ba7renya :)

مــــــرحبتيــــــن أنـــا بخيــــــر الحمــد لله

أنتــــــــي وش علـــــــومـــــك


********************************


أميرة رقيقة :)

يـا هـــلا فيييييييييك

هــــــذا واجبنــــــــــا أختــــــــــــي :biggrinlo :biggrinlo


****************************


أغلى وصال :)

حيـــــــــــاك الله

السلام عليكم...

شخباركم بنات شمسوييين...؟؟

انا الحمدلله بخير وعافيه لو ما هالريجيم..يخليني انام فتره طوووويله..
وانتي شخبارك حنين ان شاء الله انك بخير وعافيه والنفسيه احسن...؟؟الا مالك طله على الماسنجر..
وايش اخباركم..الوان واغلى وصال..وموون لوفر...مجموعة احاسيس...واوركيده لها فتره غايبه..حتى فيروز الصغيرة...

بحرينيه ..كيف الريجيم معك..انا تلاقيني في هالمكان (( تجمع خاص لمتبعات رجيم اتكنز(البروتينات))

والله يسلمك اميره رقيقه وهذا الواجب علينا << توها صاحيه من النوم وقامت تخرف..

والله يبارك في اللي باركلي ويارب تصيرون مثلي..وجزاكم الله خيرا ..للي عزوا..

ههههههههههههههه

سنا بدر الدجى محشوم التخريف منج..

وشمقعدج في البيت اليوم الخميس ونايمه ؟؟؟؟؟؟؟؟

وش اخباركم ياحلوين
وحشتوووووووووووووووووووووووووووووووووووني
فحبيت اسلم عليكم
خاصه اني مشغوله ذا الايام بالتجهيز




















لا يروح تفكيركم بعيد





قاعده اجهز للدرس النموذجي








ادعو لي
انه يطلع من اروع الدروس


اميره رقيقه
هلا بك بين اخواتك
وان شاء ما يطول مقامك في هذا المجلس
وجميع البنات يارب

هلا بنات ...

حنين ،، أغلى وصال ،،alone

وكل اللي سألو عني .. لا تحاتوني يابنات معنوياتي مرتفعة ..تدرون ليش ؟؟

لأني متأكدة مليون بالمية أن اللي صار لي خير لي خصوصاً أني كنت أستخير وأدعي دووووووم ..

صحيح اني ماشفت منه شر ..وصحيح اني متأكدة أنه كان ولازال يحبني ومتحسف على الطلاق وهذا الكلام يوصلني عنه ..وحتى لو ماقالوا لي أنا عرفت ان هالانسان حبني بشكل كبير من كلامه وعباراته وحتى نظراته لي ..

بس أنا ماتقبلت شكله نهائياً وكنت أقول الله يستر شلون بعيش معاه ؟؟شلون بتقبله ؟؟ ولو تذكرون نزلت موضوع بهالخصوص في الحياة الأسرية ..وردوا علي البنات وقالوا لي عادي واصبري ..

وأنا بعد كنت أكذب على نفسي وأقول بصبر ولما قلت لأختي قالت لي الكلام اللي انتي تقولينه مب هين هذا بيصير زوجك وبيصير بينكم أشياء كثيرة واذا ماقدرتي تتقبلينه بتتعبين وبتعبينه معاك وحتى لما سألت مشايخ قالوا لي نفس الكلام الكل أجمع اني أنفصل قبل الدخول لكني رغم كل هذا قلت معليش يكفي انه يحبني وطيب وشاريني ويكفي أخلاقه بس والله يابنات لما كان يجلس معاي كنت أتمنى ان الأرض تنشق وتبلعني ولا أجلس معاه دقيقة وحدة بس كنت أقاوم هالاحساس ..

ولا تتوقعون ان هذا هو سبب الطلاق انا اصلا ماقلت له ولا هله ولا حتى لمحت لهم اني مش متقبلته ..مستحيل أجرحه بهالكلام ..

بس أسباب الطلاق كثيرة أهمها تدخل هله وشخصيته الغريبة وتحرره الزايد وهو كان يبي وحدة جريئة جدا وأنا ماعندي هالجرأة اللي كان يبيها وغيره وغيره ..

بس والله أني مقتنعه مليون بالميه أن اللي صار خيره لي لأني في الأصل ماكنت متقبلته أبداً بس ماقدرت أقولها ..وزين اللي جات منه ..


بس آه يابنات والله اني عشت مشاعر حلوة وجميلة معاه .. ولأني مثل ماأنتوا عارفين كنت محرومة وهو كان رومانسي بزيادة فسمعني كلام حلووووووووووو
والله انه كان يقصد في التلفون وكلامه كله شعر ..

كان دايما يبين لهفته علي وشوقه لي ومشااااااااااعر حلوة ..

للأسف مالحقت أستمتع فيها ..

بس الحمد لله على كل حال ..على قولة أختي : الكلام الحلو مايعمر بيوت ..

هذي التجربة علمتني يابنات أني ماأقول أبي أتزوج وأرضى باي واحد لمجرد الزواج ..أنا لما هو تقدم لي قدمت تنازلات كبيرة ووافقت عليه ..

بس ألحين عندي أبقى بدون زواج طول عمري ..بس ماأتزوج إلا واحد أنا مقتنعة فيه ..

أنا ماأنكر أن رغبتي في الزواج مازالت موجودة ..خاصة اني يابنات شريت فستان العرس تخيلو ا والله كان يجنن رووووووووووووووعة حتى انه مب هاين علي أبيعه ولا أأجره ودي ودي ألبسه ..

آآآآآآآآآآآآآآآه وألف آآآآآآآآآآآآآآآآآآآآه ..


بس مليون ميلون الحمد لله ..

الحمد لله هلي وقفوا معاي ورجعت علاقتي مع أختي واحنا اللي كنا قاطعين بعض فترة طويلة زادت ثقتي بشكلي من بعد ماكنت أشوف نفسي مو حلوة اكتشفت فجأة اني حلوة وشكلي حلو ورجعت لي الثقة اللي غابت عني سنين وسمعت كل الناس يقولون وهم شايفينا جالسين عند بعض (والله مايستاهلها هي أجمل منه بكثيرررر)..

وعادت علاقتي برب العالمين أقوى والحمد لله وواثقه انه بيعوضني على صبري اذا مو في الدنيا في الآخرة باذن الله ..


ادعوا لي يابانات بالصبر وادعوا لي بزوج أخير منه ..

وجزاكم الله خير يالغاليات