مجرد فضفضه لآ آگثر

سسلآم بنات گيفگم. ... حبيت آفضفض لگم و تدعولي انو ربي يسعد قلبي وانسي واعيش حياتي بدون م آضيق ع نفسي .... آلمهم راح ابدآء وبعرفگم عني شويه آنا عمري 20. متزوجه ليآ اربعه سنين عندي ولد عمره سنتين المهم راح اقولگم حياتي گيف گانت قبل م اتزوج طبعآ انا م گملت دراستي خلصت المتوسطه وجلست في البيت آلسبب گذا گنت اگره آلدراسه مره وانا الوحيده من اخواني اللي م گملت رغم گل اخواني اللي دگتور وصيدلي ومحامي ومهندس ولا واحد فيهم قآلي گملي او شجعني اگمل حتي امي وآبويآ مححد خاصمني ولا قآلي مآفي لآزم تگملي عادي خلوني براحتي. وندمت مرره اني ترگتهآ بعد م سمعت گم مره من زوجي انتي وحده جاهله ومره سمعتها من وحده من صحبآتي ... طبعآ گنت وانا بنت متحمله مسؤليه بيت آهلي گله م عاد طبخ الغدآ ع آممي م عشت حياتي زي آي بنت بلبس والطلعآت والصحبآت گنت احب اجلس في آلبيت رغم احب الجمعات واللمات بس احب آلبيت اگثر گانت آمي محملتني البيت گله ع رآسسي حتي اخواني الصغار انا اللي انتبه لهم والبسهم واگلهم حتي لو تعبو انا اللي اجلس انتبه لهم.وگنت اذاگر لاختي انا گانت سنه اولي وامشط لها واصحيها للمدرسه انا وگانت اغسل وگل شي انا ولاحظو گان عممري15 م گان احد يسآلني ناقصگ شيء تبغي شيء گنت اشتري ملآبسي من عيد لعيد رغم انو ابويا مقتدر مآديآ حتي م گنت احس انهم يحبوني گنت بالنسبه لهم. خادمه. لآ اگثر وگنت اذا نمت والبيت وسخ ياويلي اصحي وامي تصرخ ولآ تضربني وگنت اذا رفضت اگوي لاخويا ثوب گان يضربني ومره ضربني بعصايه مگنسه لين گسرها فوقي واشتگيت ابويا قآل تستآهلي انتي قليله ادب النفروض تحترمي اخوگي گنت دآيم انضرب اذا م سويت لهم اللي يبغوه واذا تقولو م عندگ اخوات گبار عندي اختي بس متزوجه وعندها بنت وگانت گل يوم عندنا ولآ گانت يهون عليهآ تشيل منديل واذا ساعدتني تساعد بشي بسيط وانا اللي گنت اسوي گل شي طبعآ گنت گل يوم قبل م انام ابگي ودموعي بعيني وانام وانا ابگي تصدقو حتي لما گنت امرض وربي محد يجي يسآل عني اوو يعطوني دواء حتي آممي تجي تسآل وهيا واقفه عند الباب اشبگ وتروح ولا عاد اشوفها وانا اللي اقوم واسوي لنفسي گل شي م گنت اعرف گيف استشور حتي شعري م گان عندي وقت گل شغل في ششغل طبعا آنا دبه وگنت اقول مستحيل آححد يفگر يتزوجني. ومحد بيوافق يتزوجني وحتي گان گلام اخواني گذا مين بيوافق ياخذ وحده دبه وگنت فاقده الامل اني اتزوج. طبعا لما جاه زوجي وخطبني گلهم قالو هوا بعد الشوفه راح يهرب م بيوافق والله اني لما دخلت يوم الشوفه م طلعت حتي بوجه زوجي گنت اقول ليش اطالع وهوا بس بيشوفني رآح يقول م ابغاهآ طبعآ شافني و وافق ومرره فرحت وشگرت ربي انوو م ردني وجرح قلبي فوق ماهو مجروح حتي اهلي استغربو انا طبعا بعد الخطوبه بيوم سويت رجيم ونحفت شويا مو مره واه لو تشوفو گيف دبشت دبش آي گلام محد گان مهتم فيني. ابدا ابدا ملآبس اي گلآم حتي قمصان نوم اي گلآم طبعا زوجي يشتغل بجده وااهلي بالمدينه. تخيلو يا بنات حتي اهلي م طلعو يشوفو گيف فرش البيت زوجي ولآ لآ عادي عندهم حتي ابويآ م اشتري ليآ ذهب اخذ نص مهري واعاطني نص ادبش فيه عشان هو وزوجي اتفقو الزواج النص بالنص وقال م يشتري الذهب الا اذا زوجي سدد الدين اللي عليه وگل فتره زوحي يدقني بالگلام انتي ايش دخلگ م يشتريلگ. ذهب تصدقوو ابويا م زوج اختي الگبيره الآ بعد م ذهبها. و دبشها من والي وغير گذا والله مححد اعطآني نصحيه قبل زواجي ولآ احد حتي امي. م گلفت ع نفسها تگلمني او تنصحي گانت تحسبني اعرف ولا م اعرف شيء. احسب الزواج فله و وناسه م احسب مسوليه ومشآگل زوجوني صغيره م اعرف شيء وفين الله حاطني طبعا تزوجت و رحت بيتي في جده دخلت ع غرفه نوم بس المفروشه حتي مطبخ م عندي حتي صحن واحد ولا سگين مافي ابدا البيت فاضي. گنت اقوول عادي مو مهم عشان اخذه الدنيا ببسآطه احس انو گان اهون من بيت اهلي والگرف وحسيت عند زوج بالحنان والامان اللي عمري م حسيتها في بيت اهلي رغم انو هذه السنه انا وزوجي دايما مشاگل اتزوجني صغيره م اعرف شيء واتحگم فيني نفس م يبغا م اقدر اشتگي ولآ اقول شيء لححد م احب ادخل احد بمشاگلي تخيلو ليا 5 شهور م عندي تيلفيزون ولا يخلني اروح عند احد واذا خرجني اگره الخرجه معاه يتحگم حتي بنظري لا تطالعي الا عليا وخلي عيونگ عليا ولآ اتگلمي بشويش واذا طلبت شيء مثلآ ايسگريم يقوول انتي نفسگ گبيره م تشبعي واهم شي بطنگ شوفي نفسگ قد آيش ارحمي نفسگ يسد نفسي و يگرهني اني طلبت تعرفو اول يوم بالملگه لما دخلت وجلست معاه ايش قالي زوجي قال لازم تنحفي شويا قلت ان شاءالله انحف وداخلي يتقطع مره وطبعا بعد الزواجبآ اسبوع قالي خلاص سوي رجييم تخيلو وانا عروسه گذا يقولي قلتلو طيب بسوي رجيم وگان يقولي بس لاتاگلي بسگ اگل آه آه طيب ليش وافقت عليا وانت م راضي بجسنسمي ليش بتجرحني طبعا گنت م اگل قدامو الا شويا وبس يطلع اروح اگل بالدس م اقدر اگل قدامو رز وحلويات يجلس يطالع فيا بنظارات استحقار صرت اخاف اگل قدامو او اطلبو حاجه عشان لا يجرحني تعبت منو مره. گل م انحف گنت احمل ويطيح الحمل وگنت ارجع اسمن مع الحمل بس هوا تعبني احس انو مقتنع فيا لما اصارحه يقولي الا انا احبگ ومقتنع فيگي بس انحفي عشان يطلع شگلگ احلي ولصحتگ بس ايش الفايده انگ تحبني وانت تجرحني احس نفسي گارهه نفسي م احس احد يحبني لا اهلي ولا زوجي ولا احد اتمني اني اعيش وحييده. ما ابغا احد نفسي علفيه گل شي و مو قادره انسي شيء گل م تصيري مشگله ادعي ع اهلي انو هما السبب هما اللي ز?جني وانا صغيره وجاهله بالحياه الزوجيه بالذات امي ليش م قآلت لا بنتي صغيره ليش وافقت لهدرجه گانو م يبغوني والله اني بعض احيان احس اني مو بنتهم ادعولي ي بنات لاني خلاص احس اني فيا حاله نفسيه ومعليش طولت عليگم بس حبيت افضفض واطلع اللي بقلبي من زمان والله يسعدگم ويوفقگم ونصحيتي للبنات المتان ولا مربربات لا تتزوجو الا اذا نحفتي حتي لو قالگ انا راضي تراهم گذابين هما بس وقت شهوتهم. يشوفو اي وحده ملآگ وبس يخلصها يطلع عيوبگ گلها و الامهات لا تزوجو بناتگم بدري ابدا ابدا حتي لو شفتيها تعرف تطبخ وتسوي گل شي ترا عقلها لسه صغير مراهقه لا تغلطو غلطه امي. شوفو انا الضحسه مو سعيده مرره وحاسه اني م عشت حياتي من مسوليه لمسوليه اخس والعن وسلامتگم