله فجعت الولد اصعب شئ في هذه الدنيا

الحبيبة صوت الكناري
ما هي اخباركم وشلونكم ..وكيف الصيام معكم

كيفكم بنات .....مشكوره للاخت بنت طيبة عن سؤالها عن اخباري....اول اخباري:09: تعب من الحمل
والثقل وخاصة ايدي توجعنى مادري من احتباس السوائل كلمت الدكتوره قالت طبيعي من الحمل .وثاني خبر:icon810: بنات طلعو عيوني صايرين اشقياء استغلو الوضع.
3-انا حامل بالشهر التاسع والاسبوع الجاي ان شاءالله اروح عند اهلي باولد عندهم .
سلامي لجميع البنات......)):26:

بنت طيبة
هلا الغاليه .. الحين انتي بأي شهر ومتى تاريخ ولادتج ؟؟ لازم تخلصين الغاليه ما تعرفين الضروف كيف .. الغاليه انا خلصت اغراضي الحمدلله لكن للأسف مب قادرة احطهم بالشنطة متعايزة حيييييييييييل .. بس اهم شي خلصت الاساسيات .. على يوم السبت ان شاء الله اسكر الشنطة .. ربي يسر لج كل خير ان شاء الله يا الطيبة بنت الطيبة

أم شوقي ..
هلا الغاليه .. توصلين بالسلامه عند اهلج وربي يسهل عليج ولادتج ويرزقج الذرية الصالحة .

بنات وشلونكم ,,,وحشتونييييييي موت

انا زعلانه منكم ولا احد فقدني ولا سال عني.............."امزح عليكم انا مازعل على اخواتي".
سامحوني لي فتره مادخلت النت مشغوله وايد شغالتي راحت وانا حايسه بشغل البيت والمواعين الله يعين يارب ادعوا لي يابنات ربي يرزقني بالشغاله الصالحه ,,,, وكنت قلقانه مررررررررررررره على رسيل وطول الوقت افكر فيها وكيف كان وضعها لما شافت البيبي خرج ياقلبي عليها يالله اهم شي انها الان طيبه ويوسف طيب الله يخليه لهل يارب ويصلحه