مجرد نصيحة

موضوعي كما في العنوان مجرد نصيحة الكن ..يلي بعتبركن مثل خواتي...
طبعا المنتدى معظمه استشارات ومشاكل عائلية خاصة قسم الاسرة والمجتمع وربي يكون بعون كل شخص على همومه..
بتمنى انه كل وحدة فينا تستشعر مراقبة الله في ردودها خاصة في المواضيع الزوجية والحساسة كامور الطلاق والانفصال او حتى الصبر على الزوج او الزوجة ... لانه حياة اشخاص ممكن تتوقف على ردك..الوحدة فينا بس تكون ضعيفة ومارة بمشكلة بتكون مثل الغريق اللي بيتعلق بقشة.. فممكن تاخد بردك وتطبقه فعليا ما تتعجبي..فاحكي خير واو الصمت افضل..حديث رسولنا الكريم 😊
والحاجة الثانية والاهم..انه في سياسة المنتديات ما بتنحذف المواضيع ولا التعليقات..مش مثل الفيس مثلا او الواتس. ابحثي حتلاقي مواضيع قبل 18 سنة هون بهالمنتدى وبسنة ال2000... تخيلي بعد 18 سنة يدخل شخص ويقرا كلام او رد سيء الك ويمكن تكوني ميتة بالقبر..وتاخذي اثام واثام تجر بعضها. فاتقي الله في نفسك..كلام شاهد لك عند الله قبل عند الناس
واذكر نفسي واياكم بهالموضوع..وعذرا على الاطالة
اسعدكم الله