السلام عليكم،
بنت طيبة وحنين ومردف وكل من سألن عني>>>يعطيكم الف عافية
ليلححيني صراع الجبابرة مع ألم أسناني والله

تدرون احاول ما آخذ الدوا الي عطاني اياه الدكتور ةقاعدة ادهن بزيت القرنفل طعمه مر وحااااااااااااار بس أهون من أني آخذ الدوا

ام حمني>>>والله جنج تتكلمين علي بس عاد انا من أول متعودين علي هلي جذي والحمدلله زوجب احسه فاهم هالشي والله يقدرنا نعوضهم قرف أشكالنا

بنات النفسية صايرة زفت وودي أنام بس مالس خلق لا فطور ولا بطيخ

الورود>>> خو حبيبتي شحقه تسوين بنفسج شذي؟؟
فطري مثل ماقالتلج الدكتورة

ام شماني>>> خل واحد من اخوانج يروح معاش او امشي في حوش بيتكم

هوني حتى انا احس بألم في المقعده واحس اني ابي الحمام وانت بكرامه بس مافيني شيء يمكن البيبي نازل والله ما ادري

مساء الورد ياحلوات
الورده النديه
سلامتك يالغلا ولازم تسمعين كلام الدكتوره انا سمعت ان السكر يزيد من حجم الجنين داخل الرحم
ولكن ان شاء الله ماينتقله لو انتي انتبهتي
هني ليبز
الم المقعد هذا يكون بدايه لتوسع الحوض وهو طبيعي وعادي تحملي عشان يكبر الحوض استعدادا للولاده الله يتمم لك على خير
حنين الفهد
انا كمان الغيره مجننته لا وش يقول امس انا زعلان مااحبك طلعتي تمشي وسبتيني بالبيت واخذتي النونو معاكي وانا لا!!!!!!! قطع قلبي والله..
احب ولدي وزوجي
مشكوره يالغاليه ولاتنسينا بالدعاء
عرق سوس
مشكوره حبيتي اما عن الطبخ صح مرتاحه لكن هم ياخرون السحور وانااتعب لان مع التاخير تجيني حموصه لثاني يوم الحمد لله على كل حال
لكن اول ماوصلت ولدي سخن 39 ونص وجري على الصيدليات والمستشفيات مضاد وادويه والله واحس اليوم حلقي يالمني الله يستر على الجميع

الله يسهل ولاداتنا جميعا ويقومنا بالصحه والسلامه
اللهم امين

السلام عليكم ورحمة الله وبركاته
أشحالكم خواتي

حنين الفهد
هلا الغاليه اشحالج واشحال ندوري .. هيه الحمدلله اطمنت عليه وكان رااااااااقد فديته وقامت الدكتورة تحركه بيدها لين قام تبا اشوف التنفس كيف عنده .. بالنسبه للمستشفى زين انج غيرتيه .. اهم شي نظافة المستشفى وحسن المعامله عند الولادة .. تكفي قصة رسيل ما نباها تنعاد في هالملف .. انا الحمدلله الدكتورة الي كشفت علي امس كانت وايد طيبه جت لين عندي وانا انتطرها وسلمت علي .. ودخلت وياي غرفة التصوير وسوت لي تصوير .. وتعاملني بكل حنان كأنها صاحبتي ولا تعرفني من زمان .. وقالت لي تبين شي معين قلت لها لا عندج مشكله قلت لها لا .. بس نسيت اقولها هالله هالله بالخياطه .. ان شاء الله في الموعد الجاي اقولهم .. وآخر شي قالت لي ادعيلي عند الولادة .. قلت لها ان شاء الله .. وحتى النيرسات ما شاء الله كلهن طيبات وحبوبات ويفتحن النفس .. الصراحة اشكر حكومة دبي على هالتطور والجهود الي يبذلونها لتقديم أفضل الخدمات للشعب .

نوني
هلا الغاليه .. شو نسوي يا الغاليه يالله بالسهاله بس .. وان شاء الله بعد الولادة نسوي نيو لوك حق ازواجنا وأنفسنا .. بس على الله ما نحمل بسبة النيولوك

عرق سوس
هلا وغلا .. الله يسلمج من كل شر ان شاء الله والله يتقبل منا ومنكم صالح الأعمال يا رب .. اشحالج شو اخبارج الغاليه .. ههههههههه ضحكتيني بسالفة نظراته تقول اشياء .. يختي شو انسوي يالله بالسهاله بس .. منوه له خلق بتروج ولا يتكحل .. خلينا جذه ما فينا نحرك مشاعر الرجال الحين خليهم في بيات شتوي لما بعد الولادة :)

لجونة المجنونه
شو اخبارج الغاليه .. غمضني ولدج الله يخليه لج يا رب .. انتي حاولي تخلينه وياج اكثر الأوقات عشان يشبع منج وحزت وصول البيبي ما يغار ولا تكون غيرته خفت .. انا بنتي البارحه تقولي .. انتي بيحطونج على كرسي وبيودونج غرفة الولادة وبيعطونج ابره في بطنج وبيطلع البيبي من سرج لا تخافين ولا اصيحين ما يعور .. وبعدين انا وباباه بندخل عندج الغرفه وبنشوف البيبي وبنبوسه .. أثره زوجي عاطنها قصة الولادة كامله يوم كنت انا عند الدكتورة .. وهيه جالسه وياه بروحها .

هلا اختي حنين الفهد بانسبه لسؤالك انا بسافر بر على السياره ان معي اغراض كثيره وخائفه الطياره يردوني ولا كلها نص ساعه واصله بالطائره...لله نتحمل ثلاث ساعات الله يعين .اهدي سلامي لجميع البنات.