والله اني حبيتكم حيـــــــــــــــــل يا خواتي الغاليات واخص اختي سحابة خير الله يذكرها بالخير لان في رد لها تقول انها تفكر بموضوع الزواج كل يوم وصابتها حالة نفسية
بغيت اقولج ان الحال واحد وفعلا احس اني تعقدت وصارت فيني حالة نفسية
بقولكم شغلة خواتي تضحك الاسبع اللي طاف رحت السوق والقى دراعة بيضة كنها دشداشة رياجيل بس مالت حريم وأصريت اشتريها اقول لاختي مشتهية البس ابيض لان شكلي ماراح البسه واصير عروس استغفر الله من كثر الياس اللي صابني
استغفرالله استغفر الله عسى ربي مايحاسبني على اللي قتله بس احس باحباط شديد والله ماقعد احد من البنات ما عرست حتى الصغار راحوا اعمارهم على19 و18 الله يوفقهم
وانا بدخل25بعدشهر والله ما كتب لي النصيب
بيني وبينكم انا شروطي شوي صعبة وامي تقول تنازلي بس ما اقدر انا ابيه جامعي مثلي ويصلي وما يدخن وولد حمولة وعندهم خير يعني مو اغنيا بس حالهم متيسر
والله في بنات ااعرفهم خذوا اللي يبونه
بنات ابغى اناقشكم بشغلة شرايكم باللي يقول اخطب لبنتك قبل ولدك والله احس هالكلام صحيح مية بالمية يعني اخوانا وابهاتنا اكيد يعرفون رياجيل كفوا ويصلحون لبناتهم ليش مايجوبونهم ويدبسون بناتهم فيهم والله مافيها شي بس عاد شفهمهم
الاخ او الاب المفروض يفكرون بمصلحة بنتهم موينطرون الخاطب لين يجي وما يندرا كفو ولا موكفو عاد البنت ونصيبها بس مافيها شي بالعكس حتى لهم اجر باذن الله
شرايــــــــــــــكم بنات بالموضوع؟؟؟
والله اني حبيتكم حيـــــــــــــــــل يا خواتي الغاليات واخص اختي سحابة خير الله يذكرها بالخير...
رثعه كلامك منطقي الاهل يقابلون رجال كويسيين ليش ما يتكلمون معهم بدل ما ننتظر وما احد حاس فينا
وزي ما قالت هند الولد من حقه يطلب الستر والزواج وحنا لا
وزيكم بنات حيل احب الاطفال واتمنى نونو صغنون
شمعة الحي هونيها حبيبتي الامهات غالبا عصبيات
وابشركم
بديت بقراءة سورة البقرة ولله الحمد اليوم
ويارب ربي يرزقنا جميع بالصالح