السلام عليكم و رحمه الله و بركاته
وصلني على ايميلي حادثه طلاق عروس عالهوا سوا و كانت بعد الخبر هذا الدعاء و عجبني فقلت انشره هنا
اللهم ارزقني زوجاً صالحاً يعينني على أمر ديني و دنياي و يحبني كحب محمد لخديجة و يأخذ بيدي إلى الجنة و يكون سكناً لي في الدنيا و الآخرة و يكون في قوة عمر و رقة أبا بكر و جمال يوسف و تقواه
بصراحه جداااا حلو الدعاء و الله يرزق كل واحده بالي ببالها :27:
السلام عليكم و رحمه الله و بركاته
وصلني على ايميلي حادثه طلاق عروس عالهوا سوا و كانت بعد الخبر...
شلونكم يا بنات والله إني مشتاقة لكم وايد..
صار لي فترة ما شاركت معاكم ولا حتى قريت الصفحات اللي فاتنني مع إني كنت دائما معاكم وما احب انقطع عن المجلس حتى لو ما شاركت على الاقل اقرى اخباركم
اما الحين ما اعرف شنو اللي صار لي ..حتى الاشياء اللي احبها ما عاد لي خلق لها
احس ان الهم مخليني اتكاسل عن كل شيء ..
حتى لما يزورنا احد من اهلي احس بضيق شديد وما اشتهي اشوف احد واقعد بداري وابكي
احس بهم فظيع والوحدة ذابحتني .. ما في اللي يسال عني ولا يهتم فيني .. حتى من اقرب المقربين لي "امي وابوي" احس اني يتيمة مع انهم عايشين لكن مافي مشاعر لا حب لا عطف لا حنان .. مع اني وحيدتهم ما في غيري انا واخوي .. واخوي متزوج وطالع عنا
مابي اتكلم اكثر ..لو بتكلم ماراح اخلص.. والشكوى لله .. هو العالم بالحال
انا من عادتي اني ما احب اشكي لاحد .. بس ما ادري شنو اللي خلاني اشكي لكم .. يمكن لاني احس انكم خواتي اللي محرومة منهم..
ما ادري احس اني صرت حساسة وايد .. امس خالتي طرشت لي مسج تقولي" شوفي قناة الراي الحين"
وانا اساسا كنت حاطة عليها لاني متابعة برنامج "ساعة صراحة" حق نبيل العوضي
والبرنامج وايد حلو
لكن حلقة امس ما عجبتني كانت عن "العنوسة" وتكلم الشيخ عن اسباب كثيرة للعنوسة لكن ما تكلم عن سبب اعاني منه انا ويمكن كثير مثلي وهو عدم تقد الخطاب اساسا وإذا تقدموا مايكونون مناسبين
لكني استغربت ليش خاتي طرشت المسج!!!!
هل يعني ان قصدها اني صرت عانس؟؟!!
يمكن!! بس حيل تضايقت وقعدت ابكي..
اسفة يا بنات طولت عليكم بس ما عندي غيركم اشكي له
ويارب يخف عني الهم عشان اظل متواصلة معاكم
ولا تنسوني من دعائكم