انا زوجه ثانيه بس هو مطلق الاولى وعنده منها بنت ولد
ارتحت من الزوجه بس انحرمت من اول بفرحة طفل سوى يعني هو سابقني بكل شي

هلا دانا

عيشي حياتك كما هي لا تتركي هالاشياء البسيطة تتراكم

واذا كان عنده ولد وبنت مايعني انه افضل .. اظظن اولادك ايضا لهم طعم مميز اخر وانتي افرحي فيهم وهو ايضا 100% بيفرح وشوفي البينات اللي عندهم اولاد بقولولك

طيب باسألكم ياحلوات

انا لو تزوجت شخص عنده زوجه اولى ماتكرهني وتحقد علي ؟؟
بصراحه اخاف اجرب ودي بمطلق او ارمل <<< تختارين فساتين انتي !!!!!

محتاره والله تقدم لي شخص كويس وماناقصه شئ بس عنده زوجه
ماجربت انا في زواجي اني اكون شريكه لاحد فوش رأيكم تنصحوني اخوض معكم غمار حياة الجارات
واتوكل على الله ؟؟؟

مرحبا يا بنات انا مو زوجة ثانية (متطفلة وداشة للموضوع صح؟) المهم بما انكم فتحتوا الموضوع ذكرتوني بصديقة غالية على قلبي وابي احكي لكم قصتها هي الله يسلمكم من بلد ثاني وزوجها تزوجها عن حب بس هي الثانية وقبل الزواج اقنعها ان له مشاكل مع الزوجة الاولى وفعلا المهم تزوجها وبعد فترة صار طول الوقت مع الاولى هو مو هاملها يعني مو مخلي شىء ناقصها وعادل في المبيت يعني يوم عنها ويوم عند الاولى بس الاجازة او وقت الفراغ كله عند الاولى ومبرره انه هو يسوي واجب ولازم يقعد مع عياله,,,,بس البنية مخلية اهلها وديرتها ومضحية عشانك وانت رجعت العلاقة مع الاولى على ظهر الثانية والله يا بنات صدق اني انا زوجة اولى بس ما ارضى بالظلم ولا سيما انها من اعز الناس .شنو رايكم يا اخواتي ؟

هلا اختي

بصراحة هذا مو عدل بين الزوجتين
ولكن لازم تعرف ما الاسباب ؟؟

لازم يكون عنده اسباب تخليه يروح عند الاولى اكثر تفكر وتساله وتدقق حتى تعرف