مجروحه من ناكري الجميل

بدون مقدمات لان نفسيتي ماتأهل
بسم الله بأبدأ...انا انسانه طبيعتي مضحيه يعني عادي احوس بيتي على حساب خدمة الناس فلذلك سلفتي اللي ساكنه مع اهل زوجي لقتها فرصه لاستغلالي يعني كل شوي تطلب اجي اسوي العشاء لخوالي واحيانا قسم بالله عشان اغسل المواعين لظروف عندها بعضها صدق وكثير كذب فقسم بالله دايم اتهاوش مع زوجي على حسابها لانه تعبان ومايحب يغير نظامه بالنوم واكل علاجاته لكنها كانت تغار من اقاربنا اذا قدروني واسألوا عني حاولت مرارا تخرب علاقتي باللي يحبوني من اقاربهم وكانت تقول عمتي تقول وتقول وانا طبيعتي لبقه وشياكه وطيبه مع كل الناس يكفي معاها طيبتي زايده وكنت دايم اعزمهم على اشكال وانواع واتكلف وفي يوم اقاربهم عندهم حفله واطلبوا مني اسوي حلا لاني معروفه فيه فسويته وهي جن جنونه ليه ماقالوا لها والايام اللي طافت كان عندهم عزيمه وكان العام عندهم نفس العزيمه وجبت طبق جاهز وكلن اعجبه فقالت تسمعني عند عمتي رجاء مانبغى شي جاهز فشلنا العام فقلت لزوجي مانبغى جاهز لان فلانه تقول مانبغى قال مو فلانه تتحكم فيني قسم ماناخذ الا جاهز قلتلها بعدين حسيت انها زعلت واتصلت علي وقالت لاتسوين شي لانك تسوين للناس اشياء كشخه واحنا ترفضين مع العلم اني والله ماعمري رحت يديني فاضيه ولااجيب اي كلام اتعب من تزيين اغرب الاصناف وهم لحالهم واذا صار عندهم عزيمه وقالوا جيبي صنف اجيب خمس بس هالمره مسكت مع زوجي عناد لها وانا هالحين انجرحت وقعدت اصيح اقول كذا الناس ينسون المعروف لي ثمان سنوات اكرف لهم لدرجة يدقون علي وانا بالمستشفى عند ابوي الله يرحمه يقولون تعالي سوي العشاء واترك ابوي واروح لهم وهالحين مفرررررره مااروح للعزيمه لانها بتسويه هي واخواتها تقول بلا منتك وسلفتي الثانيه مطنشتهم ولاكأنهم موجودين ومرتاحه لانهم ماينفع فيهم المعروف وش رأيكم بقراري اروح والا لا