مجروحه من اهلي وش اسوي وكيف اتصرف ساعدوني

السلام عليكم ورحمه الله وبركاته


طبعا غالبكم يعرف مشكلتي وهي اني للحين ماصرت ام حلمي بالدنيا الامومه ومافي شي بيد الله مستحيل واملي بالله فوووووق ماتتوقعون وواثقه بربي انه بيجبر ضعفي وكسري
لما تاخرت الخلفه عندنا بسبب زوجي طبعا صارو الناس يدقوني بالكلام وكذا والي تعطينها اياهاااا كااااش ماخلفتي والي متي ومن هالكلام وكنت كل ليله انااام ودموعي علي خدي ونكدت حتي علي زوجي من كثر مايشوفني كذا
والحمدلله ربي عطاني الصبر والقوة وصرت ارد عليهم بدال الكلمه 10 وصارو يسكتون عني او يتحاشوني حتي من خوفهم من لساني
ولكن البلوة والمصيبه اهلي اهلي داااايم يجرحون فيني بقصد وبدون قصد أقول لكم علي كذا موقف اخوي كبير ماشاء الله عمره 47 سنه توه من 4 شهور جاه مولود ورحت ابارك ومبسوطه له وزوجته تجي تبي تحط البيبي علي حظني صرخ بقوة قال لها لااا اختي ماتعرف للأطفال انا انصعقت بس مابينت شي وقلت لها فعلا كلام أبو فلان صح لاني انجرحت
وموقف ثاني اختي مسويه عيد ميلاد لولدها ولا عزمتني واعرف من بره انها سوت عيد ميلاد والصور منتشره بالانستغرام يوم عاتبتها قالت ماعزمت احد حفله صغيرونه للعيال وهي ماخلت بنات عمي وبنات خالي عزمتهم حتي وحده فيهم كلمتني غريبه ماجيتي قلت لها كنت تعبانه
واخوووي الثاني زوجته عندها 4 أولاد ومن 3 سنين جابت بنوته ماشاء الله وأول سنه عيد ميلاد لها شفتها وحظنتها عادي بنت اخوي وبنفس الوقت اخت زوجه اخوي جالسه تمدح شعر بنت اخوي كثيف ويجنن وماادري ايش ولا حتي قالت ماشاء الله وصار شعر البنت يهر تخيلو بعد أسبوع اخوي داق يقول يبي شي من اثري عشان يحممونها فيه قلت له طيب ماجبت طاري شعرها هذي خالتها اخت زوجتك قال ماعليش بناخذ منها بعد ياربي
صبرت علي كل شي بس جرح الاهل كييييييييف اصبر عليه ساعدوني وش اسوي مااقدر ارد عليهم انا اصغرهم وكلهم اخواني وخواتي كبااااار واحبهم مووووت ابي تعلموني وش اسوي
والبلوة الثانيه زوجي باااارد جدا مو متحرك بالعلاج كل شهر يقول الشهر الجاي بعدين وفي طبيب بالبحرين وواحدب الامارات كله كلام علي فاضي وخااايف نسوي طفل انابيب قالو مش مضمونه ومايبي يضيع مبلغ علي شي مو مضمون وقلت له بشتغل وبجمع قيمه العمليه مو راضي وش اسوي ابيه يتحرك يتعالج عشان ربي يعطينا الذريه الصالحه
ياريت تساعدوني بحل مع اخلي كيف اتصرف وبحل ثاني مع زوجي كيف اخليه يترك بروده ويتحرك الي متي عمري بالثلاثين وعمره قرب ال40 بموت ابي اشوف ذريتي ولا تنسوني من دعائكم لي بهاليوم الفضيل