بنت طيبة :

الف الحمد لله على سلامة حنين الفهد وعقبال الصامدات كلهم احلى كروشات قصة ولادتي : الله يسهل الولادة على الجميع بصراحةولادتي جت فجأة وربي ستر .. انا من نهاية رمضان احس بألم شديد وتجيني تقلصات احس انها ولادة بس اول ما اخذ بندول تروح ..وكذا حسيت اني مطولة . .يوم الخميس جاني الم شديد وكان العيد في بيتي وانا من النوع اللي ما احب اتشكى ولا ابين عالعموم الالم يجي قوي بالمرة ويروح عاد قلت زي دايم اجلس مع الحربيم اشوي واقوم اخوف لا احد يحس فشلة والله عازمتهم وتعبانه عاد يوم راحوا الضيوف وابو الشباب قال انا معزوم عند الشباب واعتذرت لهم عن العشى ولزموا عاد علي وبروح واستحي اقولة ان معي الم وتطلع ما هي ولادة عاد سكت وقلت الله يسهل عليك . . الوالدة تقول شكلك تعبانةوعسى ما فيك ولادة تروحين المستشفى واقول لها لا بس يمكن من الثقل ... جاء يروحون اهلي والله اخاف قلت استنوا بكلم ابو الشباب وبروح معاكم .. اساله بتتأخر تعرفون عاد اللرجال وش قد تحرهم اهالكلمة قال يمكن قلت بروح مع اهلي وامرح عندهم الليلة ما صر وافق ورحت . ..وتونا ببداية القصة عاد يوم رحت ابغى انام ومافي امل طهري بينكسر من الالم وخايفة اروح للمستشفى ..وبس امشى ماني قادرة انام لين غفيت لي شوي وارجع اقوم ..وانا صامدة ما ابغي اقول لاحد ولا انا دارية انه قرب الولادة .. يوم الجمعة قاعدة ادعي والله احس بعيني تدمع من الالم بس عاد دلخة اقول الم التاسع دايم صعب واجي اتغدى ومالي نفس .ويجي بعد المغرب ابو الشباب ويقول خلنا نطلع العيال للعثيم يلعبون ..قلت له تعبانة شوي قال فيك ولادة لا بس الم عادي .. قال قومي بلا عجازة واروح للعثيم والعب العيال بس الحمد اخذت اختي تلعبهم ولا كان بأموت يوم احس الالم يزيد واتذكر راعية مبدا _ الله يسهل امرها _ يوم تقول عن عصير الاناناس واقول لزوجي ابغى عصير اناناس ...وشراء لي جيك قلت احسن اقعد اشرب فية كم يوم ..علا بالها الاخت لسى مطوله.. جينا البيت الساعة 10واشرب كاس العصير واحس ماني قادرة اقعد من الالم وبس امشي وحتى افتح النت وانا واقفة واكتب لكم رد ولا جاء على بالي اني بروح للمستشفى ..وتعشى عاد زوجي وقال قومي نروح وانا تعبانة موت ..ويقول وشفيك تعبانة شكل الولادة مقربه قلت يمكن ..قال تروحين المستشفى اقول لا هذا الم بسيط روح للبيت وانا بكرة اروح معاك اليوم مقدر قال بكيفك ..لاني كنت خايفة اني اولد وهو في العمل تعرفون السبت دوامات ..على العموم الالم يزيد ويزيد وانا مستنية علامة للولدة ..لان بصراحة في كل ولاداتي السابقة تجيني المويات قبل 6 ساعات من الولادة او اكثر وهالمرة ما في إلا الم قوي ..يوم جاء الساعة 3 في الليل وتدخل علي امي تقول وشفيك شكلك ولادة اقولها لا لسة .. امي خوافة تقول وجهك اسود مثل العباية ومنتي قادرة تتنفسين وما تبغين تروحين للمستشفى والله بروح اقوم ابوك قلتلها خلاص بروح بس لين اذن الفجر وصلينا ..تركتني وراحت قومت ابوي وطيران على المستشفى واحس بالسيارة اني بيغمى علي وبس اقرا الزلزلة وادعي قلت هذه شكلها سكرات الموت خلاص جتني ما هي ابداً الم ولادة ..ومستشفى السعودي الالماني في الصحافة وحنا بالسويدي يعني المسافة اكثر من نصف ساعة بدون زحمة . .ويكلمون على زوجي ويروح على هناك ..وانا ساكتة واشوف الموت قدامي يوم وصلنا على طول دخلتي الدكتورة يوم جت تفحص إلأأ تلاقي الرحم 10 سم انهبلت وقامت تصارخ على الممرضات وقالت على طول غرفة الولادة وقعدت تهوش زوجي ليه تأخرتم وتقولي وشلون صابرة على نفسك كان امداك ولدت في السيارة وعلى طول ماا مداهم يحطون لا مغذي ولا شي وإلا قمت ادفع تقول استني كنا على كيفي بس انا ما ادري عن نفسي وبس ادعي والحمد لله قال الموذن الله اكبر وابغى اردد معاه وبس قلت الله اكبر وقبل الثانية إلا ولدت بفضل الله ورحمتة والمشيمة تاخرت اشوي وبعد الولادة جتني حالة ما يعلم بها إلا الله ما قدرت اتكلم وكلش عيوني تدمع ما ادري فجعه ولا فرحة والحمد لله مسهل كل عسير

الف الحمد لله على سلامة حنين الفهد وعقبال الصامدات كلهم احلى كروشات قصة ولادتي : الله...

أم شماني :

:)

:)