شوفون كل ما حسيتي بالضيجة و تريدين تعبرين عنها في هالمكان شو رايكن وانتن تكتبن تستغفرن منها 1- خذيتي اجر الاستغفار 2- فضفضتي عن همومج لنا 3- ؟؟؟؟؟؟؟؟؟؟؟؟؟؟ ما عرف انتن قولنها شو قلتن و نتعاهد على هالشي اتوقع الكل بيذكر الاستغفار و هي تكتب و اللي تنسى الله يغفر لها و لنا

أستغفر الله وأتوب إليه ..

اللهم اغفر للمؤمنين والمؤمنات الأحياء منهم والأموات

أستغفر الله العظيم
كيفكم ياحلوين ؟؟؟؟؟؟؟
شوأخباركم؟؟؟؟

نزلوا موضوعنا وشالوه من التثبيت!!
شصاير؟

السلام عليكم...
صباح الخيرات والليرات...
كيفكم يا بنات وايش اخباركم..؟؟وكيف النفسية...؟؟
الحمدلله انا بخير وعافية...

غريب انهم شالوا الموضوع من التثبيت...
بس اكيد شايفين ما عندنا همه مثل ما انفتح الموضوع من البداية فشالوه..ويبغوا غيره من المواضيع تاخذ حقها..

المهم كيف الاجواء عندكم اليوم..؟؟
الجو اليوم عندنا غيوم ركامية..اللي لونها رصاصي...يمه انا اخاف من هالغيوم...بس ربي يستر..
وعاد امس برق ورعد نسمعه واحنا بالقصر بالليل كانت عندنا بروفات واستعدادات لحفلة الا رسول الله...لا وهالقصر بجنب جبل..يعني كل شي تسمعيه بشكل مضاعف..عشان الصدى ..
وشوي الا وتنزل المطرة بقوة...واستمرت ربع ساعة بعدين وقفت..وصارة خفيفة...مثل ما يقولون رذاذ...طبعا اختكم في الله استحت تدعي قدام البنات...
بس ان شاء الله اني ما انساكم من دعوة...

عاد امس قعدت تتناقش معي بنت اختي عن ليه ما انخطبنا ...ولا حتى مرة...قلتلها نصيب..قالت انا ما اقول شي..قالتلي..هي يا انكم احد مشوه سمعتكم...ولا انكم ما تطلعوا من بيوتكم وما احد يعرفكم...
قلتلها اختي ماشاء الله اللي تروح وتجي لمكتب التوجيه معقول ما انعرفت...بناتها اللي درستهم الحين بالكلية..مع انها سمراء وتعرفون السمارة امارة..(يعني قمر)...
وكمان تقول انه بالعزاء اللي قبل كم يوم تقول وهي تسلم تقول سمعت كلمة وحده من الحريم طالعت فينا وتقول ماشاء الله متى كبروا..تصدقون اختي قصيره والقصر يعطي صغر في العمر..وانا اطول منها شوي..

والحمدلله على كل حال...يكفيني ماني عايشة حالة الخوف اللي يعيشوا فيها العرايس بهالوقت...