هلا خواتي سامحوني طولت عليكم بس و الله ما أحصل وقت ....

لجونة وحنين والباقيات ربي يحفظكم لعيالكم وأزواجكم يارب الله يخفف على كل حامل ...

حنييين ما عليج من كلام الناس وكل من يسألج عن الولادة قولي متى ما جا حيا به المهم سلامتك ...

أنا بموت من الخيوط والله 9 غرز غير الخياطة من داخل حتى الرضاعة لو تشوفوني كيف أرضع مريومة بتضحكون علي ..من أمس في الليل بديت لها حليب سيميلاك أدفانس وإن شاء الله ينفع معاها لأني تعبت طول الليل كل مرة أقوم ((تستاهل فديتها )) وأمي بعد لاعبة دور معاي الله يحفظها ....

الصراحة خواتي بقول لكم على شي ريحني بالمرة و الله من ثالث يوم صار الدم ينزل عالخفيف عاد أنا خفت قلت ما مداني أولد ليش ينزل بهالخفة ,,, لازم مال 9 شهور كله ينزل مع إن الدكتورة ما شاء الله عليها نظفت بطني وطلعت كتل الدم بس الكبو مال نظام فيافي فظييييع ما شاء الله أشياء عمري ما شفتها طلعت وكتل وأحس ألم الخياطة خف الحمد لله أنصحكم فيه بس طبعا أنا ما حطيت كل المحتويات يعني الخوا جوا ما حطيته بس الحلتيتة وقشر البصل والمرة والمحلب وما أدري شو بعد المهم وايد ارتحت منه الحمد لله ...

المهم ....نرجع لموضوع الولادة ...كأنها حلم ما شاء الله و اللي ساعدني بعد الله الأوكسجين اللي كان صديق دائم لا يفارقني في غرفة الولادة ومعاملة الممرضات اللي تفتح النفس بصراحة والدكتورة ...

يوم قالولي إن الرحم مفتوح 9 سم جان أستانس :) عمتي اتصلت هذيك اللحظة وأمي قالت لها بعدين أشوف الممرضات يتراكضون كل وحدة تجهز سرير الطفل والثانية ما أدري شو المهم حسيت بحركات حوليني قلت لأمي : يما عطيني السبحة وورقة الأدعية اللي طلعتها من النت وكنت مجهزتها من قبل وعطتني إياها وشفطت لي شفطة اكسجين وقعدت أقرى على بطني وأمسح و الممرضات مستغربات وأستغفر الله وأدعي بعدين دخلت علي وحدة قالت لي لازم عقد الزواج والخلاصة فقلت لأمي تتصل بأبو البنت وتقول له يجيب الأوراق اللي طلبوها ...
ما حسيت إني دعيت في حياتي كثر ما دعيت هذاك اليوم سبحان الله ..دعيت على اللي ظلموني ودعيت للي وقفوا معاي ولا تحسبون إني يوم كتبت إني دعيت على اللي ظلموني إن الله ياخذهم أو شي لا بس إن ربي ياخذ لي حقي منهم وإنهم لا يعجزونه في شيء ...سبحان الله جا أبو البنت وحاول يفتح الستارة وكنت لافة وجهي وشفته عطيته ذيك الطردة المعتبرة :) :) حتى أخوي قال له لو سمحت إطلع إختي ما تبغى تشوفك ..المهم طلعت مريم وأنا أزحر من الخاطر بس ما حسيت بألم و الله محد يصدقني يوم أقول إن إحساسي ما يتعدى خروج شي وبس طلعت ولونها بني مزرق لأن ما في أكسجين في جسمها أنا يوم شفتها خفت قلت شو هاللون ياربي :) ,بس بعدين تغير اللون الحمد لله ..بعدين جا دور الخياطة ويا عيني عالخياطة وطبعا التقطيع ما حسيت فيه يمكن خفيف بس الخياطة صدق بدايتها تعذيب بس نهايتها راحة لأن الأوكسجين شلوه مني عشان مريومة فديتها كان الأكسجين ناقص عندها وشاربة ماي البطن مع الوساخة الله يعزكم ..طفشت الدكتورة اللي خيطتني بس والله من قلبي كنت أتمناها من أول يوم شفتها إن هي اللي تولدني لأن سمعتها ما شاء الله المهم شلوا البنت وجو الأهل وأنا أدعي وفي عالم ثاني وحسيت إني أبغي أبكي بس تماسكت خصوصا عند أهل أبو البنت وفي النهاية دخل أبوها بس كانت حبال الود مقطووووووعة من قريب أو من بعيد وانتهت قصة مريم أم عيسى :) فديتها وتوتة توتة خلصت الحتوتة ..نسيت أقول البنت خلوها في المستشفى 5 أيام وقبل أمس شليتها من هناك واسمحولي لو ما دخلت لأني والله تعبانة ومشغولة بس متى ما ألاقي فرصة بدخل باذن الله ولا تنسوني أنا سعيدة على طول بذكر الله .....

ومبروووووووووووووووووك لكل اللي ربوا

حزينه على طول ..

الحمدلله على سلااااااااامتج وسلامه البيبي

وتتربى في عزكم ان شاء الله

السلام عليكم ورحمه الله00
اخباركم ان شاء الله بخير00
اليوم المغرب جت لمى جارتى وانبسطت واقول فى نفسي يارب كل يوم يجونا ضيوف علشان انسي التفكير بالولاده00
************
بنات تذكرون انى قلت لكم ان الشغاله اللى عندى بالاصل هى لاهل زوجى قدمو على جديده وبمجرد ماوصلت اخذت اللى عندهم00الجديده اليوم هربت تخيلو :30: وخالتى بحاجتها ومره كبيره بالسن لازم عندها شغاله 00زوجى يقول ابدور شغاله موقته وابرجع شغاله اهلى00 من جد ضاق صدري اللحين اللى عندى عارفه لكل شي ولى اسبوعين وانا ادرب فيها واعلمها واخر شي تروح00 لاوالموقتات اخلاقهن شينه واى كلمه تزعلها تهج 00الله يعين صراحه خبر هروب الشغاله ضيق صدري الله يأخذهن00
****************
حزينه على طول00
هلا فيك وسلامه مريومه ياقلبى بس 00وكيف الامومه احس رغم التعب بس احساس جد رائع00 والله يأخذ لك حقك من اللى ظلموك ويقر عينك بمريومه وتملى عليك حياتك00
والبخور حق فيافى معروف كل يمدح فيه اذكر زوجت اخوى شاب عليه الخياط لدرجه ماكانت تقدر تمشي وراحت سوت لها بخور تخيلو دخلت وهى منحنى ظهرها من الالم وطلعت وكل الالم راح00 سبحان الله شي عجيب000
************
صوت الكناري00
اخبارك00 واخبار الحركه00 رحتى لدكتوره وش قالت لك00وكيف اصيل00وانتبهى ثم انتبهى لشغالتك لاتهرب 00شوفى اهل زوجى وهم حرصين هربت 000
صوت الكنارى اليوم حلمت فيك وانك ولدتى 00يارب فال خير ان شاء الله00
***********
عرق سوس 00
هلا فيك والله يهون علينا ان شاء الله ومشكوره على الدعوه والله يخلى لك اولادك ويفرح قلبك بولاده سهله ويقر عينك ببنوتتك00
تصدقين مغصن بطنى يوم شفت انى دخلت العاشر بالجدول00:(
***************
نونى00
هلا فيك وشكل توته ولدت لان لها كم يوم مابينت00الله يقومها بالسلامه00 والله يعينك على شغل البيت00
اليوم اقول لامى ابى اولد مليت زفتنى وعصبت على وتقول ادعى ان الله يهون عليك ولاتستعجلين الولاده00 متى ماربك كاتب لك بتولدين00
*****************
بنات احساسي ان اختنا قلبك ثلج وقلبى نار ولدت 00الله يقومها بالسلامه ويسخر لها زوجها ان شاء الله00
**********
قوارير 00
مشكوره على الجدول00 واخبارك وكيف ام عبدالرحمن00 بلغيها سلامى الحار

ام سعودى00
هلا فيك وربي يكرمك بولاده سهله [اذن الله00
*********
احب زوجى وولدى00
هلا فيك ولاتحرمينا من مداخلاتك وطلاتك الحلوه00
000

شلونكم بنات الحمدلله وبفضله ورحمته نورت الدنيا بولادتي بنتي ( نوووووووووووورة ) واللي نورت بتاريخ 25/10/2006م ثالث أيام عيد الفطر بطلق صناعي والحمد لله ربي سهل وأصبحت أخت لأخويها سارة ومحمد