هي زعلت مني لسبب سخيييف في نظري لدرجه اني استشرت احد وقاليي ماتستاهلك اتركيهاا
بس حسيتها ماصدقت على الله

الحمدلله على كل شي

ششوفي فكري بالموضوع كويس يمكن العزيمه مو من صديقتك يمكن هذي صديقتها اللي سوتها فلا تلومي صاحبتك هذا اولا

ثانيا انا مع انك تصارحيها ..العتاب شي حلو ولكن اذا اخترتي كلمات مو مناسبه ممكن يقلب خطأ ويخرب العلاقه انتبهي يعني

انتقي كلامك وفهميها قصدك تمام وانتبهي تخربين صدااقه حلووة علشان شئ كذا

والتمسسي لها عذر

الموضوع بسيط مايحتاج انك تشيلين في قلبك عليها ولاتعطي مجال لإبليس يفرق بينكم
وكان الأولى تعاتبيها بلطف وتعرفي السبب مو تزعلين يمكن لها اسبابها

ذكرتيني بنفسي كانت لي وحده خدمتها بعيوني وكانت لها صديقه ثالثة تغار مني زيك بالضبط المهم كثييييير ماتبي تجرحها ع حسابي مثلا يطلعون مايعطوني خبر عشان صديقتها بتقهرني وكثيييير مواقف بالبداية كنت أعاتب صديقتي لأني مررررة مخلصه لها وهي بعد تعتبرني من أهلها بس بالأخير تركتها لأني زهقت من معاملتها لي ومراعاتها لذيك
شوفي يالغاليه إذا تحسين نفسك بترتاحين لو صارحتيها صارحيها واسمعي مبرراتها وأنا أتوقع راح تقول ماراح تطلعين معنا لأن زوجك بيمنعك زي ماكانت تتعذر معي صديقتي وهو عذر أقبح من ذنب
وإذا ماتبين تخسرينها انسي والأيام راح تنسيك إن شاء الله وعديها لها هذي المرة ولو تكررت الحركة لاتسكتين

بالأخير أحب أقولك الزمن هذا مافي صداقات ولا حتى مجرد احترام بين الناس لذلك جهزي نفسك كل يوم تنصدمين

يارب ييسر امرك انت وهي

ويجمعكم ع خير