السلام عليكم احلى كروشات
كيف الحال ان شاء الله الجميع بخير ,عن اخباري الحمد لله على كل حال احاول اخلص تجهيز لان الواحد ما يعرف موعد الولاده وكله في علم الغيب بس التعب يهلكني من السوق وان شاء الله اخلص كل شئ خلال هذه اليومين.
ام عبد الرحمن
حبيبتي الحركه عندي مره قويه وتأذيني ومره هدوء وما لها وقت وما لها علاقه بالصيام لان احيانا صايمه وهو يأذيني من الحركه والعكس صحيح ,واليوم سرت بريمامان الي فتح قريب في مردف (ابتاون مردف) يابوا بضاعه روعه اخذت سرير صغير عشان الاقامه في بيت امي واخذت اسليب باج روعه منهم صح اسعارهم نار بس بضاعتهم شي حلو وايد وما متكرر والسليب باج الي للبنات روعه عندهم بس انا خذيت بيج عشان قالوا لي ولد والي يجي من الله حياه الله واذا شئ عندج ناقص خذيه منهم بضاعتهم غير شكل.
حنونه
مشكوره يا عمري على السؤال وان شاء الله ربي يخفف عنك وتوصل الشغاله ويهدى ولدك وما يأذيك بضربه.
ام معاذ
الففففففففف مبروك لان البيبي لف عقبال نوني يا رب يلف ويريح بالها ويعينا اجمعين.

عرق سوس
الله يقوم الوالده بالسلامه وربي ييسر لها امورها وسبحان الله قبل فتره سارت العمره وما فيها شئ وتراعي اعيال اختك اخاف العيال تعبوها انتبهوا عليها وان شاء الله ما عليها الا العافيه.
سلامي
ل رسيل وراعية مبدا والراجيه وام معاذ وغنج وام اصيل وام شماني وحلى الشيوخ وبنت طيبه وضاع اسمي و ساره وتوته وماميتو وكل الغاليات وسلام خاص لقوارير وان شاء الله اتنور المجره قريب.
في امان الله اختكم مردف.

سارة + مردف
دام الحركة زايده .. توه الناس على الولادة عيل خخخخخ

مردف
مبروك المشتريات وبالعافيه على البيبي .. وين هذا تاون مردف وشو فيه من المحلات بعد ؟؟

السلام عليكم،
راعية>>> مشكورة يالغالية بس لي متى نحاتي ونقلق الخير من ربنا مو الي نبيه لأنفسنا وهالشي سلمت فيه بكل شي بحياتي والله
صحيح اتضايق بادئ الامر بس لازم اذكر الله واتوكل عليه

ام حمني انا الدكتور من نص الثامن وقفلي حبوب الكالسيوم مدري ليه بس وقفتها
وليلحين آخذ حبوب فيلفول هي حديد وشي ثاني

عرق>>>الله يخليلكم الوالدة انشالله

قوارير>>>اشتقنالج

الحركة عندي وايد خفت عن السابع والحمدلله احسن من الترفس الي شفته عذااااااااااااااااااااااب

بنات انا اليوم انهد حيلي وقفة بالمطبخ والي زاد الطين بله ريلي يبني اسويله 3 أنواع حلو غير الي بالثلاجة ومو عاجبة والله بغيت ابجي واقوله تعبانة يقول متعايزة مادري شو انا سوبر وومن ولا شو

ليلحين مواعين الفطور مانغسلوا والله ماكملت صحني من التعب وكانت خانقتني العبرة ومابغيت انكد عليه خليتها فيني

آلهي وفي أيام رمضان المبارك تسهل علينا وتهون طلقنا وترزقنا الذرية الصالحة بأتم الصحة والعافية

هلا ام عبد الرحمن

ابتاون مردف في مردف وين اسبنس الجديد هو بنفس المجمع فاتحينا جديد في منطقتنا بس المحلات

في مفتوح وفي باقي لهم التجهيزات الاخيره عشان يفتحون بس المب حلو فيه مب سنتر مغطى ومكيف

لا مكشوف في الهواء الطلق الحين الجو حلو وبعد ثلاث اشهربعد بس بعدين ما اعرف كيف الواحد

يتشرى منه في الحر, فيه داماس وادمز ولاسنزا وناين ويست والدو وبريمامان اتصدقين نسيت شو

شفت بعد مره ثانيه اذا سرت باخبرج اكون انشاء الله متفطره عشان اقدر اركز ,وعلى طاري الولاده

امي حاسه اني اولد بعد العيد بس المشكله اذا تميت للعيد بستوي مدرعه وما فيني اتحرك الله يستر بس ويقدم الخير لنا اجمعين.

مردف
تسلمين الغاليه .. بحاول اسير له قريب ان شاء الله .. على الاسبوع الياي يكون المحلات كلها افتحت :)

نوني
اشدارني يختي بالكالسيوم محد خبرني زين اني كنت آخذ حبه في الاسبوع خخخخخخخخخخ