اهدائي لكل شخص مهموم في حياته
لكل شخص طالع حولينه وانطفى الامل
لكل شخص له هدف بس يحس انو من المستحيلات انو يوصله
لكل شخص مهموم ويقول انا همي غير الناس ولا عمرهم حيفهمو
لكل شخص خسر شخص قريب له
لكل شخص له قلب صادق وابيض وعايش بين قلوب سودة عذبوه
لكل مظلوووووووووووووووووم يا كثر الظلم في هذا الزمن
لكل شخص احبه
اقول لكم
صـــبراً جمـــيـلاً
صبراً جميييلاً
صبراً جمييلاً
لازم تعرفو انو ربنا ما يضيع اي حق ان كان صغير او كبير
حتى لو انتي الي غلطي وورطي نفسك برضو ربنا ما يسيبك
لو رجعتيله طلبتي !!
صبرا جميلا يا حبايبي -=-
الصبر صعب جداً
وصعب ترضي بالي يجيكي
لكن عندما تتقنيه حتحسي بلذة محد حيفهمها وحتتمني انك تروحي لكل مهموم وخايف
وتطمنيه
قال الله سبحانه
انا عند حسن ظن عبدي لي فليظن بي ما يشاء
فاحسنو الظن
حطي خطه لحياتك خطه للاعلى
خطة نفسية صلحي في روحك اول وحتتصلح حياتك
كل الي حولك حيكون زي ماهو من ظلم وهم وممكن كره
بس انتي حتحسي كانك عايشة في قصر وانو الكل يعاملوكي كانك ملكه
اذا اتقنتي الصبر
ربنا لو تعرفو كيف يتعامل في الامور لذبتو
وندمتو على كل دقيقه مرت
الحياة تعلم ونتعلم الاغلاط منها
في ناس ربنا يبليهم واوقات يعرفو يغتنمو الفرصه ويعرفو كيف يرضو بحكمه ربنا
وفي ناس من غير بلاء بس هما يبعدو عن ربنا وتسيرلهم مشاكل ويعرفو انو هما السبب جابوها على نفسهم بس يخافو يرجعو لربنا يخافو ربنا ما يقبلهم
بس غلط غلط غلط برضو استخدمي الصبر وارجعي لربك حتى وانتي غلطانه حتكسبي اجر الصبر ارجعي لربك قبل فوات الاوان
ترى المساله سهلة بس الشيطان مصعبها يحسسك كانو الله ما يبغاكي ما يحبك
وهو بالعكس ينتظرك
هو الي كان معاكي ايام دموعك نزلت وانتي قافله الغرفه على نفسك وبعيده عن الناس
هو الي يسمعك لمن تشتكي هو الي يشوفك لمن احد يظلمك ربنا هو الي يصدقك
في قصص كثييييرة عن دي الاشياء
انا مني قالبتها حصة دين انا اغلط في حياتي كمانا وغلطات ربنا الوحيد العالم فيها
بس كسبت الصبر وحبيت اني اكسبكم الصبر كمانا حتى لو اتاثرتي بكلامي لو 10 % اهم شي الفكرة تدخل ترى حياتي هيا نفسها حياتي بس انا الي اتغيرت
شوفي الهموم لمن اخيرا تعرفي تتعاملي معاها زي عود الكبريت ما يتولع غير مرة محا ترجعي للحزن محا ترجعي تحسي بالم الهموم لمن تعرفي تتقني الصبر
شوفي الصبر زي لمن تكوني في وسط محيط وضايعه واخيرا اتنقذتي صح انو ضاعت عليكي اشياء بس اهم شي انقذتي روحك
اوقات تحسي كانك ابرة في بحر محد داري عنك
بس حتى الابرة الي في البحر ربنا يشوفها
النصيحه ,, تجي مليون مرة في حياتك بس متى تستفيدي لمن تطبقيها
لو انتي خايفه شي طبيعي بس لازم تعرفي انو هاذي مجرد دنيا
اتولدنا لحالنا وحنموت لحالنا ..
فعيشي لنفسك انا ما بقول كوني انانيه ساعدي الناس صح
بس لمن تنظلمي ولا لمن احد ياخذك مصلحه ولا لمن احد يهينك او ينزل قيمتك وقتها عيشي لنفسك لا يهمك كلام الناس اكثر من يتكلم في الناس يكون هو عيب في عيب عيوبه تنقط
فوقتها اعرفي الشي الحلو فيكي وافتخري واحمد الله انو عطاكي احسن الاخلاق
سامحي الناس عشان نفسك عشان ترتاحي نفسيا
عشان ما تجلسي طول عمرك مهمومه تسالي نفسك ليش وليش وليش
لا تضيعي ايام عمرك او حتى ثواني انك تفكري هل منجد فيا
لا !! الناس تتكلم من فضاوة وتبدا مشاكل من الطفش كوني احسن الناس واصبري
يقولك __
صـــ ـ ـبراً جميلا ومــا حصل مكتوووب]
يــا الله ترى ما تكره النفــس ___ خــيره !!
اتمنى لو افدتكم ولو القليل
والله اني احبكم وامنيتي اني اوصل كل شي اتعلمته في حياتي
ترى كل شخص يتغير ويتعلم مع الزمن
بس الشخص الكسبانه الي يتعلم ويطبق وينصح ويبتسم
هو الي يكسب أحــلى رووح :)
احبببببببببكم
Lujy ^_^
لوجي ^_^ @logy_5
عضوة
يلزم عليك تسجيل الدخول أولًا لكتابة تعليق.
لوجي ^_^
•
جزاكِ الله خير الجزاء ونعم باللهجزاكِ الله خير الجزاء ونعم بالله
ويااكي يارب مشكوورة على المرور :)
الصفحة الأخيرة
ونعم بالله