السلام عليكم و رحمه الله و بركاته
وصلني على ايميلي حادثه طلاق عروس عالهوا سوا و كانت بعد الخبر هذا الدعاء و عجبني فقلت انشره هنا
اللهم ارزقني زوجاً صالحاً يعينني على أمر ديني و دنياي و يحبني كحب محمد لخديجة و يأخذ بيدي إلى الجنة و يكون سكناً لي في الدنيا و الآخرة و يكون في قوة عمر و رقة أبا بكر و جمال يوسف و تقواه
بصراحه جداااا حلو الدعاء و الله يرزق كل واحده بالي ببالها :27:
السلام عليكم و رحمه الله و بركاته
وصلني على ايميلي حادثه طلاق عروس عالهوا سوا و كانت بعد الخبر...
حبايبي اخيرا اجيبت دعوتي لكن الحمد لله مليون مرة على كل شي من عنده والله الريال زين وعمره مناسب لي وابن حلال وايد وطيب وصالح بسسسسسسسسسسسسسسسسسسسسسس
عنده مشكلة بالنظر بؤبؤ العين دايما يهتز وما يشوف غير عن قريب بعد مسافة صغيرة خلاص وهذه الحالة تصير من كل 1000000 يصاب فيها واحد في الدنيا ولا يقدر يطلع ليسن ولا يشوف بالشمس
والله يا جماعة دخلت داري وصحت اربع باربع مو قضاء ربي لا لكن احنا بشر والله الريال ما ينعاب وايد زين بس سبحان الله والحمد لله هذه المشكلة
للحين ما رديت لكن اهلي كلهم يقولون الموضوع لج انتي بس المشكلة مو بسيطة بس هم مو كبيرة
والله يا بنات صحت وبكيت وايد واليوم على السحور عيوني منتفخة والله اسال ولا اسال سواه انه الريال يعوظا ربي احسن مني وانا الاقي احسن منا
قاللولي اهلي شوفي وبعدين قرري هذا حقتش لكن انا ما ابي اجرح الريال والله اعرف روحي بس نفسي تتعثر عند شي خلاص واخاف اوافق الحين وبعدين هذا طريق باتجاه واحد مافي ردة غير بخساير للطرفين
شنو رايكم فديتكم والله اسال الخير للجميع وان شا الله على العيد ربنا يسر لنا يا رب