السلام عليكم
أنا صديقة غروب ...
أنا طيبة مررررة وفيني طهارة قلب بزيادة ... والله العظيم ماعرف لا حقد ولا حسد وأتمنى الخير للكل وكلن ربي يرزقه .. المهم ظروفي صعبه جداً .. وعايشة حياة كلها مشاكل والكل ينهش فيني من ناحيه .. من طفولتي بريئة بزود والطيبه تمشي بدمي وبعدما كبرت لقيت نفسي غلطانة بحقي كثير .. وصلت طيبتي لضعف شخصية واضح وزاد استغلال الناس ومصخوها معي !!
أنا أبقولكم هنا عن قصة من قصصي اللا محدودة مع وحدة كنت أعتبرها أغلى من أخت للأسف :44:
تعرفت عليها بثاني سنة تعينت فيها معلمة بقرية .. كانت هي مديرة المدرسه وكلنا نجي بنقل واحد من منطقتنا .. خلال اسبوع تقريباً أعجبتها بقوة وهذا حال الناس معي أقسم بالله إني محبوبة بشكل خيالي وكل من عرفني حب يتقرب لي ولا أدري ش السر فيني ؟! والله ماأقول كذا غرور بس عشان تفهمون القصه زين .. المهم حاولت تتقرب لي وتعرف وضعي بالعايله وطلبت رقم تليفون البيت وبدت مكالماتها لي .. ولا أكذب عليكم إن قلت لكم تكلمني باليوم مرتين أو أكثر ومجرد سواليف عاديه .. كان وضعي العائلي صعب أبوي متشدد وحارمني أقل شي عنده البنت لاتكلم تليفون ولا تطلع ولاحتى يحق لها تبتسم .. واستغلت هي بكل دناءة نفس ظروفي الصعبة .. طبعاً حاولت تتعمق بعلاقتها معي وبدت تزورني تقريباً كل أسبوع تجي ..كانت بس تخليني أفضفض لها عن شدة أبوي وليش ضربني وليش هاوشني كان أبوي ولا زال رجل ظالم مع إني ولله الحمد مشهورة بالالتزام والأخلاق العاليه والكل يشهد لي بس سبحان الله دايماً الضعيف متسلط عليه , أنا من غباي كل شي عن حياتنا هذيته لها وهي تعاطفت أو تظاهرت بالتعاطف معي ولا نسيت لأول كلمة قالتها لي .. قالت يابعد قلبي كل هالهموم عندك وكاتمة من اليوم ورايح أنا اختك وأي وقت تبين تتكلمين بس ارفعي سماعة التليفون .. ساعتها انبهرت ولاتوقعت إن في إنسانة بهذي الصفات .. طبعاً كان عندي فراغ وحسيتها ملأته ..تمسكنت هالخبيثه لحد ماتمكنت .. بعد معرفتي لها بقرابة سنة نقلت عندنا بالقريه معلمة جديدة ولفت انتبهاها صداقتنا القوية وبدت تتقرب لي وتقول ياحظكم بهالصداقه وأتمنى أدخل معكم قلت وبكل طهارة قلب وغباء حياك بدل مانكون ثنتين نكون ثلاثه وربي عالم كانت نيتي سليمة .. بس هالسقيمة ألي دخلت بيننا كانت مريضه بالحقد والغيرة حاولت كذا مرة تفرق بيني وبين صديقتي وقالتها صريحة والله العظيم ماأنسى كلمتها قالت والله ماأرتاح لين أفرق بينكم
وقتها ضحكت أنا والأولى قلنا ماتقدرين مستحيل .. وللأسف نفذت كلمتها .. كنت على قدر من الالتزام واجتمعت مع صديقتي على حفظ سور من القرآن واستفدت منها أمور واستفادت مني ..سارت الأيام على أحلى من العسل وفجأة حسيتها بدت تتغير علي وتميل للثالثه الحقيرة ..بدت بينهم زيارات ومكالمات كل هذا وأنا مصفية النية وياغافل لك الله ...المهم بعد فترة بدت مشاكل بيننا صارت بس تتهاوش معي بسبب وبدون .. إذا كلمتها تصرفني أو خواتها يردون يقولون نايمة حسيت نفسي ثقيلة عليها وفكرت أنسحب بس حسيت بقهر وشلون أحقق للخبيثه مرادها بالتفريق بيننا !! فقلت لا أبتمسك فيها .. بس للأسف البنت تغيرت أخلاقها ولاعادت صديقتي ألي عرفتها .. حتى كلماتها صارت ماصخة وكلها قلة حيا مع العلم إننا ثلاثتنا كنا لسى ماتزوجنا( آنسات )..بس بدت تقول كلمات ماتعودت أسمعها والخبيثة ألي سحبتها مني طوال ماتقول هالكلام وهي بس تضحك وتشوف القهر بعيوني أحس إنها انسحرت مو طبيعيه أبد ...زادت الأحوال سوء وأنا لازلت متمسكه بها بديت أذكرها بالقرآن والسور الي حفظناها وهي ولا هي هنا ..بس طايحه فيني سب وشتم .. ويوم تضيق فيها الأرض ترجع لي وخاصة مادياً استغلتني الله لايسامحها أي شي تقول ممكن أتسلف منك مبلغ وأنا أستحي أقول لا وأعطيها ..ثم أول ماتاخذ مني الفلوس ترجع لمشاكلها صرنا كأننا موصديقات ...صارت مع هذيك شي ومعي شي ثاني .. مع مرور الأيام بدت تنام عندها تخيلوا تصل لحد النوم !! شكيت إن بينهم شذوذ وحتى الآن شاكة ..كانت حركاتهم مو طبيعيه أبد حتى بين باقي الزميلات لازم تبوسها وتنسدح على رجلها وتضمها والراس على كتف الثانيه باختصار حركات تشمئز منها النفس .. أكدت شكي وحدة من الزميلات قالت فلانه متغيره مرة ونفس تفكيري قالت أخاف بينهم شذوذ البنت ماعادت بالتزامها وتركتك ( تقصدني انا )
كانت ماتبي أحد يقول شي بالسقيمة خويتها ياويلي أجيبها بالطاري طوال الوقت تمدح فيها وتنقص من شاني .. قصص خيال لو أكتبها لكم ماراح تصدقون وأقسم بالله للآن أحس البنت مسحورة مو طبيعيه أبد ... المهم كثرت المشاكل بيننا ولا صارت صداقه صارت هموم .. ومصاخة .. كلام بذئ وحركات سخيفه لحد ماعجزت أتحمل .. وانتهت العلاقه بيننا بسبب هالنجسة الله لايبيحها وين ماراحت ..
انقطعت عنها وطلبت راحتي ... كانت كل فترة والثانية تهددني إنها بتتركني وآخر مرة قالت عبارتها المعهودة لو سمحتي لاعاد تكلميني وفعلاً تركتها ...
المشكله إني كرهتها بكل مافي الكلمة من معنى وأدعي عليها ولاأبي أسمع عنها شي حلو أبد كرهتها من قلبي ...وبنفس الوقت وربي عالم أستحي من ربي مابي قلبي يكون فيه حقد بس عجزت لاأنسى جراحاتها لي !!
لو كنتم بمكاني وشلون بتتصرفون ؟ معليش أحس كلامي مو مرتب اعذروني
صديقة غروب ...... فجر
غروووب 2 @ghrooob_2_1
محررة
يلزم عليك تسجيل الدخول أولًا لكتابة تعليق.
غروووب 2
•
8
8
مشكورة يالغاليه
المشكله أنا الآن تغيرت ماعدت بقلبي الأبيض ماعرف الحقد زي أول ...
وشلون أنساها
مع العلم إنها أرسلت لي مسجات عالموبايل وطنشتها وآخر مرة قاتلها خلاص مابيك لاعاد تراسليني
بس لازلت أحس بجمرة داخلي مابردت حرتي فيها
يعني معرفتي بها أثرت بشخصيتي جداً .. تحولت من قلب أبيض لقلب حقود أسود مع إني لازلت بطيبتي ومحبوبة من الكل بس ماعدت آثق بأحد الكل عندي مايسوى ودي أرجع زي ماعرفت نفسي ولا أعرف وشلون
ماقصرتي أختي عالرد الله يجزاكي خير
8
مشكورة يالغاليه
المشكله أنا الآن تغيرت ماعدت بقلبي الأبيض ماعرف الحقد زي أول ...
وشلون أنساها
مع العلم إنها أرسلت لي مسجات عالموبايل وطنشتها وآخر مرة قاتلها خلاص مابيك لاعاد تراسليني
بس لازلت أحس بجمرة داخلي مابردت حرتي فيها
يعني معرفتي بها أثرت بشخصيتي جداً .. تحولت من قلب أبيض لقلب حقود أسود مع إني لازلت بطيبتي ومحبوبة من الكل بس ماعدت آثق بأحد الكل عندي مايسوى ودي أرجع زي ماعرفت نفسي ولا أعرف وشلون
ماقصرتي أختي عالرد الله يجزاكي خير
أديم
•
لأن ربي يحبك أنتهت علاقتك بالأولى وإن قدرتي تنقلين عنهم أريح لك وخليهم يتهنون ببعض الله يحفظك ويغنيك عنهم ب 10 صديقات رائعات مثلك
خلاص اعتبريها صفحه وانطوت من حياتك ولاتعيريها اي اهتمام ولاتسالين عن اخبارها ابد واللي باعك بيعيه واهم شي كرامتك والله يعوضك باللي احسن منها وعسى ان تكرهو شيئا وهو خير لكم والايام كفيله بانها تنسيك هذه الصديقه
خلاص اعتبريها صفحه وانطوت من حياتك ولاتعيريها اي اهتمام ولاتسالين عن اخبارها ابد واللي باعك بيعيه واهم شي كرامتك والله يعوضك باللي احسن منها وعسى ان تكرهو شيئا وهو خير لكم والايام كفيله بانها تنسيك هذه الصديقهخلاص اعتبريها صفحه وانطوت من حياتك ولاتعيريها اي اهتمام ولاتسالين عن اخبارها ابد واللي باعك...
لا حول ولا قوة إلا بالله
الصفحة الأخيرة
وربي اكره الي زي كذا وآآآآآآآآآآآآآآآآآي ياكثرهم