مجروحة من كلمة

استغفر الله استغفر الله

اخواتي امي اليوم صار موقف تافه وكبرت هي المشكله الله يسامحهاا

وقالت لي فشلتينا عند زوج خالك وجايين بس يتعرفون

وطلعت عندهم شوي جلست دقايق بدون مااتكلم وطلعت وماردو خبر

وتقول امي فشلتينا عند زوج خالك جو الناس وشافو وجهك وراحو

انا انجرحت اول مره اطلع للناس كرهتهم ماحسيت انهم جايين وهم متاكدين وخلاص يبغونا

انا واثقه من نفسي وهيئتي الحمدلله صحيح اني غير بارعه الجمال لكني مملوحه وكثير يقولو لي انت حلوه

لكن مجروحه من كلام امي اذا هي عايرتني من يواسيني ويصبرني

انا الي مفروض ابكي واشتكي لهم وهم يواسوني ويقولون قضا وقدر

انا كبرت لكن اجاهد نفسي ان لا اياس من رحمه الله اجاهد نفسي مجاهده واتعود من وساوس الشيطان

الي يريد احباطي لكن اهلي والدنيا علي

نفسي ابكي واشكي لاحد لكن مين ماابغى افضح اهلي عند صديقاتي او اقاربي
ابغى احد ابكي عنده كثير من الصديقات الحبيبات يسالوني ايش فيك اذا شافوني مهمومه
ابغى ابكي واشكي لهم وافضفض لاني عارفه انهم يوقفون بجنبي لكن صعب

وش اسوي
اهلي رامين اللوم علي وكانهم غير معترفين بشي اسمه قضا وقدر وارزاق مقسومه
مصرين ان عدم زواجي بسببي
انا عفيفه طاهره والله اغلب من في مثل حالتي صادقت لها رجل او علاقه لكني انسانه عفيفه

اللهم ااجرني في مصيتي واخلفني خيرا منها
يارب يجيني الي يرفع راسي عندهم ويعرفون ان الارزاق من الله وان الخير من الله مايعرف وقت ياااارب