الحمدلله انا تخرجت وتركت لكم الدراسة...

بس واضح انكم رايحين فيها...بدليل انكم ما جاوبتوا على سؤالي...

الزواج معناه عندي..مشاركة شخص لي بحياتي..ارتاح له ويرتاح لي..نعيش حياة تعاونية...نتناقش امورنا بعقلانية...واهم شي لا تعبت الاقي احد يوديني من غير ما اتصل ولا اتنكد..ما الاقي احد يوديني وانقهرر..ما اقصد السوق لأني اتعب من كثر ما امشي فيه..اقصد لاضاق خلقي الاقي احد اشكيله..يفهمني وافهمه.. يطلعني اتمشى شوي..يوسع الواحد صدره..واذا على الطبخ ما عليه...مستعده اتعلم واسوي له اللي يبغاه..بس لايطلب مني حركات وشكل هيفاء والماجنات اللي على التلفزيون لأني اكرهها..واهم شي يحترمني ويقدرني...لأنه ما اخذني ببلاش..فلازم يتحمل مسؤوليتي..وعساه يكون متفهم من ناحية انجاب الاطفال..لأني ما احب انجابهم في اول سنة...دائما اول سنة احسها للتفاهم افضل...وبعد كذا يصير خير..

وترا كلامي مطابق لكلام مووون..
وترا ما اهتميت فيه الا لما انضميت لمجلسكم...
اوقات اقول ليه ما اتزوج..احد ضامن بكره<< ماشاء الله من سمعك قال ان الخطاطيب على الباب..طوابير..والحمدلله ولا واحد تقدم لي...
واوقات اقول لساني صغيره على تحمل المسؤوليه وعيال وما ادري وشو...خليني استانس شوي..<< ياخوفي من هالوناسة تطول..
واللي خلاني اقول هالشي من زماااان...بس امس صار شي وراح اذكره عشان اقربلكم المعنى...
امس توفي ابو وحده من البنات درست معي..وهي العام الماضي تزوجت..وكل اخوانها واخواتها تزوجوا..وهي اصغر وحده من الزوجة الاولى...واختهم الكبيرة عيت تتزوج لين ما ربت اخوانها وزوجتهم..والحين كمان في مرت ابوهم..واخوات زميلتي من ابوهم ...وتراهم صغار...اكبر وحده بالمتوسطة...
وهذا اللي مخوفني..عشان كذا اوقات اتمناه فعلا..
بس ما ادري ايش فيني متغيره...صاير عندي احساس بالرغبة...فيه..وان عندي الامكانية..لكن لايزال بداخلي..تخوف...وان شاء الله انه يزول...<<< امحق تعريف والله لو تعريف الحمض ولا القاعدة..

يالله ايش رايكم بتعريفي...تراها مو مختصر..شرحته عشان افهم...قصدي عشان تفهموا..<< امحق معلمة..
بس هاليومين صايبتني حساسية..وشاغلة بالي..مهبلة فيني..مضايقتني..غير رحت للدكتور..اليوم وقعد يسولف معي..<< يازين المصاريه عندهم احترام للمرأة خطير بصراحه..عن جد حتى انا احترمهم...سبحان الله..لا ولما نزلت للمستوصف من الباص طحت كعادتي بالشارع على رجولي..بيتهيأ لي السواق تشقق من الضحك علي..وعصبت بس بداخلي وصرت زي الدايخة وامشي بالبطيء عشان ما اطيح مره ثانية...<< سموني سمورة ام الطيحات..
تراني مشهوره في البيت بكثرة طيحاتي..(زحلقتي على رجولي))

بعد ما خلصت التعريف..شخباركم لحن حزين..وعنودتي 10 ..وسبحان الله شخبار الكلية معك....وشخبارك رهف المشاعر...قبل ما تذاكرين صلي ركعتين وادعي ربي انه ييسر لك المذاكرة واستغفري..بعدين اقرأي لك سورة او كم صفحة من القران تبدأ تتنشط الذاكرة للحفظ..<< تراها مجربة..
وكمان دائما احفظي..في وقت الفجر..بسهوله يدخل اللي تبغيه...
وشخبارك الوان واغلى وصال,,,والبقية...
طبعا سحابة خير وبحرينيه ومووون لوفر ومجموعة احاسيس..ما يحتاج اسئل عنهم لأنهم عندي على الماسنجر<< نذالة بقوة..

مساء الخير كيف الحال يانسات المنتدى اسال الله العلي العظيم ان يرزقكم بازواج صالحين وعندى سؤال حبيت اسالكم اذا فيه ادعيه معيه تقال وقت الخطبه يعني عندما يتقدم لخطبتك شخص ما وفيه جميع المواصفات التى تتمنيه في هذا الشخص وعارض احد من اهلك هذا الخاطب بحجج لا معنى لها هل هناك ادعيه تقال بهدف تييسر امر الزواج وعدم عرقلته ام تعتبر بدعه فياليت انكم تفيدوني على سؤالي وتخبروني اذا كانت هناك ادعيه معينه وجزاكم الله كل الخير وانا انتظركم

هلا بنات كيفكم ..؟؟ :)

إن شاء الله بخير ..

حبيت أتطمن عليكم ..

وينها البوح بالخافي غايبه عنا ؟؟

كيفكم سنا ، و شمعة و عنودتي و سحابة خير وبحرينيه ومووون لوفر ومجموعة احاسيس و الوان و رهف و سبحانه الله ..

يا رب تجمعنا في جناااااااااااااااااااااتك ..

سبحان الله وبحمده
من واحنا بزارين ندرس الى ان صكينا العشرين تقريبا نص قرن
عنبوا بليسهم شبقى من العمر خلونا نكرف كرف الى ان طقت كبدنا من الدراسه
الله يطلعنا منها سالمين غانمين

سنا بدر الدجى
مشكورة ياقلبي على نصايح
يارب اتخرج وافتك من الكليه

شمعة الحي
ماعندي فكرة عن ادعيه معينه لكن المفروض تعرفون من هالشخص سبب الرفض
يمكن سبب رفضه مقنع
الله يوفقك في حياتك

اغلى الوصال
امييييييييييين يارب

لو فيه ادعيه معينه لما بخل علينا حبيبنا صلى الله عليه وسلم بها صح والا لأ؟:)

ماعندنا الا الدعااااااء بيقين في ان كل الامور خير لنا ..

..


شلونكم يابنيات