مجرد فضفضة عن بيتي

وربي حاسة نفسي بنفجر شو اقول والله مدري مليت من وضعي ووضع بيتي صار لي حوالي عشر سنين على هالحالة وصبرت وتفائلت وما اشوف غير ان الوضع بيزيد عن اول عندي 3 اولاد وحامل بالولد الرابع بدخل بشهري على رمضان
بيتي عبارة عن غرفة نوم وجلس ومطبخ وحمام الله يكرمكم وضيق جدا وعندي ولدين بالمدرسة وتعرفوا احتياجات الاولاد من سرير ودولاب ومكتب للدراسة والمشطلة عنذي غرفة النوم ضيقة يادوب واسعة سرير بنتي الصغيرة وهي دوبها عمرها سنة وشوي واخواتها ينامون بالمجلس والله وين اودي البيبي مدري ماله مكان ما اقدر اني اطلع بنتي لازالت تصحى من النوم وهي بعدها صغيرها اخاف عليها لانها لو صحت وما حسيت عليها ماشاء الله ما تترك شي من شرها القاها طالعة لفوق الكنب وتلعب بالكهربا الحين افكر اني اقسم المجلس بقاطع واعملها غرفة للولاد مع ان المجلس مو كبير بس وش اسوي
حنا عايشين بعمارة مع اهل زوجي امه وابوه واخته ما خذين تحت هي شقة اغرفتين ومجلسين وانا ماخذة فوق مع اخته متزوجة وزوجها موقوف بس مقسمة البيت بيني وبينها
اااخ بس كل ما جينا نطلع ما تضبط معانا لما من جديد اكتشفت انا وزوجي انه اخته الثالثة متزوجة وساكنة لحالها هي واولادها طلعت حية من تحت التبن هي اللي تخرب علينا الطلعة وتشتغل من تحت لتحت والله من شهرين شفنا بيت ومننقله عن طريق زوج اخت سلفتي ارسلت اخوها الثاني عشان يقول لعمي انه البيت استأجروا ناس ثانين وكل ما شفنا بيت لازم تخرب علينا والله صار لي عشر سنين على هالحالة وانا من تزوجت وزوجي واهله يقولون 6 شهور والله ما نقعد بلبيت بس حسبي الله عليها اللي تخرب عليي الله يجعل كيدها في نحرها الله يجعل تدبيرها في تدميرها
مع العلم قبل ست سنين كانت ام زوجي قايلتلنا اننا ننزل ناخذ الشقة اللي تحت واخلي مجلس الرجال والحريم عندي وهم بيطلعو فوق على شقتي عشان بنتهم اللي قاعدة عندهم ما عندها مطبخ عندها اولاد وماشاء الله اولادها كبار انا اغطي عليهم فقالت نشيل القاطع وخليها تقعد معانا بس حسبي الله عليها اخته ذيك راحت خربت كل شي وزوجي زعل منها كثير لانه وده يتوسع لان بالاوقات هذي ماكان عندي مطبخ كنت عاملة مطبخ صغير بنفس المجلس وغرفة نوم بس
ااااه بس حسبي الله عليها من اخت لا وبس يجيبون سيرة انهم بيدورون على بيت بتقلهم اي ولازم بيتكم ضيق ومن هالكلام وبس نلاقي بتروح بتخرب علينا من تحت لتحت
والمصيبة انها كاتبة على الواتساب بالقروب حقها هي وخواتها واخوانها اني عاملة مشاكل مع امها حتى اطلع من البيت وانها دايما تجي وتحاول تهدي بامها لاني مسببتلهم مشاكل كبيرة وودو امها المستشفى لان معها ضغط وايامها كان زوجي برة السعودية وبس قرى الكلام اتصل على اخوه يطمن على امه وساله عن السبب قله هذي اختك من يوم سافرت وهي تجي وتزن على راسها على زوجتك وزوجتك وما احترمت وجودي حتى واللي مرضها هي اختك وزوجاتنا مالهم علاقة وانا ايامها اصلا كنت عند اهلي نايمة من لما سافر زوجي لرجع وما دريت باللي صار بس رجع زوجي قلي اختي هذي بتقاطعيها وما تقربيلها الا بالاعياد وانا ما دريت باللي صار بس بعد شهر دريت من برة وخبرني بالضبط وانا والله بعمري ما قلت لزوجي ما بسكن عند اهلك بالعكس دايما اساعده على برهم والحمدلله اللي هو بيعرف هالشي ولا كان خربت بيتي الله يجعل كيدها في نحرها يارب
طولت عليكم بس حبيت اني افضفض تعرفون الحامل كيف نفسيتها ومالي غيركم افضفضلكم واحس بس اكتب مشكلة لي في المنتدى تنحل بسرعة مدري ليه عسى ربي يفرجها علي ويرزقني الاستقلالية في معيشتي