مجرد فضفضه

السلام عليكم ورحمة الله
انا في هم مايعلم فيه الا الله
والحمد الله على كل حال طبعا قبل ماأكتب موضوعي اعرف ان الشكوى لغير الله مذله لكن وش أسوي متضايقة ودي اشكي لأي احد قلت مالي بعد الله غيركم
انا متزوجة من 8سنين وعندي اولاد والحمد الله طبعا زوجي موظف عنده طموح عالي جدا
بداء بااخذ القروض لدخول بمشاريع لتحسين الوضع المادي دخل اكثر من ثلاث مشاريع وكلها فشلت والحمد الله طبعا بدأت الديون تكثر من بعد هذي المشاريع وبداء يأخذ قروض زياده علشان يسدد وسيارات بالأجل وصلنا لحال مايعلم فيها الا الله
من هنا بدأت المعاناه والديون ومايبقى من الراتب الا شي بسيط
طبعا انا بالبداية احاول أتحمل ومابين أني محتاجه شي لكن مع الوقت بديت احس باني محتاجه أشياء كثيره والله العظيم انه احيانا الأسطوانة حق الغاز تأخذ يومين وأحيانا توصل مايقدر يجيب دجاجه نسوي عليها غداء
انا والحمد الله اخواني مو مقصرين معاي بس لمتى انا استحي لمن يعطوني
احيانا تحتاجي تروحي مناسبات او زيارات وشوفت عينكم صار كل شي بفلوس يعني يبي لي هدايا وغيرها انا صرت اعتذر عن كثير بسب الظروف الماديه
ماادري وش أسوي احيانا احس أني بنفجر من الهم فكرت أشتغل اي شي بس انا بمحافظه صغيره مافي مجال لعمل المراءه بالقطاع الخاص والحكومي الله يعوضنا خير فيه
جربت اعمل مندوبه مع تاجره بس مامشيت معاي لان معارفي قليله
حتى عيد الفطر أعطني 200ريال قال دبري نفسك فيها اشلون إدبر نفسي ثلاث عيال وانا الرابعه 200وش بتسوي الله يرزقنا من واسع فضله
طبعا من بعد العيد الفطر وقفوا راتبه لانه واحد من الي متسلف منهم مشتكيه على المحكمة
هو يقول مافي الا انسجن علشان تنحل الأمور
أدعولي يابنات ألقى وظيفه افرح فيها عيالي