السلام عليكم و رحمه الله و بركاته
وصلني على ايميلي حادثه طلاق عروس عالهوا سوا و كانت بعد الخبر هذا الدعاء و عجبني فقلت انشره هنا
اللهم ارزقني زوجاً صالحاً يعينني على أمر ديني و دنياي و يحبني كحب محمد لخديجة و يأخذ بيدي إلى الجنة و يكون سكناً لي في الدنيا و الآخرة و يكون في قوة عمر و رقة أبا بكر و جمال يوسف و تقواه
بصراحه جداااا حلو الدعاء و الله يرزق كل واحده بالي ببالها :27:
السلام عليكم و رحمه الله و بركاته
وصلني على ايميلي حادثه طلاق عروس عالهوا سوا و كانت بعد الخبر...
شخباركم بنات..شمسويين..؟؟
ماشاء الله يا حظكم عندكم امطار..يارب تمطر عندنا واطلع اصور واوريكم جمال المطر عندنا لأن فيه شلالات..واوديه..بس انتو ادعوا ان هذيك اللحظه اطلع مع اخواني لأن ابوي مستحيل يطلع والجو ممطر اذا توقف المطر يبدأ يطلعنا ..وما الومه هو كبير بالعمر الله يحفظه ويطول عمره في الخير..قولوا امين..
والاخت ..الطائر الجريح..اذا على اخوانك عادي..
انا طحت على ظهري وانا برابع ابتدائي وطيحه جامده واذكر بالعافيه قدرت اقوم بعد ما غيبت عن الوعي ورحت عند اخواني لأني طحت في بيت اخوي وقالوالي قومي صلي الظهر قلتلهم ما اقدر كنت ممده ما اقدر اتحرك وبالعافيه قدرت اقوم اصلي العصر مع الظهر.ما اذكر اذا كان طلبوا مني اروح للمستشفى وانا رفضت او لا....ولما طلعت لرابع كليه زاد الالم في ظهري لأنه كل سنه يزيد الالم عن اللي قبلها ..كله بسبب هالطيحه وما توالته من طيحات وزحلقات اخرى..وظهري من هذيك الايام وهو يوجعني ولي جلسه معينه اجلسها تريح ظهري وما كنت متوقعه انه مفتوح مثل ما يقولون بالشعبي..وعلى الرغم من ان كل اللي في البيت عارفين ان ظهري تعبان لكن ما كلفوا خاطرهم يقولوا خلينا نكشف عليها ..اذكر مره طلبت منهم اروح دكتور عظام ..قالوا لي انتي يتهيأ لك..علشان اخر العنقود يحسبوني ادلع او اتوهم..الين مره رحت لجارتنا باشكي لها عن نزيف صابني واستغربت اني بنت وعندي هالشي على طول سألتني عن ظهري وانا طبعا جاوبتها بالايجاب وكشفت عليه ..تصدقون ما تبغى تهول علي الموضوع قالت لي انتي وش شايله ظهرك مره مفتوح(يمكن بالعربي معناه ان عظام اخر الظهر متحركه)قلت لها انا ما اشيل..وذكرت لها مرت اخوي لأني رحت معاها اني طحت من قبل قالت لي لازمك كويه(كي بالنار) قلتلها مايمدي انا بكره مسافره ابغى علاج يوقف الحاله اللي انا فيها وانا مو مصدقه ان العله اللي فيني من ظهري احس كانت دمعه في عيني 9 سنين وانا كل سنتين راقده بالمستشفى او اراجع وانيميا وتبرع بدم وماكنت متوقعه ان السبب في ظهري ابدا.. والحمدلله اعطتني اعشاب وخف النزيف بفضل الله وبعدين انقطع وبعدها بفتره ما قدرت اتحمل الم ظهري لدرجة اني كنت اغيب عن الوعي للحظات قصيره وخفت على نفسي قلت لازم اكوي وفعلا ناديتها وجت كوتني ..وانا زي الحصان احس اني مرتاحه وما فيني عله..وشكله هالسنه رجع فتح مره ثانيه ..لأنه الحين صاير يألمني ..وشكل الفتحات من الطيحات والتزحلق في اي مكان..الحمدلله على كل حال..المشكله انا سمعت ان اللي ظهرها مفتوح تنسى انها تحمل او تجيب اطفال الين ما تعالجه وفعلا وحده من حريم اخواني طاحت على ظهرها وتعبت منه فتره بعدين كوته وحملت على طول بعده...وكمان هالموضوع ما ينقال لأحد عشان الخطاب ما يهونون..عشان الموضوع مو بسيط..
...مع اني ما تجرأت اقول الموضوع بهالتفاصيل لأحد بس عشان تدعون لي بأن الله يستر علي..انا ساكنه بقريه ومو كل شي فيها متطور واقرب مدينه لي تبعد عني375 كلم يعني سفر.ومالي فيها اخوان..فعند ابوي مستحيل اسافر لها..واسافر للمدينه الثانيه اللي تبعد 499 كيلو تقريبا عني وهذي فيها اغلب اهل ابوي واخواني واخواتي واذا رحت هناك اعرف ان كل اللي في هذيك المدينه عارفين ايش راح اسوي..ودي اكشف على ظهري خايفه..لكن عند مين..الله يجيب الي فيه الخير..امس رحت للمستوصف على اساس اسوي تحويل للمستشفى ولكنه طلع مقفل قلت خليني اروح مع ابوي للبستان احسن.. عادي ياختي..اختي عمرها الحين 27 سنه وما احد تقدم لها ..وهي موظفه ومرحه واللي قبلها على عمر 28... وشكلي باكمل معاهم الرصه مع اني مو طامعه بهالشي حاليا بس ودي امي وابوي يتطمنون ان في احد يبغانا ويسعى لنا..الظاهر ان الناس ما تعرفنا او احد مشوه سمعتنا او حقد علينا مايبغوا يتكلمون عنا..لأن مره الوالد وكمان الوالده تكلموا وقالوا انتو الناس ليه ما تبغاكم وما تجيكم...الله يغنينا انا واختي عنهم..
والحمدلله على كل حال...
معليش اسفه على الرساله الطويله وعلى قلب المواجع..وخليتكم تتذكرون همومكم..