مجرد فضفضه ...

يارب في خاطري شي يكدرني ويتعبني احس اني متضايقه رغم ضحكًة ولدي اللي ترد الروح لي اضحك ثم اتذكر اشياء ضايقتني وتضايقني زوجي ولسانه الطويل الوصخ عجزت اتجاهل كلامه المقرف لي وشكوكه المريضه واخر فتره صاير يستسهل يمد يده علي حتى قدام ولده ماعنده مشكله صاير قاسي وقلبه اسسسسود لمن اشوفه واذكر كلامه لي اتعجب ليش يسوي كذا وش يستفيد لمن يكسرني من جوه صرت اكره نفسي اكره جسمي ولوني وملامحي وشعري صرت اشوف نفسي شينه قبيحه كل شي فيني معيوب صرت لمن افكر اروح للناس احاول ابين الشين مني البس مبهذل الشيب ملا راسي ولاااعتني ببشرتي ولابشعري ولاحتى احاول اشوف شكلي اللي يسد النفس بالمرايه عند احد احاول اعطي كل شي اهمية واهتم بااهتماماته واراعي نفسياتهم واضحك واسولف واستهبل واسوي هبلا وغبيه وانزل لمستوى الصغار واطلع للكبار كل ذا عشان مايبين اللي بخاطري لاحد ولاااستفدت شي غير اني ارخصت نفسي وماعاد فيه احد يحترمني اللي يطنش كلامي وانا اسولف واللي يقول تتكلم ماتدري وش تقول واللي يناديني بالبرباره واللي مايهمه اذا مركزه معه او لا واللي يهايط علي بمشترياته واللي واللي واللي اقول لنفسي احسن انا اللي خليت الناس توطى علي وماتحط لي اي اعتبار احد يهرج في قفاي وكلن له اكثر من وجه اتفقت بيني وبين نفسي اني اتغير مااسمح لاحد ولااسمح لنفسي اهين نفسي ابقلل من كلامي واوزن افكاري واريح لساني واترك الهرج في اللي مايعنيني من اليوم ورايح راح اتغير ابقطع عهد على نفسي سحابه القديمه لازم تنقتل اولع النار فيها احرقها اقطعها انتفها هي وحده غبيه هبلا خفيفه بدون شخصيه بدون نفعه لازم تجي سحابه اللي ماتهرج الا في اللي يعنيها ويخصها غيره ماتتكلم ولاتضحك الا بحدود المعقول واللي يغلط عليها تتجاهله وماتعتبره موجود ماترخص نفسها وتقول انا الافضل انا الاجمل انا الاقوى.