كوبونات الراقية تسجيل الدخول

أم عـبـدالـرحـمـن
أم عـبـدالـرحـمـن •
صوت الكناري صوت الكناري :
لا يمكنك مشاهدة هذا التعليق لانتهاكه شروط الاستخدام.
هلا وغلا .. انا الحمدلله طيبه .. وخياطتي فضيعه من أول المنطقه لتاليها .. تراني قلت للدكتورة ابا خياطه لأربع سنوات وما قصرت سوت لي خياطه وتطريز .. العيال الحمدلله تمام .. بس شواخي متعبتني أكثر من البيي فديته .. امي تقول شكلج تميلين للأولاد اكثر من البنات .. قلت لها ما افرق بينهم بس شواخي مصختها .. تبا تبوسه وتبا تنسدح فوقه وتبا تبدله وتبا تضربه .. احسبها وايد تستعبط عليه وعلي :(


هلا فيج حبوبه .. الملف منور بوجودج الغاليه .. انا ودي ارجع اليوم بس بعدني هالاسبوع يالسه .. شواخي الحمدلله هيه وعبودي طيبون .. طبعا يشبهون بعض نسخه اصليه من بعض واثنينهم نسخه اصليه من أبوهم وايد يشبهونه ما خذوا مني ولا شي .. وزوجي مستانس ان عياله يشبهونه .. انتي اشحالج واشحال ندوري .. الله يعينج على الغيره شواخي طلعت عيوني .



هلا حبوبه .. الضيوف حد منهم جا في المستشفى وحد منهم جاني بيت امي من يومين كله زيارات وطبعا الزوار اهل زوجي .. وانا ما استقبل حد الا بيت اهلي اريح لي .. لاني ساكنه بملحق بيت اهل زوجي فما آخذ راحتي في الزيارات ... وطبيعي نحن محد يزورنا الا في نهاية الاسبوع .. فكل نهاية اسبوع بشل عيالي وبروح عند امي .. وسلامتج .

نونو السعوديه
دام ما خيطوج عليج بتمارين كيجل .. اعرف وحده عندها 3 ما شاء الله .. ما سوالها خياطه الا في البكر .. وزوجها يمووووووووت عليها .. يعني ما أثرت الخياطه في علاقتهم الجنسيه

أم عـبـدالـرحـمـن
أم عـبـدالـرحـمـن •
:26: قصـــــــــــة ولادة عبـدالرحمن البــــــــــطل :26:

أول شي انا كان فيني الألم من ليلة العيد بس ألم خفيف يروح ويرجع يعني ألم ما يبشر بولادة .. شي ثاني كان بطني كله ملتم ونازل على تحت .. استمريت على هالحال اول يوم العيد وثاني يوم وثالث يوم العيد .. ثاني يوم العيد رحت عند الدكتورة وسويت تصوير قالت لي كل شي تمام .. وقالت لي مفتوح 2.5 وقالت لي اشربي خروع بتولدين .. يوم الخميس كنت عند امي تعشيت عندها وقلت لها احس بألم بارد منتظم بس ما يزيد ما يبشر بالولادة .. قالت لي أسمعي الكلام واشربي خروع وبتولدين وبترتاحين .. مر علي زوجي وروحنا البيت يوم وصلنا عند باب البيت قلت له ابا خروع .. قالي هاه بتولدين قلت له ما ادري قالي يالله بنجيب الخروع ورحنا الصيدليه وخذنا خروع وخذت عصير أناناس فرش كأس كبير .. سكبت زجاجة الخروع كامله في كأس العصير وشربته كله :) .. هذا الكلام الساعه 11 ليلا .. الساعه 12 بدأ مفعول الخروع .. كل ساعه اقوم اروح الحمام لين الساعه 5 الفجر .. وقف مفعول الخروع .. صليت الفجر ونمت من التعب .. راح زوجي الدوام .. الساعه 7 انتبهت على التيلفون زوجي حارقنه يبا يطمن عليه اتصلت فيه .. قالي هاه بتولدين قلت له لا ما في شي وعصبت عليه انه ما خلاني انام .. سكرت التيلفون قلت بروح الحمام .. تفآجأت بالافرازات الي ممزوجه بدم أتصلت بزوجي قالي يالله انا جاي ولادة قلت له ما في الم قالي لا خلاص بتولدين ..انا جاي .. دخلت الحمام وسبحت وتنظفت وطلعت من الحمام لقيت ام زوجي يالسه في الصاله تترياني .. قالت لي شو فيج قلت لها ما شي قالت لي ولادة قلت لها لا ولا فيني شي ألم عادي العصر بروح المستشفى قالت لي لا الحين من ايي زوجج بتروحين لا اطولينها وهيه قصيره .. دخل زوجي وام زوجي شلت شواخي وراحت بيتها وقالت اذا تبوني اورح وياكم اتصلوا فيني .. قالي زوجي يالله البس عباتج خلينا نروح كانت الساعه 9 الصبح قلت له بنام وانته تعال نام لي زاد الشي بنروح .. بدل ملابسه وانا انسدحت على جنب كنت بنام .. وهوه توه بينسدح واصرخ صرخه من الالم صديت عليه لقيته واقف يلبس ملابسه .. ههههههههه ضحكت عليه قلت له وين قالي قومي بالطيب لبسي عباتج خلينا نروح .. عصب عليه قمت لبست واتصلت بأمي .. طبعا امي عصبت عليه قالت لي لو ولادة ما قدرتي تتكلمين في التيلفون قالت لي ارقدي لي حمى الويع اتصلي بي .. قلت لها اوكي سكرت التيلفون عن امي ركبت السياره انا وزوجي وامه ورحنا المستشفى .. نزلت من السياره كانت الساعه 10.5 وظليت امشي في الطواري ساعه كامله .. دخلت على الدكتوره قالت لي مفتوح 5 سم .. قلت الله يستر الالم بارد بس منتظم كل 5 دقايق بالضبط .. وعقب جابوا لي الكرسي وقالوا لي يالله غرفة الولادة قلت لهم بمشي قالوا لي لا ما تمشين .. قلت لهم لا بمشي .. عصب علي زوجي وقالي يلسي لا تعاندين .. الساعه 11.5 انا منسدحه على سرير الولادة .. وطرشت مسج حق امي انا تراني على سرير الولادة .. الله وكيلكم من الساعه 11.5 للساعه 1.5 الظهر والألم حاااااااااااااااااااار ضووووووووووووووو نااااااااااااااااااااااااار متواصل ما في بينه اي راحه ما في بين الويعه والثانيه مهله وار بعض متتالي .. وانا اصرخ بأعلى صوتي رجيت المستشفى رج هزيته هز اسميه كان صريخاً عدل ارتحت نفسيا .. سمعت الي ما يسمع من الألم القوي الي ياني وزوجي ميت من الضحك وأم زوجي ماسكه أيدي وتدعي لي وتقولي هذا ريال ويعه حامي وانا ميته من الالم واشفط اكسجين والسستر تقولي لا تآخذين وايد أكسجين ترا البيبي بينام وما بيطلع .. وهيه كل شوي تفحص من تحت .. من قالت مفتوح سبعه ونص بدت فخوذي ترجف وبديت ادفع لا إرادي قالت لي لا تدفعين ما اباج تولدين على السبعه ونص قلت لها لا ارادي ادفع .. اترجاها عطيني مسكن عطيني ابره قالت لا خلاص ولاده .. وانا اشفط واكسجين واخذ نفس .. الساعه 1 دخلت علي امي وحط ايدها على بطني دعت لي وقرت عليه قالت السستر يالله ولاده 10 سم بش بش .. سويت بش وساعدني السسترات مسكن ريلي وانا ادفع لين طلع البيبي وجاتني رجفه بعد الولادة استمرت ساعه كامله .. والحمدلله دعيت للكل بالسهاله والهدايه والله يرزق كل محرومه الذريه الصالحه والله يرزق كل محرومه الزوج الصالح .

الموقف الطريف في الولادة .. انه زوجي كان واقف عند راسي والطلق كان حامي جدا وانا اباه يمسك ايدي وهوه حضرته واقف وماسك حديده السرير .. يوم حمى الطلق زياده حطيت ايدي في رقبته .. ضحك وضحكت انا في عز الألم .. قالي شو فيج .. قلت له امسك ايدي حرام عليك مسك ايدي .. بعد الولادة قلت له جني كنت بزنطك .. قالي زين يوم عندج حاسيه .

صح ألم ولادة من الساعه 7 الصبح لين 1.30 الظهر .. بس الحمدلله رب العالمين احسن عن ولادة شواخي ..

أوصيكم بالتنفس من تيكم الويعه اخذوا نفس من يجي الألم عليكم بالنفس تراه وايد يساعد على فتح الرحم وتسريع الولادة .

والله يسهل عليكم
عرق سوس
عرق سوس •
اخباركم بنات
ااااااه فيني النوم بنتي الله يقطع بليسها قامت بدري وجت عندي في الغرفه واشغلتني
نونو
ترى عادي ما خيطوك اختي كذا ما وسعوا لها بس اهم شيء تواظبين على تمارين كيجل وتتغذين والخياطه مو دليل على سلامة المنطقه اهم شيء النظافه والاكل الصحي وصكي رجولك عدل
حنين
هاه بشري والله ييسر لكم شغاله طيبه بسرعه
صوت الكناري
اجل اهلك وين ساكنين مادامك بلحالك في جده عساهم قربيبن حولك والله يقومنا وياك بالسلامه
قلبك ثلج قلبي نار
والله قصتك تضيق الخلق بس ان شاء الله كله بأجره ويفرحك ببنتك وتشوفيها عروس
ام عبدالرحمن
الله يعينك على شواخي شكلها بتغثك تحمليها ولاتصارخين عليها عشان ما تعاند وبعدين ولادتك سبحان الله الطلق بارد والرحم مفتوح 5سم غريبه احيانا يكون الطلق حامي والرحم ياالله 2سم زين انك رحت للمستشفى ولاولدت في البيت صدق الطلق احيانا يخدع والحمدلله على السلامه
حنين الفهد
حنين الفهد •
السلام عليكم 00
موجوده لسا مافيه اى بوادر 00
اخباركم 0
ام عبدالرحمن0
هلا فيك 00ومشاء الله العائله كانت عندك زوجك وامك وام زوجك الله يخليهم لك ان شاء الله0000 بس الحمدلله تيسرت ولادتك00 بس غريبه الرحم ينفتح 5 والطلق بارد00 طيب المغص اللى بعد الخروع قوى والا عادى يتحمل لانى اتوقع اذا رحت لموعدى الاثنين بتقول لى اشربي خروع واذا ماجاب نتيجه سوينا طلق صناعى00
وانا اللى احس فيه الم وشد بفخوذى ومغص خفيف جدا من امس بس مازاد نهائيا00
****************
عرق سوس00
هلا فيك اليوم الحمدلله نمت من بعد الفجر على طول وتوى قمت 0لانى ولدى مانام الا بعد ماطلع روحى الله يهديه00 وبنتك كبيره مشاء الله تفهم اذا قلتى لها لاتزعجينى ابى انام00 ولدى اتوعد فيه ياويله يدخل على ويقومنى وبسم الله عليه يسمع ويخاف ومايمر على0000
أم عـبـدالـرحـمـن
أم عـبـدالـرحـمـن •
عرق سوس عرق سوس :
اخباركم بنات ااااااه فيني النوم بنتي الله يقطع بليسها قامت بدري وجت عندي في الغرفه واشغلتني نونو ترى عادي ما خيطوك اختي كذا ما وسعوا لها بس اهم شيء تواظبين على تمارين كيجل وتتغذين والخياطه مو دليل على سلامة المنطقه اهم شيء النظافه والاكل الصحي وصكي رجولك عدل حنين هاه بشري والله ييسر لكم شغاله طيبه بسرعه صوت الكناري اجل اهلك وين ساكنين مادامك بلحالك في جده عساهم قربيبن حولك والله يقومنا وياك بالسلامه قلبك ثلج قلبي نار والله قصتك تضيق الخلق بس ان شاء الله كله بأجره ويفرحك ببنتك وتشوفيها عروس ام عبدالرحمن الله يعينك على شواخي شكلها بتغثك تحمليها ولاتصارخين عليها عشان ما تعاند وبعدين ولادتك سبحان الله الطلق بارد والرحم مفتوح 5سم غريبه احيانا يكون الطلق حامي والرحم ياالله 2سم زين انك رحت للمستشفى ولاولدت في البيت صدق الطلق احيانا يخدع والحمدلله على السلامه
اخباركم بنات ااااااه فيني النوم بنتي الله يقطع بليسها قامت بدري وجت عندي في الغرفه...
هلا ,, هيه والله .. الله يعيني صدق لانها وايد متعبتني ومصدعه برأسي .. الطلق ما حمى الا لما فتح عندي على السبعه .. صدق انه خداااااااااع لاني كنت اتحسب آلام عاديه مش طلق .