مجروحه يابنات

انا عندي اخوان من امي كلمني قبل امس واحد منهم وقالي انهم جايين منطقتنا ورحبت فيهم وقال انهم بيستأجرون شقه احسن لهم بالطلعه والدخله ومن هالكلام .. قلت اللي يريحكم وكلمت زوجته وعزمتها عندي وقالت اذا جاء اخوك بجي معه علمت زوجي وكلم اخوي وعزمه وقال ان شاء الله بأجيكم وراح وذبح ذبيحه وعزم ابوه واخوانه وانا شلت وحطيت تعرفون عفسة العزايم انتظرنا بعد العشاء محد جاء ونتصل عليه محد يرد وزوجته كذلك لما جت الساعه 10 اتصل وقال صار له ظرف عمل واضطر انه يرجع للطائف قال زوجي حصل خير وانا طرطعت ليه ماقال من اول بس ماحبيت ازيدها عليه لان واضح هو متضايق بعد من الحركه المهم امس طلعنا انا وياه ابي محل قبل زحمة العيد ومرينا محطة بنزين و زوجي نزل عند البقاله وصادف اخوي !!!!!! متخيلين تعذر منه وقال فلانه تعبت ومن هالكلام وجاني لسياره يبي يسلم رفضت افتح الباب وانزل واللي قهرني اكثر رحت لبنت عمي العصر وقالت اخوك جاكم قلت لا باقي ماقلت السالفه قالت اشوف امس فلانه مصوره وتوريني طلعت مخصصتني من السناب مصورة طالعين يتمشون ع الكورنيش بنفس وقت عزيمتي لهم من قهري دقيت على امي اشتكي لها قالت مالك دخل فيهم احس انجرحت مررررره من سالفتهم ومن ماودي اني تهاوشت مع اخوي بالسياره وماسلمت عليه قدام زوجي ومن وقتها ماكلموني ولا انا كلمتهم