حنين الفهد :

السلام عليكم ورحمه الله00 اخباركم00الايوم لاجديد بس طول الوقت سرحانه 00ودى اطرد التفكير بالولاده بس مو قادره00 حبيت اسلم عليكم وان شاء الله لى رجعه 00 alnono هلا فيك معانا وزين والله خرجتى من صمتك لان ملفنا صار يوحش انقرضو البنات وصرنا يادوب 4 كروشات00 وزين لقيت احد معى00ويارب نولد قبل الاثنين00 شكلى ابرسل لخواتى واقولهم كثفو الدعاء لى واولد قبل الاثنين00

السلام عليكم ورحمه الله00 اخباركم00الايوم لاجديد بس طول الوقت سرحانه 00ودى اطرد التفكير بالولاده...

alnono :

مشكورين ياعرق سوس وحنونه00وانشا الله راح اضل معكم لحد مانتقل كلنا للملف الثاني مع خواتنا اللي ولدوا00وهالحين ابي اعرفكم بنفسي انا متزوجه من خمس سنوات ومن القصيم وساكنه بالرياض وعندي بنت عمرها ثلاث سنوات ونص واسمه اريام00 وهذا ثاني حمل لي والاشعه بينت ان البيبي ولد انشا الله00وهالحين معطيني موعد الاثنين ومحتاره مادري اروح والا لا00وبحملي الاول مااخذت من العاشر شي عطوني موعد ولدت قبله بيومين وبحملي هذا شكلي مطوله لانه مافيه اي بوادر للولاده00وسبحان الله احس نفسي خفيفه وانه مافيه شي خاصة لما اقوم من النوم00احيانا المس بطني اتاكد هو فيه والا لا00ولا فيه اوجاع ولا احس باي تقلصات00يمكن هذا الهدوء اللي يسبق العاصفه00معليش طولت عليكم 00بتقلون هاذي ماصدقت احد عطاه وجه وجابت كل اللي عنده00

مشكورين ياعرق سوس وحنونه00وانشا الله راح اضل معكم لحد مانتقل كلنا للملف الثاني مع خواتنا اللي...

حنين الفهد :

السلام عليكم00 النونو00 هلا فيك وسبحان الله احس فيه قواسم مشتركه بيننا كثير 00اتى مثلى متزوجه من 5سنين ولى ولد عمره 3 سنوات 10 شهور ومن القصيم بس ساكنه فى المدينه00ومثلك احس انى خفيفه ولله الحمد ماجربت الثقل بحملى هذا00بس مافيه اى بوادر ولاده00 ويو الاثنين ابروح واذا قالت ابحط لك طلق ماراح امانع 00لانى قريت وسويت بحث عن الطلق الصناعى انه مو ذااك اللى يخوف00 وابتوكل على ربي وابروح الا بحاله وحده اذا حسيت باى تقلصات قبل وحسيت انها بوادر ولاده ماراح اروح 00الطلق الطبيعى افضل شي00 ويارب ياكريم مايجى يوم الاثنين الا كلنا مولدين صراحه دخول الوحده العاشر يجيب القلق 00 ************ صوت الكناري00 هلا فيك اخبارك00وكيف اصيل مع شغالتك00ولدى شان حرب على الشغاله عجزت عنه بس يناقرها00 تدرين وش اخر التطورات من شغالتى الحقيره00 ولدى الصغير يقول لى ياماما الشغاله تطع النانا حقتها قصده تطلع صدرها لولدى00 ويشوفه00 انا للحين مو مستوعبه وولدى مايكذب بس الحيوانه مدري وش قصدها0 ************** عرق سوس00 اخبارك وش فيها نفسيتك 00ادعى ربك انك ماتطولين 00وان شاء الله هالمره غير وتولدى قبل موعدك ياكريم00 وشغالتى اللى مصبرنى عليها الحاجه00والا يمدين طيرتها00 بس العوض ولاالقطيعه00 وامى مبسوطه فى المدينه ديرتها اصلا وخوالى من هنا وعيال عم امى فى المدينه يعنى كل يومين تروح لمهم00 ************* ماميتو00 الله يجزاك خير00 وهونتى على من الخوف من الطلق الصناعى لان شايله همه00وانتبهى لحمودى ياعمري عليه00 ********** ام عبدالرحمن00 كيفك مع النفاس ورحتى لاهلك والا لسا00 وكيف شواخى00 ومشكوره على النصيحه00 والحمدلله الدكتوره قالت لى كل شى تمام00 *************** 0

السلام عليكم00 النونو00 هلا فيك وسبحان الله احس فيه قواسم مشتركه بيننا كثير 00اتى مثلى متزوجه...