الله يعينك حبيبتي وان شاء الله يرزقك بشغالتك بلمح البصر ولو جبتي من البلد لمن تكلمي المعلمه حقتها تشرطي عليها قولي ابي حنونه مع الاولاد وتلبس محترم وهكذا وان شاء الله ماجوره
اصلا شغل البيت يسهل ويعجل الولاده:26:
الله يعينك حبيبتي وان شاء الله يرزقك بشغالتك بلمح البصر ولو جبتي من البلد لمن تكلمي المعلمه حقتها...
الجزء الثاني
نسيت اقولكم بالجزء الاول
قالولي انه بعد ما اتخدر بعشر دقايق بالكثير لازم يكونون مطلعين البيبي علشان ما تتأثر بالبنج لانها صغيره
دخلت غرفه العمليات الساعه 1 بالضبط
و بنتي ما طلعت من بطني الا الساعه 1 و نص
يعني قعدت بالبنج نص ساعه تخيلوا
طبعا بعد ما صحيت من العمليه
الم ظهري كان لالالالالالا يوصف
الم فضيع
حاولت احرك رجليني ما قدرت
ما اقدر اتحكم فيها نهائيا
و اذا حد حركها ظهري يألمني
غير رقبتي الي ما اعرف شو ياها بعد
ما اقدر اسندها
طبعا الم العمليه حدث ولا حرج
سألتهم عن بنتي
قالولي بالحضانه
زين ابي اشوفها
قالوا بعدين
هذا انا للحين تحت البنج ما صحيت عدل
ما خليت تخريف بالدنيا ما خرفته على اهلي
خخخخخخخ
و كله كوم و الممرضه المسكينه
احس فيها لما تيي عندي
مسكينه كل شوي تطل علي
و انا يوم حسيت فيها
سألتها انتي متزوجه؟؟ قالت لا
قلت لها لحد يقص عليج و يقولج تزوجي
خخخخخخخخخخخخ
و كل ما اشوفها قلت لها هالكلام مسكينه عقدتها
هذا كله قبل الصبح
الصبح بديت اصحصح شوي
سألت عن بنتي قالوا بيبونها بعدين ( متى بعدين هذي الله اعلم)
سألتهم عن صحتها قالوا زينه
ووزنها 2650
نقلوني بالليل غرفه خاصه
و انا ظهري الم فضييييييييييييع
اقولهم ابي مسكن يعطوني بندول
و كل شوي يقولون لي تحركي
امي تقولهم شوي شوي عليها الم ظهرها مو الم ولاده الم دسك و هم مطنشين
الصبح يتني الممرضه تغيرلي
و عدنا لها نفس الكلام
قالت بس بالملف مو مكتوب شي عن ظهرج؟؟
انتي ليش ما راجعتي بحملج عندنا؟؟؟؟؟؟؟؟؟؟؟
فتحت عيوني؟؟ قلت لها راجعت؟؟
قالت متى؟؟
قلت من اول الحمل؟؟
قالت بس ملفج مذكور فيه انج يتي بس للولاده
وفاضي مافيه شي الا عن ولادتج وما بعدها فقط
قلت لها ليييييييييش
ملفي وين راح؟؟
فيه تقرير دكتور الاعصاب عن ظهري و الديسك
و مراجعاتي
و تنويماتي الي كانت عندكم
و تحاليلي و كل شي
قالت ما فيه
هنيه عرفنا ان ملفي للحين ضايع
و اتصلنا بالاداره و سوينالهم سالفه
و اخيرا طلع الملف
و صدقوا انه ظهري يألمني بسبب الدسك
و على طول طلبولي دكتور العظام و كلها كم ساعه وووصل
قلت لهم بس انا اراجع عن دكتور الاعصاب مو العظام يعني ما يعرف عن حالتي
اليوم الثاني على طول زارني دكتور الاعصاب
و سوالي طلب لأشعه مغناطيسيه و قالي تسوينها و انتي بالمستشفى
و عطاني حبوب مسكنه غير البندول
بس كان لها تأثير مرييييييييييح
مع انها ما كانت تنوم بس كانت تنومني لأن الالم يخف و ارتاح
طبعا هالفتره كنت احاتي بنتي الي للحين ما شفتها من اربع او خمس ايام
و البقيه في العدد القادم ان شاء الله