السلام عليكم يا بنات
الحمد لله صحتي في تحسن
ومشغولة بالدراسة والله عم بركض ما عم بلحق
واللغة الفرنسية بتعل القلب وبتهد الحيل لعمى تمي بيوجعني لما بدي إحكي على أد ما بقلص عضلات تمي مشان تطلع مخارج الحروف مزبوطة
أنا مستفئدة لفتاة سورية وtunisienne
صرلي زمان ما شفتهن
سلامات للكل

إلهي وسيدي ومولاي تحبلي يا فواحة الريف والله يرزقك أحلى ولاد بالعالم
يا رب تحبلي

مبروك علينا لمتنا والله يجمعنا على خير دوم يارب
وانشاء الله يا فواحة الرف ربنا يرزقك بدسته وانتي يا تامو يعطيكن لحتى يرضيكن

ام فارس

ملليت من الغربة .....

هونيها بتهون ..... لكل مقام مقال كما يقولون

يعني بكرة لما تنزلي على بدلك وتستقري فيه اكيد رح تتعودي من اول وجديدوخصوصا أنو هي بلدك الام .... يعني أوريدي تعودت عليها من طفولتك ......

وملل الاطفال وعدم وجود أحد بسنهم يسليهم هي مشكلتنا كلنا وبتلاقيها مأثرة علينا بكل شيء

الله المعين


فواحة الريف


سبحان الله كل شيء له اوانه

لا تهدري ايامك وتضيقي صدرك بانتظار الحمل والولادة ومسؤولية الولد وهمه ...

استمتعي بحياتك وارتاحي قليلا و الله يكتب ما يريد

الله يجبرك ويكرمك ويعطيك سؤالك إلاهي عن قريب وتجي وتبشرينا


تامو ....

الحمد لله حمدا كثيرا طيبا مباركا على تحسنك
وإن شاء الله يوم ورا يوم بتتحسني اكثر وأكتر ويصير ما فيك البلا

والفرنسي باين عليه صعب وما بحبه بنوب .....

لان كلماته غريبة ومتل ما قلتي بلاقي الفرنسيين تمهم بيتحرك كتير وبشدوه وبمطوه لحتى يمشي الحال

الله يوفقك ويسعدك

أهلا يا ام فارس الله يبارك فيك يا رب ويجمعنا على الخير دائما متل ما قلتي


تحياتي

السلام احبابي ماشاله على هالجمعه الحلوه انشالله دايم على خير
بتمنى تتقبلوني بينكم
وأخباري متل كل يوم الحمدلله على كل حال يمكن لو م ماعندي بنتي بغربتي كان طقيت لحالي
الله يخليها الي ويرزق كل من سأل الخالق بولد
وادعولي تتعود عل الحليب العادي حاكم تعبت كتير من رضعتها ولا ليلي ليل ولا نهاري نهار
الحمدلله نفسي تخفف علي عشان ابلش ادرس والله يوفقكم