مبروك نجوم وتتربى في عزكم
حنين
ياحليل اهل زوجك خذوا الشغاله وهم دارين عن ظروفك يعني وين عيالهم وبناتهم مافيه الا انتم (وحده فتانه) عاد عندي احساس قوي انك بتولدين بكره يارب يكون صح وامي مثل امك تقول توك واهلي لهم تاريخ مشرف مع العاشر الله ييسر لنا يارب وعساك تلقين شغاله اللي بالشهربسرعه والله يجزاك خير على تفريجك لكربة اهل زوجك ويكون فيها تفريج لكربتك يارب
صوت الكناري
لاتخافين انا مسنتره في الملف بس شكلي با خاف من احب زوجي وولدي وما رح ادخل بعد يومين هههه
ام عبد الرحمن
ايه اشوى الاسبوع الجاي تكونين احسن طيب بيجيك ضيوف في بيتك اذا رحت ؟

الحبيبات احلى كروشات

كيف الحال وشلونكم مع الثقل عسى ربي ييسر لكم ويهون عليكم عاجلاً غير اجل

الحبيبات والله اني افكر فيكم وادعوا لكم ..تصدقون ان دخلتي لملفكم اكثر من ملف النفاس بس عاد تعرفون ان دخولي النت قليل علشان كذا انا مقصرة معكم ...بس اول ما اقوم لازم ادخل اشوف مين ولدت وقامت بالسلامة

انا الحمد لله صحتي بدأت تتحسن وبنتي الحمد لله بخير بس الطبيب يقول معها صفار يارب ما يكون بس شئ شين

لي عودة مع قصة ولادتي بس حبيت اطل عليكم

الله يعطيك العافيه بنت طيبه ما تقصرين ويا اختي هانت وقرب الفرج الله كريم

مسااااااااااااااااااء الخير للجميع


تصدقون كروشات بناتي نايمات بس مدري ليه فيني أرق
قلت ادخل اشوف اخباركم وبعدين انام شويه قبل شهوده ما تصحى
الله يعينا يارب

بنات اخبار رسيل ما اشووووووووووفها
بسير اشوف ملف النفاس وراجعه لكم

احبكم كلكم
والله يسهل على الجميع مثل ما سهل علي

جزاكم الله خير يا بنات والله يهون عليكم انشالله
اكتب لكم قصة ولادتي
كنت رايحه موعدي للعياده عا دي يوم الخميس 26-10-2006 ولما قاست الدكتوره ضغط الدم لقته مرتفع 150على 90 قالت لي ولاده على طول لانك بالاسبوع 38 ولي تاريخ مع الضغط في الحمل
قلت لها خليني اجيي بالليل ارتب اموري واييب جنطتي قالت ابد الحين لازم تدخلين وحتى ما خلوني امشي قالت لازم بالويل تشير وعملولي دخول على طول
عطوني تحميله الساعه 12 الظهر وبعد فتره ما اذكر اشكثر بدا الم الطلق معاي بس على خفيف مثل الم الدوره وبعدين اعطوني تكرمون الحقنه الشرجيه تقريبا على الساعه 1 ونص وكل شوي تكرمون ادخل الحمام
وجت بعد فتره الدكتوره فحصتني لقت الرحم مفتوح 3 سم قامت شقت كيس ماي البيبي وكان الم الفحص مو طبيعي والله ان الطلق يهون عنه
وحطولي الطلق الصناعي وتالي بدا الطلق الصجي معاي بس كنت متحملته وادعي ربي وابكي واتحمل واقول يالله هانت انشاالله.... وعطوني كمام وكان ممتاز يخليج تدخلين في حالة هلوسه وتتخدرين يعني يساعد شوي وعطوني ابرة المسكن بعد
ورفضت ابرة الظهر قلت ابي اتحمل واخذ الاجر انشالله
والرحم كان قاعد يفتح معاي زين ما شاءالله بحكم انها الولاده الثالثه
وعلى هالحال لي جريب الساعه 6 المغرب
بعدين بديت احس بالدفع وفحصتني الدكتوره لقت الرحم مبطل 8 سم وجهزوني للولاده
وهني بدا العذاب الحقيقي بغت تطلع روحي لان البيبي كانت جايه بوضع مايل بالراس وبنفس الوقت وزنها كان كبير ماشاءالله فانحشرت البيبي
وقمت ادفع وماكو فايده روحي بغت تطلع وصوتي راح من الصراخ حسيت اني بموت وقمت اتشهد وقول لهم خلاص ما اقدر ادفع وهم يقولون يالله راس البيبي واصل بس محتاجين شوية دفع
اخر شي لما تعبت حيل حيل ونبض البيبي قل والبيبي تعب
اضطرت الدكتوره تشفط البيبي بس لللاسف انحشر كتف البيبي وانضغط وتعرضت ايد بنتي للخلع(لاحول ولاقوة الا بالله)
وتمت الولاده الساعه 6 وثلث المغرب تقريبا
طبعا بنتي الى الان ما تحرك ايدها ابد كانها خرجه (حيسبي الله ونعم الوكيل) فيهم لان كان لازم عمليه قيصريه لان البيبي متعافيه ما شاءالله ووضعها جاي مايل بالراس
وانا تعذبت حيل والخياطه صارت عند عميقه حيل ومؤلمه والله يستر انها ما تاثر علي حق بعدين
بنات ادعوا لبنتي ان الله يشفيها وتتعافى ايدها وانا تشفى خياطتي
انا ما ابي اخرعكم والله يسهل عليكم انشالله وتكون ولادتكم اسهل مني انشالله لان انا ولادتي كاتنت متعسره حيل
والدكتوره قاالت لي وادتج كانت وايد صعبه والله ستر وجت على اليد البنت كان ممكن تختنق لا سمح الله
والحمدلله على كل حاال
والله يهون على كل الحوامل يا رب