السلام عليكم ورحمة الله وبركاتة
كيفكم اخواتي ان شاء الله الجميع بخير
والله اني خانقتني العبرة وحبيت افضض لعل وعسى تروح منى ها الغمة
المهم اخواتي في نفسي سؤال ابغى اعرف ليش الحقد والحسد صار حتى في اقرب الناس ليكي :44:
راح اقلكم سالفتي من بدايتها..اولا انا ولله الحمد منّ الله عليا بوظيفة واتوظفت معايا كذا واحدة من صديقات الدراسة..
اتذكر وقتها فررررررحت كثيررر والله يعلم
المهم عدت الايام والليالي ومنّ الله عليا انو اكمل دراستي في الخارج وشكرت الله على ذالك واتحمست كثير وصرت اسعى في ذالك الى ان صرت على وشك السفر واذكر وقتها بعد فترة كل صاحبتي جاتلهم هذه الفرصة كمان والحمد لله وقالو يارب مانسافر الا وازواجنا معانا وقولنا يارب ومشيت الايام
وبعدها بفترة بسيطة انخطبت ومثل ماتعرفون هذه الامور من الافضل انها تكون بالكتمان الا ان يرد الله ويتممها وعند قرب وقت الملكة خبرتهم بالموضوع والله العظيم يااخواتي اني الى الان اذكر موقفهم صاروو زي كذا :eek:
وكلمة مبروك ماسمعتها :(الا من كم واحدة وكانت مجاااااااملة بحتة
المهم بعد الملكة كانت توصل لزوجي مكالمات وازعاجات باسم واحدة من صاحبتي وانا كالعادة لم اشك للحظة انهاهي ولكن زوجي كان يعرف اسمها اصلا وكان يقولي انو شاك انه فلانة وانا كنت اقول متسحيل احسن الظن يارجال
ولكن بكل اسف والله يااخواتي ومرارة اكتشفت اخيرا انها هيا :(:( حسبي الله ونعم الوكيل
صح بعدها صرت حذرة منها ولكن مااعرف امكن اقول من سذاجتي مااعرف بقيت على اتصال معها او ممكن اني قليلة الصدقات فاكنت ماابغى اكون من غير صداقة مااعرف مااعرف
المهم سافروا هما لمكان دراستهم وانا لمكان دراستي
عدت الايام هنا في الغربة وكنت احس اني بحاجة الى صديقات كنت ابكى والله من الوحدة
ادخل على الماسنجر ماالقى احد استغربت انهم مو متصلين بحكم انهم مدمنين نت شكيت باانهم حذفوني
ومرة كلمتني واحدة من صديقات العمل وتقولي ماشاء الله الحبيايب اليوم مجتمعين واراد الله ان يكشفهم تقولي فلانة وفلانة متصلة وانا كنت مااشوفهم متصلين عرفت وقتها باانهم حذفوني او عملولي بلوك عديت الموضوع عادي الا شوي تضيفهم مكالمة جامعية عندي وتقول الوو ياناس فين روحتو وهما اكيد من جبنهم اختفوا وماردو وقالت غريبة مااعرف فين راوحو
وانا كنت عارفة انهم يشوفي كلامي ف حاولت اني اخذ حقي باني امزح واضحك واغيظ اكثر واكثر :42: لاني بصراحة جرحت وبعدين قفلت وبكيت
ليش اخواتي الدنيا كذا كلة عشان اتزوجت وروحت مع زوجي ليش كل هذا الحقد ومن بعدها اخذت قرار اني اعملهم انا بلوك ونفسي هيا الاهم وطز فيهم
يعلم الله اني صدمت فيهم وانا ناوية اذا ربي كتب ورجعت بعد الدراسة انهم يكونو زيهم زي الحيطة
اااااه عن جد ماعلى الدنيا عتب..والناس الطبيبين ينعدو على الاصابع
يارب اني اسالك ان تديم عليا هذه الطيبة وحسن الظن واجعلهم معي لاعليا
كانت مجرد فضفضة اتمنى أن تتقبلوها :26:
يلزم عليك تسجيل الدخول أولًا لكتابة تعليق.
tutah
•
والله فاهماكي ومقدره احساسك بالاسف على اللي حصل .......وحزنك يدل على انك أصيله ومتربيه و وفيه ........... وهاذوو اللي تتكلمين عنهم زواج وتزوجو دراسه ويدرسون ...؟؟؟ليه المقاطعه؟ ما عليك منهم طولي بالك واشغلي نفسك باشياء أخرى تنسيك هم الغربه(أنا كمان مغتربه وحاسه بيكي)
tutah ياعسل انتي تسلمين على الكلمة الطيبة والله يصبرنا على هذه الغربة..وهما ياعسل ماتزوجو الى الان وادعو الله ان يرزقهم..
سلمت يمناك..
ودي لكي..
سلمت يمناك..
ودي لكي..
tutah
•
tutah ياعسل انتي تسلمين على الكلمة الطيبة والله يصبرنا على هذه الغربة..وهما ياعسل ماتزوجو الى الان وادعو الله ان يرزقهم.. سلمت يمناك.. ودي لكي..tutah ياعسل انتي تسلمين على الكلمة الطيبة والله يصبرنا على هذه الغربة..وهما ياعسل ماتزوجو الى...
احنا ندعيلهم بالزوج الصالح والذريه الصالحه والهناء ومن يرميك بالطوب أرميه بالورد(إلا لما يكون الأمر متعلق بحقك أبدا لا تسكتين ...===خارج الموضوع هههه بس حبيت أنبهك أنك ماترميش الورد للناس اللي تجرحك جرح عميق هههه )تسلميلي يا ورده :42:
الصفحة الأخيرة