مجروووحه من صديقتي💔💔

بدخل بالموضوع على طول احس ملخبطه بس بكتب كل اللي ابي اقوله لانه نفسيتي تعبانه💔
انصدمت من صديقتي وقعدت ابكي

هي تشتغل وربي منعم عليها وان لي سنين في البيت ودايما نسوالف واقولها قدمت في الوظيفه الفلانيه ورفضوني وقدمت في هذا المكانورفضوني وهي كل مده تسالني ها بشري لقيتي شي واقولها للحين ان شاءالله ربي ييسرها ودايم تسألني واحسها مهتمه فيني واقولها للحين ان شاءالله ابشرك قريب

بنات الوظيفه مو متيسره لي ودايم ابكي لحالي ولا ابين لحد حتى خواتي ما ابين لهم اقولهم اذا جت وربي كتبها لي فالحمدلله واذا ما جت عادي وانا في داخلي لا احسني ابي الوظيفه وادعي انه ربي يرزقني بوظيفه ومحتااااجه لراتب بس ما ابي ابين لهم اني محتاجه لفلوس مع انه تمر على فترات احتاج فيها بس اصبر ولا اقول ولا شي
واخوي اصحابه مناصب يعني عندهم واسطات واخوي كلمهم بموضوع وقالوا ابشر وخلها تقدم اوراقها ولجأت لهم وبعد كل شي متسكر بوجهي صار مماطله بالموضوع بعدين قالوا ومره يقولون اكتفى ومره يقولون مو محتاجين تخصصك او بنكلمك او يرفضوني
في ناس يرفضوني باسلوب حلو يقولون ربي يرزقك بوظيفه احسن منا بس احنا عندنا اكتفى وفيه ناس يرفضوني بطريقه مو حلو يعني حتى ما يعطوني وجهه يعني لا خلاص رفضناك او اللي تقول يصير خيررر بنرد عليك وحتى ما طالعت فيني من جبت طاري اني ابي اتوظف وعلى هالحال ودايم ادعي ربي يرزقني الوظيفه اللي فيها خير
الزبده كنا مجتمعين كل صديقاتنا وقدام الكل صديقتي تضحك وتقول فلانه لحد الحين في البيت الكل توظف الا هي كل مكان يرفضونها محد يبيها وانواع الضحك
انصدمت وجيت بهاوشها انه كيف تتكلمين معي كذا وش سويت لك
وهي تضحك من غير شعور قعدت ارجف وانا اكلمها لين بكيت قدام الكل وقالت لها وحده ما تخافين من الحوبه وما تخافين بكره تنفصلين من عملك

قالت لا انا وش سويت وهذي الحقيقه والحمدلله ليش يفصلوني ما سويت شي

عمري ما تخيلتها كذا انصدمت لانه عمري ما عصبت على احد ولا اقدر احس بسرعه انسى واسامح
بس موقفها وشلون كلامها بكاني قدام الكل عمري ما انساه مع اني جيت مبسوطه ونسوالف مدري كيف جابت طاري الوظيفه وتكلمت عنيمع انه مالها علاقه الموضوع كنا نتكلم عن اجواء الشتاء ووين نغير جو مدري شلون جابت امر الوظيفه علشان تطقطق على قدام الكل
💔💔💔
جد ما راح انسى الموقف وبقعد ادعي عليها ان شاءالله يفصلونها علشان تحس باللي سوته فيني
عمري ما دعيت لاحد بضر بس هي الا بدعي عليها لانها اجرحتني وفشلتني قدام كل البنات يالله يالموقف مستحيل انساه وكيف لا شعورياعصبت وبكيت في نص الكلام💔💔💔💔😭😭
احسها امسكتني على الجرح 💔 شي محتاجته مره ودايم ادعي ربي فيه ما توقعت في انسانه طبيعيه ابتتشمت بالرزق 💔