الليله مره طفشانه وانا عادى عندى اطول بس ياكرهى للى يقول لى للحين ماودلتى 00
زوجى اليوم يقول يالا متى تولدين طولتى قلت له لسا باقى وتوقع بعد 9 ايام قال لاتكفين روحى امشي واذا رحتى لموعدك لزمى على الدكتوره تعطيك طلق صناعى00 اقول له ماراح تعطين الا لاسمح الله كان المويه قليله او المشيمه متكلسه اما اذا كل شي تمام راح تعطين مهله اسبوع 00سبحان الله مره انقهرت ماحب احد يحترينى وغير الضيوف اللى اليوم جو ماولدتى حنا من رمضان ودنا نزورك بس نقول البنت على وشك ولاده مو حلوه الزياره اللحين0 مدري ضايق صدري ودى اولد 00
ياودود ياذا العرش المجيد يافعال لما تريد اسالك بنورك الذى ملا اركان عرشك ان ترزقنى الولاده السهله الميسره وتقرعينى بما فى رحمى يااكرم الاكرمين000تكفون بنات ادعو لى اولد وان شاء الله لكم بالمثل000

صوت والله انك صادقه خمود(للي ولدوا)وصمود(للي ماولدوا)الله يقوم الجميع بالسلامه

الله يتمم لنا يارب ونولد بالسلامه
بكره موعدي في المستشفى لي ا6 ايام مخلصه التاسع وجتني اعراض الولاده من يومين ينزل دم مع افرازات ودم نقط لحاله بس قلت منيب رايحه لين يجيني طلق والطلق يجي ساعه ويختفي ثلاث ساعات
ما ادري وش بيقررون لي بكره
ادعو لي والله يقومكم بالسلامه

نجوم الله يقومك بالسلامه ونسمع خبرولادتك قريب انشاءالله ومعك النونو

ان شاء الله تولدون كلكم اليوم ونفرح فيكم يارب
لكن المشكله لمن تبدى الولاده راح تقولون هونها
هههههههههههههه وحده جبانه