مجرد فضفضه من ظروفنا المادية......... :(

السلام عليكم ورحمة الله وبركاته

انا اليوم متضايقة من عدة اشياء حولي واحس انها قافله معي وحبيت الج روسكم بخرطي :hahaha:

انا غير موظفة مادري هل هذي هي مشكلتي او سبب من اسباب ماشكلي او مدري كيف !!!

وزوجي موظف لاكن للاسف مثل باقي موظفين السعودية عليه قروووووووض تهي تهي:mad:
ولايبقى من راتبة الا الشي الميسور ....وهذي علتي اني ماقدر اطلب عشان راتبة يادوبيكفينا عيشه لاخر الشهر وقبل لا اجيب بنتي يعني كنت اشوف عيشتنا ماشي حالها على الاقل كان همي انا وهو والبيت بس لكن عقب مارزقنا الله فيها الله يخليها ويصلحها كثرت مصروفاتنا على حليب وحفايض وملابس لها كل شهر خبرك الطفل يكبر بسرعه وملابسه تصغر عليه وادويه واكلات جانبية ....الخ

وزيادة احرم نفسي كل شي عشان اوفر لها افرح اذا شريت لها شي احسه كأني شاريته لي .....واذا وقفت قدام المراية آآآآآآآآآآآآآآآآآآآآآآآآآآآآآآخ احس اني كبرت عشر سنين شعري له سنه ماقصيته او حتى صبغته وملابسي رثه كلهن بقايا تجهيزي للعرس حتى المكياج صرت استخدمه رغم ان صلاحيته منتهيه لها شهوووووووووووور

والله المستعان متى اخر مره شريت قمصان نوم او حتى ملابس داخلية عشان زوجي:44:
شقتي صرت اكرهاااااااااااااااااااااااااااااااااااااااااااااااااااااااااا:icon33:
اذا درت فيها او صرت اشتغل بالمطبخ الله يعلم اني اطيخ الطبخه وانا تفكيري ابي اشتري سجاد للمجلس وابي غرفة نوم وابي غسالة ملابس جديده لان اللي عندي خربانه وصغيره علينا
وابي غسالة صحون تهي تهي <<<احس هذي بالذات من سابع المستحيلات:mad:
وخاطري بجلسة جديده
ونفسي اضبط قسمي اللي عند بيت اهل زوجي
ونفسي لو مره اذا سافرت لاهلي ما اقبل عليهم الا وبيديني الهدايا لامي وخواتي دايم اسافر لهم ويديني فاضية
وابي مواعين جديده وابي تحف وابي ترامس قهوة وشاهي غير ترامس عرسي وابي وابي وابي......وفجأة اصحى على واقع يقول لي منييييييييييييييييييييييييييييين الفلوووووووووووووووووووس:icon33:

اقرا عن دورات جديده مكياج وانقليزي وحاسب بس للاسف الماده ماتسمح
مامري فتحت جريده الا اسكرها وانا اتحسر من العروض الموجوده فيها والاعلانات عن اشياء كثيره خاطري اوفرها لتفسي ولكن هيهات

ساعات اعطي نفسي امل واقول بكرا عقب 5 او 6 سنوات تخلص قروض زوجي وترجع حياتنا افضل من اول بس افكر واقول عقب 6 سنين اكيد عيالي يبي يكثرون واللي يتوفر من الراتب يصير لهم يعني ماسوينا شي


مليييييييييييييييييييت قسم احس طقت روحي
المشكله والله ان احلامي بسيطه تتحقق بأقل القليل بس على بساطتها مستحييييييييييييل تتحقق

بأخر الوقت مثل ماذكرت قبل ماحب اجلس بشقتي ابد وصرت اهب اتهرب واحب اسافر عند اهلي عشان اريح راسي من التفكير لكن انحاش من هنا تجيني من هنا اذا سافرت اضطر احيانا اجلس عند اهل زوجي وهم حاطين لي عندهم قسم غرفتين وحمام ويالله اخلص من هم الشقه ادخل بهم القسم ابي ازين حمامي اكرمكم الله ابي اجدد سراميكه ابي اغير الكبانيه ابي اشري لغرفتي شاشة ابي اصبغ وااثث الغرفة الثانية وابي احط باب عازل وابي وابي وابي يؤؤؤؤؤؤؤؤؤؤ ماعرفنا على كذا نخلص

حتى لو جلست عند تلفزيون تشوفون العيون مبققة بس على الفاضي لان الدماغ عندي بهذا الوقت يشتغل بشي ثاني ضروسي يبي لهن حفر وحشو
بشرتي من زمان مازرت عشانها دكتورة جلدية يؤ زواج ولد عمي الفلاني بشهر كذا ولا خيطت ثوب عطري خلص لازم عطر جديد كريم اليدين اليوم خلص يبي لي واحد جديد .............وعلى هالحال

يارب اسألك الرزق الحلال والصحة والعافية وانه هذا الحال مايطول لانه من جد يتعب الوحده ويكبرها سنيييين قدام


دعوتكم لي خواتي