مجرد فضفضه

السلام عليكم
ماعرف لو كان عندي مشكلة او مجرد فضفضه


بس حبيت اسولف انا يتيمه من وعيت على الدنيا شايلة نفسي ومرتاحة ماديا الحمدلله وموظفة
ومتزوجه من 11 سنة ما الله كتب احمل


اول سنتين من الزواج رحت وجيت وحاولت اتعالج لاكن للاسف ماسار حمل


وتركت باقي السنوات واشتريت راحتي ورضيت بقسمتي عشت حياتي بالطول والعرض
اهتمام بنفسي وبيتي وزوجي ماقد حسيت انو محتاجة اطفال
اسمع لكلام الناس وكلام اهل زوجي بس مطنشة


احس ربي اعطاني من النعم الي تخلييني اشكره ليل والنهار والله اني استحي ادعي اطلب الذرية
صحيح اتمناهم احيانا بس مجرد افكر ان كل تاخير فيها خير وربي اعلم بالخير ليا من عباده
زوجي مثلي مايدور العيال مكتفي وانا مكتفيه


مشكلتي المجتمع كل مارحت وجيت ليه ماتحملون ؟ العمر بييضيع ؟ العيال يشيلونكم


انا مو ضامنه اعيش بكرا ولا الشهر الجاي عشان افكر بان مين يشيلني لاكبرت ... احس مجتمعنا نظرتهم محصوره بالخلفه والزواج
مع ان في اشياء في الحياه جميله وتستاهل نستمتع فيها الصحة العافيه الاصدقاء الاهل كل هذي نعم
لييييييه نشيل هم الدنيا فوق راسنا اذا تاخر النصيب او اذا تاخرت الخلفه


المقسوم بيجي والي الله مو كاتبه مارح تطولينه