السلام عليكم و رحمه الله و بركاته
وصلني على ايميلي حادثه طلاق عروس عالهوا سوا و كانت بعد الخبر هذا الدعاء و عجبني فقلت انشره هنا
اللهم ارزقني زوجاً صالحاً يعينني على أمر ديني و دنياي و يحبني كحب محمد لخديجة و يأخذ بيدي إلى الجنة و يكون سكناً لي في الدنيا و الآخرة و يكون في قوة عمر و رقة أبا بكر و جمال يوسف و تقواه
بصراحه جداااا حلو الدعاء و الله يرزق كل واحده بالي ببالها :27:
السلام عليكم و رحمه الله و بركاته
وصلني على ايميلي حادثه طلاق عروس عالهوا سوا و كانت بعد الخبر...
كيفكم ان شاء الله كلكم بخير وصحه ؟
اختي البوح بالخافي الحمدلله على سلامة امك وان شاء الله تقوم لكم بصحه وسلامه .. ويكون كله اجر يارب
خواتي... ابتسامه ياس عجبني اقتراحها .. خلونا نغير جو المجلس انا صراحه احب المجلس واحب اقرى كلامكم واخذ اخباركم لكن حتى لو كنت رايقه وناسيه موضوع الزواج بالذات اذا دخلت وقريت بعض كلام البنات وهمومهم احس مودي يتغير ويتدحدر ---> ركزوا على يتدحدر
عشان كذا انا ببدا باقتراح ابتسامه ياس
والله يابنات الدنيا هذي امتحان والله خلق الانسان في كبد
يعني ماخلقه علشان يرتاح .. مافيه احد مرتاح
فـ لازم نوكل كل شي الى الله ونخليه كله بايد الله وماعلينا غير
الدعاء + قراءه القران + الاستغفاااااار
ونحاول بعد اننا نتصدق ونهتم جداااااااا بـ بر والدينا فرضاهم هو الاساس في كل خير يتيسر لنا والعكس بالعكس
انا بحاول هالايام اني اتصدق لاني من زمان ماتصدقت
وخلونا نبدا بالفكره الي عطيتكم عن قراءه البقره 8 ايام قبل النوم وبعد قراءتها نصلي ركعتين وندعي دعاء (اللهم يامبدل الاحوال عليك انعقدت الامال بدل حالي وحال المسلمين من حال الى احسن حال) ثم نطلب حاجتنا
وننام على طول وعلى كذا لمده ثمان ايام .. ومن ناحيه الاحاديث الصحيحه والبدع والله يابنات مادري هل هذا بدعه ماقدر افتي لكن انا اقتنعت بالفكره لانها عن سورة البقره وهالسوره محد يختلف في فضلها
نجي عند فكره ابتسامه ياس .. والله انا عن نفسي تعرضت لموقف من شي 3 سنين كذا وغيرني كثير وحسسني بقيمة امي وابوي وبجد الحمدلله علاقتي فيهم سارت اقوى من ذيك الايام كثير .. طبعا تعرفون العمر له دور
والشي الثاني اني تعلمت من الحياه اني احاول اكون قويه .. لان الحياه رحله مرور نمر فيها بناس ومواقف المفروض مو اي موقف يأثر فينا كثير لان الدنيا من طبيعتها انها تجمع وتفرق .. ناس تحيى فيها وناس تموت ومهما سار برضو الدنيا تستمر
شي بعد ... ان كل شي بالدنيا ممكن يتحقق ومافيه شي مستحيل ولا فيه شي صعب مع (الاراده والتوكل على الله والدعاااء)
تعلمت .. اني اعيش حياتي مسيره ولست مخيره وهذا شي يمكن مو حلو فيني لانه خلاني اسير سلبيه نوعا ما لا اطالب بحقوقي دائما وما ادور عن شي ابيه .. انتظره هو يجيني
لكن كل شي اساسا بالدنيا نصيب
( لو تجري جري الوحوش غير نصيبك ماتحوش)
تعلمت مؤخرا وخاصه بعد الوظيفه .. ان نصف السعاده بالعطاء .. لما تقدمين شي لاحد من خدمه او علم او ... الخ اي شي مهما كان بسيط هنا تحسين بالسعاده بكل معانيها
واخيرا تعلمت وخصوووووووووصا من منتدى عالم حواء ومجالس البنات اللهم اجعله في ميزان حسناتهم .. تعلمت المداومه على صلاة الليل والدعاء لي ولاخواتي في كل وقت
من ناحيه الاهتمام بالمظهر .. والله انا متضايقه على شعري لانه خف وببدى احط زيوت (اخلط زيت مع جرجير ) يقولون انها وصفه ممتازه
والرجيم هذا مافيه امل منه خليه لوقته بس :(
صراحه هالايام مع اسناني والالم المتواصل ما اقدر اكل وربي لكن اكلي كله سليق وجريش واشياء حقت عجز لكنها برضو تسمن :S
خلوها على الله
والله يوفقكم ويسعدكم جميعا وينول كل بنت مافي بالهااا
في موضوع يابنات ابعرضه عليكم مره ثانيه ان شاء الله وابيكم تعطوني ارائكم ومشورتكم
ولنا عوده
مع خالص حبي ودعواتي لكم .. اختكم اوركيده
اللهم ياودود ياذا العرش المجيد يامبدئ يامعيد يافعال لما تريد اسألك بعزك الذي لا يرام وبملكك الذي لايضام وبنور وجهك الذي ملأ اركان عرشك أن ترزقني وكل بنات منتدى عالم حواء الازواج الصالحين عاجلا غير اجلا يارب العالمين .. يامغيث اغثني يامغيث اغثني يامغيث اغثني