مجرد فضفضة لا أكثررر

السلام عليكم ورحمة الله وبركاته ..
اناقصدي من ذه الموضوع مو بشكوى بس فضفضة عشان لأنفجررر وابي النصح وتقولولي رايكم بذوق وتدعولي من قلب
انا الصراحة شخصيتي جدا حساسة
ومشكلتي هي اني اذوق المر من اهلي
ودموعي دايما فعيوني واحيانا تسيح من امي الله يهديها فأي غلطة صغير تكبرها وتقعد تخاصم وتدعي دعاوي مهي بزينا علينا انا واخواني تقول الله يصيبكم والله يقلعكم وانا ما افتكر دعاويها علي والله نسيت بس هي لازعلت منا انا واخواني دعاويها تبكي القلب والله ما افتكر دعاويها بس هي دايماً تجرحني واحسها ماتحبني احسها تتمنى لنا الموت انا واخواني والدليل تقول ياليتني ماولدتكم ولمن اجي اسألها هي تحبنا ولا لا تقول ماتحب حركاتنا والله انا صابره على اذها واحمد ربي على كل حال ولمن اروح عند جدتي اللي هي ام امي وخالاتي تفشلني وتفشل اخواني عندهم وتقعد تتشكى والله اني كرهت اروح عند جدتي وقد جرحتني مرة عندهم وللعلم انا البنت الوحيدة من امي وابوي الحمدالله وصحتي مهي بزينة من جوا واتعالج عند طبيب نفسي وابغا اتعالج عند طبيب المخ والأعصاب لأن تجيني حالات غريبة زي شرود ذهن وماحب اذكرها وكمان ناقصني فيتامين دال كثييير وصحتي ماتساعدني اسوي لأمي كل شيء واخواني مايساعدون وبرضو صحتهم ماهي بزينة علما اعتقد لأن اخوي الكبير سمين وموبس كذا احس عظامه لينا مع اني احاول اهتم فيه بس هو الله يهديه يحب ياكل من برا ويشرب مشروبات غازية واخوي الصغير يقعد بالساعات على النت يا جوال يا لاب توب واذا قلتله ساعدني يقول مالي نفس مدري مزح ولاجد واحيانا احسه يساعدنا بالقوة المهم نرجع لقصتي اللي شبيه بقصة سالي ... ولمن من اول اروح لجدتي وخالاتي لمن ادخل لمطبخهم وحدة منهم يقولولي ايش تسوين وياكرهي للسؤال هذا حتى كرهت اروح لهم حتى لمن اقعد وحدي على جوالي يقولو ايش تسوين لااااقفة تقهر وطبعا انا بكل احترام اجاوبهم بس اللي يعقدني مشكلة امي وابوي صرت استغفر الله اكرهم بس مايبنت لهم ومع ذلك صابرة تقدرون تقوللي احمدي ربك والله انا احمد ربي على كل حال وادعي لنفسي بالخير وقبل ما استشيركم صليت ركعتين لله ودعيت لنفسي وعيوني مملوءة بالحزن والقهر بأن الله يفرج علي همومي وكرباتي والحمدالله
وفوق هذا ابوي بخيل وماهمه الا نفسه
حتى لمن اطلبله حق الدورة من اول مايديني وكل شيء على امي مصاريف وامي معصبة ماهي رايقة من هذا الوضع وتطلع شحناتها علينا انا واخواني الضعوف اللي مالنا حول ولاقوة بس دعاوي تدمع العين طيب احنا اش ذنبنا بس نحاول نساعدها مايرضيها لازم مثالية في بيتنا وابوي ساكت وحتى ابوي مؤذي بس ماحب اشرح اكثر اخاف من النت ... افهموها هذي الجملة ... وماصرلي رغبة شديدة فالحياة اتمنى الموت بس ما ابي اموت وتموت طموحاتي معي وما ابي افك اهلي بموتتي بس رغم القسوة التي اعانيها تجبلي الغصب هذا التمني السيء وظروف حالتي لاتخطر على بالكم اكثر شيء اتخيله واستخدم خيالي في التنفيس عن همومي وكرباتي اتخيل اني تزوجت رجل صالح ويعوضني ماذقته من المر وماعنيت
واللي تبي تعرف قصة الخيالات على الخاص واللي تساعدني الله يجعل لها من كل ضيق مخرج ومن كل كرب فرج
وادري انكم بتقولون مشكلتي هينة وبسيطة وبس احسها صعبة مرة علي ولمن اشوف مشاكل غيري في الحياة الأجتماعية يجيني امل بأن مشكلتي ستنفرج الله يفرج كربات المسلمين جميعا