مجرد فضفضة...

السلام عليكم
هلا بكن اخواتي يابنات عالم حواء.. ياحلاة هالجمعه الحلوة كلما ضاق صدري دخلت المنتدى..
اخواتي جالسه بجو هادي ماحولي احد مخلصه شغلي قلت يابنت اكتبي الي بخاطرك و ماحولك الا بنات لذيذات راح يطبطبون عليك و يهدون خاطرك لاني ادري مابيد احد حيلة اذ انا صاحبة الهم المؤرقني من سنين ماني عارفه لها حل و لكن حبيت احكي سالفتي مع ابو الشباب الي ابتلاني فيه ربي و الحمد لله على اختياره و ماقضاء و ماقدر و ماكتب ما اقول الا عسى ان تكرهو شيئا و هو خير له..
ابو الشباب خطبني و انا لسه نجحت من الصف الاول ثانوي سبحان الله مارتحت من ساعة مادخلت امه علينا جايه تخطب المزيونه رفضت و تخيلوا بنات جلست رافضه خمس شهور و لا سألوا عن رأيي و كأن الله كاتب هالزواج يتم و بعد الخمس شهور اقنعتني اختي اني اتزوجه و اغير رأيي و تراه الناس،يذكرونه بخير انا ماني مرتاحه بس شايفن انها اختي الكبيرة و حبيت اخذ،كلامها لانها بتكون مدركه اكثر و اشوف امي راغبة بهالزواج قلت يالله يابنت الحلال اهلك ابخس و انت وش عرفك بهالامور و اتصلت امه بعد فترة تسأل صح النوم يانايم و بعد سنتين تمت الملكة و بعد سنتين تم الزواج و خلال هالفترة الاربع سنوات لا شبكة و لا شوفه لا مكالمة و لا شي كأنه رجل من الزمان الاول المهم اني ماعبرت هالكلام و لا حطيته ببالي و قبل الزواج باسبوع حلمت فيه و في امه حلمين و الله مفزعات بس قلت هذي وساوس ابليس يوم جاء الزواج اشترط على اهلي تخفيض المهر و قال و الا اجلته سنه الزواج اقنتعتني امي قلت خلاص ماهي مشكلة جهزت الي الله كاتبه لي و تم الزواج و ليته ماتم و لكن الحمد لله على كل حال الحال مايسر من اول ليلة و لكن سبحان الله شي الله الهمنيه و صبرني لحكمة مايعلمها الا هو تخيلوا عروس من صباحية زواجه و هذا البرنامج من اول يوم لا سفر و لا وناسه و لا طلعه البرنامج لما يقوم الزوج العزيز قبل اذان الظهر يروح يجيب اغراض الفطور و الغدا لانه طبعا يجيب على قدر حق اليوم الا الرز جابه اول يوم و خلاص تقوم العروس من اول يوم من زواجها تجهز الفطور و تجهز الغدا و بعد الغدا و الله يطلع و لا ينشاف الا الساعة وحده بالليل لا تلفون ثابت لا جوال و لا تلفزيون حتى المجد حرام الى ماتزوج اخوه و سكن بالشقة الي جنبنا و تحول الحكم الشرعي الى حلال علشان يمد منه سلك المهم بعد اسبوع من الزواج رحت ازور اهلي انصدموا لماشفوني البنت صارت عود،خيزران و صفرا بهات لوني لا شمس و لا قمر و لا بشر بهالشقه حبس المهم ماقدرت اصبر قلت اتصل و استشير كلما استشرت شيخ قال لي الطلاق يابنتي الحل لا تورطين بالعيال اهاه ليتني كنت مراة و سمعت الكلام و لكن الحمد لله على تدبير رب العالمين مصرة القى حل مع هالرجل رافضه مبدئ الطلاق المهم مالكم بالطويلة حملت جبت ولد صار كل اجازة صيف يحطنا عند اهلي و اذا طقت كبدي ومع بدايت الدراسة قلت هات ورقتي قال لا انا جيتك ضفي عفشك و على هالموال و بعدين تفرقنا و خطبت كم مرة و لكن ارفض لانهم يرفضون ابني يعيش معهم من حقهم و لكن انا قلت مايفرقني عن ولدي الا الموت لو ايش ماتخلى عن ولدي كتب الله اننا نرجع لاني ماني متقبله فكرة ان ولدي يعيش مع زوجة اب او تحت رحمة جدته و عماته اهاه منهن و الله اني وصلت اني ادعي عليهن من شي اشوفه منهن ابي افهم ليه يذوني انا كل اسبوع ازورهم اخذ،معي حلى او طبق عشاء او سلطة و احيانا اخذ هدية لامه و مع ذلك يحطون الاكل لي انا بس ماياكلون منه و لا يحطون منه للرجال سكت تحملت صبرت تخيلوا دايم عزايم عزايم حتى و انا حامل رغم ان زوجي يعرف ان الدكتورة مانعتني من الحركة و لما اخوه حط عزيمة لتمايم ولده بالبر لانه بوقت الشتاء جاء ابو الشباب و اخذني من بيت اهلي الساعة ١2و نص بالليل و قال جهزي القهوة و الشاي و العزبة كلها جلست اختكم تجهز طول الليل الى بعد الفجر قال يالله تجهزي اعتذرت قلت ضرسي يوجعني و انا اكذب الله لا يواخذني لانه ماهو عذر عنده اني حامل و مانعتني الدكتورة من الحركة و اني طول الليل سهرانه على الشغل و حتى و انا فيني طلوق بوادر ولادة مع ذلك حط عزيمه و امه ماقصرت جابت القبيلة كلها يوم العشا ماقصرت و لكن بنات عمتها استحن لما شفني وجه وحده بتولد و طلعن على طول بعد العشا زوجة اخوه ماقصرت رمت حفاظة طفلها على ديكور المطبخ و طلعت المهم ولدت من بكرة و الحمد لله.. و الحكايا لو بسولف الى بكرة ماني منتهيه بس الشكوى الله المشكلة لما اكون اواجه عائلة لوحدي مالي،سند و لا عزوة بعذر اني انا الي رجعت قوة شوكته علي و صاير يتلفظ باوقح الالفاظ هو اصل متى تعلم الكلام الطيب.. غير هم انه اسراري اسرار الزوجيه عند امه و خواته كل ليلة و طقطقه على،سوالف فراشنا كل ليلة حاولت افهمه لكن للاسف صام اذنيه اقول حرام يسكتني و لكن امري لله الله يزوجه و يريحني متى بس يتزوج هو الحين لا مصروف زين العالم و الناس و لا هو تاركني اتوظف انفق على نفسي و عيالي و البيت بس على ٥٠٠ ريال كل شهر و كل شهر اقول هالشهر لعيالي و البيت و انا الشهر الجاي مدري متى يجي الشهر الي اهني نفسي فيه بس تصدقون الطلاق ريحني من حاجة الي هي الضرب بعد الرجعه ماعاد،يمد ايده مع انه يتمنن علي كل يوم البيت ماهو بيتك يوم تطلعني من هالبيت و هذا كلامه من اول ليلة رجعنا تخيلتوا طول الاجازة الصيفية لا طلعه و لا دخله بهالبيت لحالي و لما قلت طيب طلعني للشاليهات الي جنب بيتنا رفض قلت طيب انا بطلع بمصروفي يرفض المهم جاء عيد الفطر كانت ليلته عصيبه بس ابكي من القهر و التهزيء الي جاني فيها و غير انه رفض اني اخذ عيدية لبيت اهلي و يهزئني عند سوالف مالها سنع ماهو وقته المهم اني صليت العيد دخلت تحت فراشي ابكي ماقدرت اروح اتعيد مع اهلي و لما صار هالعيد الاضحى مارحت اشتري فستان للعيد و هي عاده عندنا عيد،الاضحى مثله مثل عيد الفطر لبس جديد و اجتماعات و عيديات المهم قبل العيد كنت عايده سالفه الشاليه و قايله له بطلع بمصروفي رفض و يوم العيد جاء لمي يقول يالله تجهزي و جهزي قهوتك و العزبة و بجي اخذكم قلت ان شاء الله و الا فيني عادة حلوة يوم العيد احط قهوة و جهز المكان للحلويات لو اتعيد لحالي طبعا العيد هذا انا جبته من مصروفي و الي كنت رافعته للشاليه حطيته للحلويات دخل علي قال يالله قلت ماني رايحه تبي شاهي هذا هو بالمطبخ و لا سويت قهوة لان الغلاية خربانه خذ شاهيك و توكل المهم انه انصدم اول مرة اكون جريئه كذا دائما مستسلمه له و اتهنى بعيد و اتقهوى و عايدت امي و ابوي بالتلفون و لما خلص العيد رحت لهم و طلعت مع خالاتي بالاستراحة جت رحمه من الله و انبسطت و عسى ربي،يزوجه و اعيش انا عيالي و بس ماني محتاجه له الله لا يحدني له يارب تصدقون و الله لو اني اخاف اظلم بنت الناس معه و لا اتمنى لهن مثل الي مريت فيه لكن خطبت له لان و الله ماعليه حسوفه حتى فراشه هجرته بلا عودة لان اذا ماكان رجل يحافظ على خصوصياته زوجته فانا يجب ان احافظ على سري و خصوصياتي لا يطلع عليهن... اتعبانكم معنا و سلامتكم.....