-ممكن كثرة المعايره...يعني الاهل ينظرون لها بالنقص لأنها ما تزوجت وتوصل لدرجة انهم يقاطعوها ولا يعتبروا لها وجود...ولا حتى يسمعوا منها كلمه...
-غريزه فطريه..تخليها ما تصبر على انجاب الاولاد..
-كثرة مشاهدة البنات للتلفزيون اكبر مؤثر...ومخالطة مجتمع المتزوجين لأن اول البنت عيب تجلس مع المتزوجين....
- الفراغ والاحساس بالوحده...
-البطاله...
-ممكن البنت تحس بالغيظ لما تشوف غيرها من البنات التعبانات والخربانات يتزوجون وهي اللي قايمه صايمه وماتترك ولا فرض...وما احد يفكر فيها مع انه مو ناقصها شي..

اما في عيلتنا عادي..اذا جاء واحد عليه الكلام مايقولون لأ..وحتى احنا البنات نستحي نقول نبيه وسيم ..وما ادري وشو..
لا اهم شي الاخلاق..ولطالما ان ابوي راضي فيه فما همني..ابوي رجال ماشاء الله عليه الله يطول بعمره...حتى اقاربنا يستشيروه لاجو يخطبوا..

بس انا خوفي من ذهاب احد الوالدين هو اللي مخليني مركزه على هالموضوع ..مع اني ما احبه..تقولين ليه...اخواني كبار وهم اكبر شي في العيله..ومتزوجين وما باقي من البنات الا 2 بس(انا واختي)..وبرضو هالشي مكرهني في الزواج...
كون انك تخلفي عيال ويجون الاولاد يتزوجون وما يبقون الا البنات..احس بغصه..حتى اللي مريت فيه كان معاناه بالنسبه لي..لأن البيت كله تفكيره غير تفكيري وكلهم من جيل وانا من جيل ثاني...
انا من جيل عيال اخواني واخواتي...
عاد اترك لكم التخيل كيف راح يكون التفاهم..

والله اللي شفته من اخواني كنت احسه قاسي بعدين عادي تعودت وهذا طبعهم حتى مع حريمهم..لكن بعدين لما قارنتهم بازواج اخواتي لقيت فرق..
صحيح انهم جافين نوعا ما لكنهم شغيلين..يعني كل واحد فيهم يعرف يطبخ..ويعرف يربي عياله وياخذهم معاه يفسحهم من غير امهم..يزبطوا امور البيت ..يصلحوها..لكنهم مو ناعمين..متعبين في النقاش تطلعي من النقاش معهم وانتي ما انتي مستفيده..تصدقون انهم اللحين لو واحد فيهم سوا فيني مقلب اخاف منه..تخيلوا اخاف منه...
وهذا اللي مصبرني ومسكتني ومخليني ما اتمنى هالشي بسبب خوفي من ان يجيني واحد زي اخواني وانا بهالعمر واضيع شبابي معه..لأني صعبة التفاهم...
عشان كذا فكرتي لا قربت من الـ30 وجاني خطاب لو اخلاقه زينه لكن تعامله مو مره...ممكن اوافق على الاقل ما اكون ضيعت عمري...
فالحزن مأجلته لوقته..والله لا يجيب الاحزان..

لكن مو قاهرني الا اللي حزينه وهم يجونها خطاب ..

على الاقل المفروض تفرحي ويكون عندك امل..ليه..؟؟لأن في احد بيفكر فيك..

لكن اللي ماجاها احد ..ايش تقول..؟؟

تصدقون هالسنه احسها غريبه اذكر اننا زرنا بيت خالي فوق الـ3 مرات ومو بعادتهم ما ردوا لنا ولا زياره..حتى امي كل ما ذكرت لها نروح لهم تقول بعدين الى الان ما ردوا لنا الزياره...كأننا رامين نفسنا عليهم..
وعن اقاربي الله يكفيني شرهم يكفي اننا ماخذين من الاقارب..هذا واحنا ماخذين منهم وكذا العلاقه معهم شلون لو ما اخذنا.. الله يبعدني ويغنيني عنهم..

احنا علاقتنا متقطعه على الرغم من مركز ابوي العالي..مايجون اقارب ولا معارف حتى البنات لما يشوفوني يستظرفوني ..ومجرد ما يعرفون اني من بيت فلان..يكرهوا ما يشوفوا وجهي..نفسي اعرف ايش بيقولوا اهل هالمحافظه علينا...ويكرهوا ابوي على الرغم من انهم عارفين انهم بيحتاجوه وهو مو مقصر عنهم...يكفيني ما كنت اشوفه ايام الدراسه اذكر مره واحد غثنا كل شوي داق الباب ولا الجرس عصبت عليه وهاوشته قلت ابوي مالنا حق فيه نشوفه نتكلم معه..اعوذ بالله منكم..

:icon33: حاسه عمري يضيع..في هالديره..لما اسافر واجلس عند اخواني اللي برا والناس داخله طالعه اتضايق وما يعجبني هالوضع..واقعد افكر شلون باعيش..ومعروف ان المتزوجه مو زي البنت الداخلين عليها اكثر...
وحتى الزيارات صرت اكرهها..وما ابغى اصير زواره..بس لو صار النصيب كيف اسوي..مع اني متأكده100%ان ما احد فيه راح يزورني..

ياربي تكفيني شر هالديره وشر اهلها..عزالله ان عيالها اللي طلعوا برا احسن من اللي ساكنين فيها بكثير...على الاقل مو حسودين..

وفيهم طبع..اذا وحده حاقده على عيله..تشوه سمعتهم..والناس الثانيه تصدق...وهاتك ... وعلشانها صغيره فالعطسه فيها تنسمع بسهوله...ولاتستغربي ليه ما يجووا خطاب..حتى اختي المتزوجه مستغربه تقول انتي الوحيده اللي فينا تدخل للكوشه ...وتطلعي لزواجات وبالرغم من كذا ما احد تقدم لك مع ان هالشي طبع فيني من زمااااان ..من وانا صغيره...حسيت بغصه :( ان اهلي شايلين هم هالموضوع وبفرحه اني ما تزوجت الى الان ولاعانيت اللي بيعانوا منه..

وانا اسفه اذا ثقلت عليكم بشي ما يستاهل..بس حبيت افضفض...

يــابنـاااااااات وينكــم

وشفيــه المجلــس جــامــد كــــذا !!!!


****************************

سنا بدر الدجى

هــلا عيــونــي واضــح مشكلتــك متــداخلــة

بـس خلـي عنــدك ثقــة بــرب العـالميــن

ولايهمــك أحــد تــرى بعـض النــاس يبغــون يكــونــون هـم الافضــل

ولايهمهم غيــرهــم أهـم شي مصـالحهـم وبــس

الوان...

مشكوره حبيبتي على ردك..

الظاهر ما احد فيه في المجلس غير انا وانتي...

هلا وغلا يابنات
معكم علىالخط
سنا بدر الدجى وسعي صدرك ماتدرين عني ولا عن وضعي بتشوفين وضعك عادي
الله يعينا ويرزقنا من اوسع ابوابة
الحمدالله على كل حال

انفاس..
هلا فيك...

الحمدلله انك معانا ولا كأني باكلم نفسي...

مشكله صراحه..

تصدقوا اوقات احس اني معيونه..مع اني مافي شي يجيب لي العين..لا من جمال ولا دلال..ولا حتى اهل انحسد عليهم..حتى اهلي ما احد يعرف اطباعهم الزينه...واوقات احس اني وراي احد..

بس شلون اعرف واتأكد من هالمواضيع..!!