ياجماعة
آسفه للتاخير في ردودي ، لأني كنت مسافره وتوني راجعه ، وراح انزل لكم الصورة لمن تحب رؤيتها مرة أخرى :

:( ما طلعت الصوره

اختي بشاير الصراحة روووعة ماقصرتي...حابه اشوف لعبه عن الحرووف الهجائية واذا عندك افكار ياليت تساعديني ولك جزيل الشكر

بشاير ما ظهرت عنديالصور ليكون وجودها في الموقع انتهى ولازم يتغير الموقع

بالضبط حبيبتي ام عبدالرحمن ، الموضوع قديم من أيام الحج ، وكنت محمله الصور على موقع ثاني عشان جذي ما تظهر الصور الأوليه ، بس في صورة ثانية :



وهذه طريقة عمله :

مجسم الكعبة : عبارة عن كارتونه مغلفه بالقماش المخمل، وتقدرين اتسوين عليها حركات إذا بغيتي بالقماش الأبيض أو ترسمين بالألوان الذهبية .

القاعدة : مستطيلة من الكارتون المقوى وغلفتها بورق تغليف الورود ، وصار شكلها حلو بس مو باين بالصوره.
الحجاج : هذه الصورة لقيتها في منتدى أطفال ، وكانت تمثل ثلاث حجاج ، بس آنا لعبت فيها شوية حركات ببرنامج الفوتوشب ، وخليت الشايب يصير شايب مره بلحيه بيضه ، ومره شاب بلحيه سوده ، او الرجل الثاني خليته مره يطالع لجدام ومره داير ظهره وقلبت رجليه بإني خذيت نفس رجلين الحرمه أللي معاهم ، وممكن اعطيج الصوره لو حابه تستعينين فيها .( بتلاقينها في الملف المرفق )

الخطوات :

* بعد تغليف الكارتون ، لصقت مجسم الكعبه على القاعده بالوسط بالضبط بإستخدام مسدس السيلكون .
*وبعدين ، نسخت حجاج بأعداد كثيره ومختلفه نوعًا ما وبحجم شبه متساوي بالكمبيوتر ، وغلفتهم بالورق الحراري ، وتميت اقصهم واحد واحد ، وبصراحه يدي تعبت من مسك المقص ، وهذه كانت أصعب خطوه .لأن عددهم كان حوالي 50
* الخطوة الأخيره ، بعد ماقصيت الحجاج ، كنت عامله اشرطة طويليه من الكارتون المقوى بطول الحجاج وبعددهم ، و تقريبًا بعرض أصبع اليد ، وتميت الصق كل شريط كارتوني ورى الشخص الحاج بإستخدام مسدس السيلكون ، بحيث اترك قاعده من الأسفل بسيطه متدليه من الشريط ، عشان الصقها في قاعدة الحرم ، ويبان الشخص كأنه واقف .
بس هذا كل أللي سويته .، وعلى فكره ممكن تلاقين مجسمات كعبه متنوعه في محلات بيع الألعاب وأدوات البيوت مثل رامز ، وتحطينها بشغلج جاهزه ، وعليج بس اتسوين بقية الشغل والحجاج ، وهذا اتعب شي .

شكرًا لتفاعلاتكم مع مواضيعي القديمة.