والله فيكى الخير يا بنت يا شحرورة والله تونه ما هى بخير هالايام كله مريضة وزعلانه مدرى من تغير الجو يمكن والله ما ادرى انا خايفة على قلبها الله يستر انا بطرح اقتراحين مهمين اذا كنا ناوين نخلى الموضوع يكمل لمصلحة الاولاد اولا واخيرا الاول لازمنا دكتور قلب شاطر تخصصه اطفال والثانى لازمنا خبيرة نطق وتخاطب فاذا وحدة تتطوع تكتب موضوع جديد تطلب من احد المختصين فى هذين المجالين انه ينضم لنا فى موضوعنا هذا الخاص بالداون ما نبى نثقل على الناس انتو ارفين اللى مثل هالناس يكونون مشغولين اغلب الوقت وحنا بدورنا ناكد لهم انه احنا راح نسال اسئلة مختصرة ومهمة ومو مكررة وشرايكم يا جماعة :D :41:

يا بنات نسيت اقولكم ولكن من شوى لما صكيت الانترنت وصلتنى رسالة من مجموعة القلب يا شحرورة نسيت اقولك انى لما كنت فى لندن عطيتهم عنوانى عشان يرسلونلى جريدة مالتهم وهم يرسلونها لى كل فترة والله نسيت اقولكم السموحة من
الكل وعنوانهم www.dhg.org.uk
هذا العنوان مو الرابط ابعثوا لهم وخليهم يرسلون لكم المنشور بس تراه English

" ضي "

وعليكم السلام ورحمة الله وبركاته..

حياك اختي ,, منورة الموضوع ..!!

تقولين عمرها عشر شهور وللحين ماتنقلب وترجع من نفسها ..!!

راح اعطيك تمارين كانوا يسوونها لفصولي يوم كان بعمر بنت اختك :

1_ حاولي تمسكين الحوض وتقلبينها وترجعينها ,,
2_وهي نايمة على ظهرها امسكي اطراف يدينها..
وخليها تشد نفسها عشان تجلس ..!!
3_حاولي تجلسينها وامسكيها بيدينك من خصرها..
بحيث انك تسندين عمودها الفقري .
×××
ولازم في هالعمر يعرف لعبه ( البخ ) ..!!
غطي وجهها بفوطة ووخريها وقولي ها بخ ..!!
بعدين غطي وجهك انتي بالفوطه .. وخليها هي توخرها من وجهك ..
حاولي تعلمها على الاكل المجروش .. وليس المطحون ..
عشان تتعود على البلع لانه يساعد على تقوية عضلات النطق .!!
وكليها بالملعقه وحاولي مايطلع لسانه..
اضغطي بالملعقه على اللسان من الوسط..
بحيث انها تاكل ولا يطلع لسانها..!!
علميها تاكل بسكوت الاطفال..
وحاولي تكسرينها صغيره وحطيها على الجوانب..
عشان تعلك على الفكين..!!
علميها على حركة باااي وخليها تحرك يدها ..
وعلى سلام سلام ..نفس الشي ترفع يدها ..!!
شوي شوي لين تتعلم ..
حاولوا تجلسونها في وسط صندوق مربع او كرتون ..
عشان تتعلم على الجلوس ..
وحطولها العاب بمستوى نظرها .
عشان ماتتعلم ترفع راسها فوق ..
حاول تعطونها لعبتين في اليدين ..
وحاول تعلمونها كيف تحركهم وتضربهم مع بعض ..!
علموها تشرب في الفنجال .. اي شي سايل ,,
واذا شربت شوي . سكري فمها بيدك من تحت ..
عشان تتعلم على البلع .
لانها في البدايه راح تفتح فمها ويطلع الي فيه .
وهذي الاشياء الاساسيه ..تقريبا ,
الي يسوونها لفصولي

اذا انتي في الرياض ودوها لمستشفى الملك خالد ..
وفيه الجمعيه الخيريه .. وفيه جمعية النهضه ..

وفيه بعد كتاب انصحك فيه .. عبد الكريم حمامي .
عنده ابن داون

وفيه بعد ( النمو اللغوي لدى الاطفال ذوي الاحتياجات الخاصة)
تأليف ارينيه جوهانسون ..ترجمة الدكتور انسى محمد احمد قاسم

وكتاب لسعود عيسى ناصر الملق
عنده ولد داون .

تحياتــــــــــــــي

ركن سيدات الاعمال

هلا وغلا ..

ماتشوف شر تونه ..
بس يمكن تقلبات الجو .!!
لان مناعتهم ضعيفه..
انا فصولي كذا كل شوي يمرض من تغير الجو..!!!

يسلملك فصولي يا
شحرورة والله لو اقولك شنو قالت تونه اليوم والله تقولين المد لله الطيب فيها ما راح خسارة اليوم انا صايمه لله(اصوم الخميس والاثنين) وبعد ما وديتها تاخذ ابرة المضاد جيت تعبانه وهى جنبى قالتلى وهى تدور وجهى ناحيتها عشان اشوفها قالت يما سفيك قلت اى عشان تسكت بس دورت وجهى ناحيتها ورددت الكلام نفسه هالمرة قلت لا اذا مو هوى اكيد لا قالت حق اختها الصغيرة قولى يما سفيك البنت تقولى يما شنو فيك وانا مو فاهمة صعقت وفتحت فمى وقلت شنو يما قالت بالبطئ يما انت سفيك اروحين الدبيب يعنى تبيين تروحين الطبيب الحمد لله الذى يحمد على مكروه سواه