السلام عليكم
والله احترت وترددت في كتابة الموضوع اقول ايش الفايده بس يمكن رد وحده فيكم ينفعني بعد الله
بنات انا ماعندي وظيفه ولا دخل ومتزوجه وزوجي مبسوط ماديا لكن بخييل يعني تاخذي الحاجه منه بالهوش والمشاكل لين تعافيها … انا مابغى ادخل بالتفاصيل لكن هالايام افكر في حالي وحال الي حولي ما اقارن حياتي لا حب ولا دلع ولا سفرات لان ايقنت هذي ارزاق واقدار وكلن له اجره عند الله بس انا افكر في نفسي في احتياجاتي اليوميه يعني خاطري في اشيا احتاجها واستحي اطلب احد فلوس اهلي ظروفهم ع قدهم نفسي عندي دخل ابغى فلوس من تعبي من حقي محد له منه ولا احد له دخل نفسي اسوي اسناني عدمت من داخل حتى لو ابغى اسوي حكومي من يودي السواقين يبغو حق المشوار مرا متازمه نفسيا من كثر التفكير الايام هذي ارتفع معي آلضغط احاول اتناسه لكن زي اسناني كيف اسكت عنهن طلبته اشتغل من البيت يعني خدمات اكترونيه يمكن تدخل علي رزق يقول ايه عشان يجوك رجال قلت اكتب لنساء يقول لا وش يضمني عقدني طلبته اسوي اسر منتجه طفشني عند المقادير والمكونات اخر شي قلت له انت عتبه قدام رزقي الله حطك لا الي مغنيني ولا الي مخليني اترزق هذاك اليوم قدمت ع الضمان المطور ماقبلوني لان راتبه عالي تحطمت لان كنت مخططه عليها ورسمت عليها اشياء كثيره انا توقعت ينزل لي لان في حرمتين اعرفهم ازواجهم نفس راتب زوجي نزل لهم بس مدري ليه مانزل يمكن لان بيتنا ملك وعددنا. قليل
ادعو لي يابنات ان الله يرزقني ويغنيني من فضله يمكن وحده فيكم اقرب مني لله.
والحمدلله على كل ما كتبه ربي لنا

الفقيره لله. @alfkyrh_llh_9
عضوة فعالة
يلزم عليك تسجيل الدخول أولًا لكتابة تعليق.

أولادي أغلى ماعندي :
شكلك متزوجة من زمان عودتي زوجك على سكوتك وعدم مطالبتك بحقك في النفقة وكل ماتزيدي سكوت يزيد بخل حبيبتي طالبي بنفقة ومصروف ليك ولو وصلت تكلمي اهلك يكلموه مو معقول ربي موسع عليه ومضيقها عليكم تلاقيه مو مقصر على عمره ولو احد طلبه من اهله ولا الناس اعطاهم وهو يضحك الشي الثاني تاخذي شوره في المشاريع اللي تبغي تسويها ليه تاخذي شور زوجك لو هو مو مقصر عليك قايم ببيته وعاملك قيمة مو مخليك محتاجة وهو ربي فاتحها عليه هو مايبغى يكون عندك ريال بيدك يبغاك محتاجة دايما اذا انتي شاطرة في حاجة سويها ولو اضطريتي تتسلفي ولا حتى تاخذي من جيبه من غير مايدري وبنفس الوقت زي ماقلتلك طالبي بنفقتك مدام عنده والله يفرجها عليك ويرزقك من اوسع ابوابهشكلك متزوجة من زمان عودتي زوجك على سكوتك وعدم مطالبتك بحقك في النفقة وكل ماتزيدي سكوت يزيد...
انا قلت من البدايه تفاصيل كثيره مابغى ادخل فيها هو بخييييييييل موسعه ع الكل وحق فزعات وهياط بس مو لنا لا لناس وهذا الي رافع ضغطي وقهرني لكن وكلت الله .. اهلي طفشو منه ملو منه مايطلعو معه لاحق ولا باطل تخيلي لما اطلبه مثلا جلكسيات وحلا مع القهوه يجيبني ب ا سلوب زعم يحرجني يقول احسك زي الاطفال تحبي هالاشاء ولما اطلبه حلا من محلات يقول عندك فرن ليه ما تسوي ولا كسل ولما اقول هات مقادير يقول كل مقاضي بيتك تافهات !!! تعبت معه مريض وامرضني معاه هو شخيصه شمالي شرقي لكن يجب المرض يسلف الكل ويخدمهم حاولت اغير واغير في اسلوبي لين صرت انسانه ما اعرف نفسي تغيرت .. انا نفسي يكون لي مال من جيبي من تعبي اصرف اعطي اتصدق هو ماله منه ولا له دخل … وبعدين انا ما اعلمه لكن هو شكاك لو لقى ناشره رقمي يسويها لي مشكله الحل اني ادور وظيفه واذا ضمنتها وظيفه حكوميه ساعاتها استغنى عنه بس الحين الي مصبرني عليه بيت اهلي مو مهيا عندهم اختي مطلقه ب اطفالها وامي وابوي ضغظ وسكر …اخخ بس. ماجتني الدنيا ع ماتمنيت … اللهم لا اعتراض والحمدلله ع كل حال.


نصيحة اصبري على زوجك أفضل من جلوسك عند أهلك بيتك مامثله ماخذه راحتك فيه وأنت فيه ملكة تامرين وتنهين
الدنيا لا تخلوا من المشاكل الواحد يصبر ولنا أجر بإذن الله على صبرنا
الدنيا لا تخلوا من المشاكل الواحد يصبر ولنا أجر بإذن الله على صبرنا

الصفحة الأخيرة
عودتي زوجك على سكوتك وعدم مطالبتك بحقك في النفقة
وكل ماتزيدي سكوت يزيد بخل
حبيبتي طالبي بنفقة ومصروف ليك
ولو وصلت تكلمي اهلك يكلموه
مو معقول ربي موسع عليه
ومضيقها عليكم
تلاقيه مو مقصر على عمره
ولو احد طلبه من اهله ولا الناس اعطاهم وهو يضحك
الشي الثاني تاخذي شوره في المشاريع اللي تبغي تسويها ليه
تاخذي شور زوجك لو هو مو مقصر عليك
قايم ببيته وعاملك قيمة
مو مخليك محتاجة وهو ربي فاتحها عليه
هو مايبغى يكون عندك ريال بيدك
يبغاك محتاجة دايما
اذا انتي شاطرة في حاجة سويها
ولو اضطريتي تتسلفي ولا حتى تاخذي من جيبه من غير مايدري
وبنفس الوقت زي ماقلتلك طالبي بنفقتك مدام عنده
والله يفرجها عليك ويرزقك من اوسع ابوابه