مجرررد فضفضة

مرحبا
هذي اول مشاركة لي

تفرجت شووووي ع المشاركات الموجودة قلت بشارك معاكم
ماراح اقولكم عن معاناتي لأن الحمدلله انا ما عندي أي معاناة
ما حملت ؟
اوكي ما حملت لحد اللحين لان الله ما كتب هالشيء لي لحد اللحين
ما اقولكم اني ما حاولت
نووووووووووووو
حاولتتتتتتت
مره تليقح صناعي
مره انابييب غيرة مكتملة
3 مرات انابيب فاشلين
بس عااااااادي بحااااول بعد
انا ما وراي شيء و زوجي مثلي
انا ما اكذب عليكم واقولكم انا ما فكررر ليش ما حملت
لا افكر ساعات وساعات اصيح :icon33: وساعات ازعل بدون دموع :29:
وساعات ازعل واعصب واكسر صحون كذا:angry:
بس هالشيء مب قدام اي حد
لالالالالالالالا
بس قدام زوجي واخواتي بسسسسسس
لان هم بيحضنوني وبيهدون وبيستحملوني

المهم
انا بقووولكم ليش مخليه الموضوع في راسي يمر بسلام
بقولكم ليه ؟
انا الحمدلله مرتاحه مع زوجي واحبه ويحبني
وعندنا كل سبل الراحه
عندنا الدين والبيت والمال
يعني انا احسن من غيري بكثيرررررر
يا ما شفت قدامي اشكال من النساء
يستعرضون قدامي بحملهم والله شفت أشكال غريبه من الأستعراض
كنت اضحك في نفسي عليهم
اقول في نفسي الحمدلله والشكر اللي عافاني مما بتلاك فيه
زوجي يحبني و واثق فيني بينما هي العكس زوجها يشك فيها
وكل يوم والثاني لها معاه مشكله والله بالشارع يشوفهم خلق الله كلهم
واطفالهم المساكين يعانون من ها الأم والاب
يعني مب انا الله حابني وفضلني عليها
والثانيه اللي من تشوفني ادخل اطفالها الغرفة الثانيه عشان ما حسدهم
ولا محفظة خدامتها من تشوفينها دخلي الاطفال داخل الغرفة
هذي تسرق الأطفال
انا احسن منها بعد لأن هي ربي عطها اطفال بس من يربيهم الاب والخدامة
وهي عندها 2 عملين في الدنيا النوم + الانترنت بس
واللي لما شافتني حطت ايدها ع بطنها وعطتني ظهرها عشان ما شوف انها حامل
مسكينه والله انتي اللي تكسرين الخاطر
تزوجت واحد ما يشتغل و مش حلو " وهالشيء عادي مب مشكله " متسلط
ياخذ صرفة من ابوه وكل يوم و الثاني في بيت اهلها زعلانه

ولا اخررر استعراض تووه من شهر تقريباااا كانت نكته
لدرجة ان وحده قالت لي بالحرف الواحد
انتي احسن منها واكبر بعقلك هذي سفيهه
قلت لها انا ما اهتم بهالحركات
اتصدقون كلمتها اللي قالتها لي بالحرف بقولها لكم
"انتي الكل يعرفك ويحبك بمعاملتك اما هي اهل زوجها ما ينادوها الا بقدم النحس
و كل يومين لها مشكله وضاربها زوجها "
انا كنت مفتكرة اني انا بس اللي اعرف هذه المعلومة اكتشفت ان الكل عارفهااااا
وبعد تستعرضين وتسوين هالحركات ،، الحمدلله والشكر ،،
اقول الحمدلله ع راحة البال
زوج يحبني ويحترمني ويخاف علي
وبيت ضامني انا وزوجي بروحنا
واهل زوجي يحبوني ويحترموني
صدقوني والله ولا وحده من اللي يستعرضون لي بحملهم
عندها شيء واحد من اللي عندي والله وهالشيء كل المقربين منا يعرفونه

من المسكينه اللحين اللي ما جاها الطفل والا هم ؟
اللي ربي ما كتب له اطفال مب مشكله
البيبي من عند الله لو من عند الناس والله ما كان فيه احد حمل
والله لو ينشرى بالمال كا الكل شراااااااااااه
لكن هذه عطية الله يعطي كل انسان رزقة باللي هو يشوف انه يناسبه
ليش اقعد اندب حظي واعيش معاناها مالها اول من آخررررر
انا واثقة ان ربي كريم
وبيرزقني باللي يناسبني
حتى انا مارزقني البيبي لحد اللحين وان ما زرقني نهائي
رزقني بمحبة زوجي ومحبة الناس هذا دليل ان الله يحبني
بدال ما تقعد الوحدة فينا تندب حظهااا
لا بحثي عن الأسباب بهدووء مافيه داعي العالم كلهم يعرفون انك تعالجي
وان العيب منك والا من زوجك وها الأشياء
اوكي بالنت و أسماء وهميه عادي
بس مع الناس لا والله حرام
انا اعرف وحده العيب من زوجها انتشر الخبر بين اهلهم و وصله الكلام
يحبها المسكين وحاول يعيش معاها بعد هالسالفه بس ماقدر يستمر اكثر من سنتين
انفصلوااا هي تزوجت وربي ماكتب لها وانفصلت وهو تزوج بعد ماهي انفصلت يعني
بعد انفصاله عنها بخمس سنوات وجاه ولدين وبنت
والله يقول لزوجي لحد اليوم احبها بس اطعنتني وما حافظة ع سرنا
شلون بتحافظ بكره ع اطفالنا
شفتواااااااااا
المرأه وضعها أسهل
بس الرجل الشرقي لحد اللحين يعتبر هالشيء طعن في رجولته
وبصراحة البنات اللحين جنووو من بعد الزواج بشهر والا شهريين
طارات من دكتور لدكتور ليه ما صار حمل معقوله عندهم عقل
ترى النفسيه لها دور كبيرررررر

خوااتي نصيحه لكل وحده
تذكرررري ان الله ذاخرررر لك الخيررر الكثيرررر
واحمديه واستغفري كثيرااااا لأنه فضلك ع كثير من خلقة

سوررررررررري
طولت عليكم بس محاوله مني تغيرررر روتيني
اووووووه نسيت اقولكم
انا متزوجة من 5 سنواااااااااااااات:heart:
ولحين احس بنفسي عروووس جديده :icon28: