الله يجزيكي الخير يا نايس سميل

صباحو بنات .....
كيفكن ان شاء الله بالف خير ..............
نايس سمايل طولي بالك ولا تياسي لانو هذا مدخل من مداخل الشيطان على النفس الله ياخدوا يا رب انت ابدي صلي الصلاة باول وقتها واستغفري بعدها واطلبي من رب العالمين انو يشرح صدرك ويفرج همك ....... والله يفرجها علينا وعليكي ....
بطة الله يشفيكي انت وشام وكل موجوع والله ييسر لك النقلة من البيت وان شاء الله منزول مبارك والله يجعله اية الرزق عليكن والله يعينك النقلة كتير كتير كتير صعبة انا مجربتها من سنة والله هلكت حتى ركنت البيت على كل حال ابقي طمنينا عنك .......
لوليا الله يجيزك كل خير على ما كتبت وفعلا الواحدة لازم تعمل توازن لحياتها والله يقدرنا نعمل كل شئ بظل طاعته ورضاه يا رب وبالنسبة للعزيمة بنصحك تعمل من اكلنا لسوري والسبب انو انا ما بحب جرب شئ جديد ما كون عاملتو من قبل يقوم يطلع مو طيب بخلي التجارب على زوجي وبس ههههههههههههه والله يبيض وشك بهالعزيمة ........
بنات انا سالتكن منشان بنتي عمرها سنة و10 اشهر شو لا عبها وشوعلمها بهالعمر وانتو ما شاء الله طنشتوا اهلي نخروا بدني وقت حسسوني اني مقصرة بحفها وضميري عم يعذبني الله يخليكم لا تطنشوني ......
باقي البنات ان شاء الله خير هالغياب ....
يلا سلام ....

سلامات بنات كيفكم اليوم الجمعة ان شاء الله يلي بتقدر تقرا سورة الكهف لا تنسوها ..عزيزتي نايس بتعرفي انا لما بتجيني هيك حالة بكتر من قولة لا اله الا الله سبحانك اني كنت من الظالمين قوليها قد ما بتقدري عن جد بترتاحي كتير و باذن الله فترة وبتعدي بطة سلامة قلبك وان شاء الله خير لوليا الله يجزيكي الخير وعن جد متل ما عم تقولي لازم نعمل همة بس بعتقد لتركز معنا لازم نعمل متل برنامج ونحدد كل يوم قديش لازم نحفظ يا ريت نشجع بعض ونحدد منشان كل البنات يتشجعوا ...عزيزتي ساجدة الله يخليك بنتك يا رب عمرها بعمر ابني بالزبط وانا متلك كتير بحس حالي مقصرة بحقه بس انا ابني كان والله من عمر سنة وشهر او شهرين يحمل اي كتاب يلاقيه بوجهه ويتصفح فيه صرت جيبله قصص هيك عليها رسومات والوان يطير عقله وكنت حاول كل يوم اقرا فيه وبيحب كتير هو يحطون ويقعد يتصفحه ويعمل حاله عم يحكي متل ما بحكي انا مع انه مافي ولا كلمة مفهمومة ابني مجنني من هالناحية صحيح بنتك شو بتحكي ..المهم انتي شوفي شو بنتك الها مراق حاولي تجيبلها قصص شوفيها بتحب تقعد تتفرج على الصور وتسمعك بيقولوا كمان هيك بتنميلها حب القراءة او يعني اذا مالها مراق شوفي البنات بيحبوا شغلات الباربي وهيك قصص اكيد عندها بقى انتي حاولي تلعبي معها وانتي عم تلاعبيها دخلليلها بعض التعاليم الدينية يعني مثلا طعمي اللعبة وقوليها يلا قولي بسم الله ولما تشبع الحمد لله يعني هيك شي ...انا اسفة طولت عليكي بس منشان تستفيدي واذا اجى اي شي ببالي برد بقلك ...سلام لكل البنات مزون كيفك..وبقية البنات سمعونا عنكم

صباح الخير يا بنات شوو ينكم ؟؟؟؟؟؟؟؟؟؟؟؟؟؟
مكسلين على الاخر الله يسامحكن !!!!!!

موضوع رائع جزاكن الله خير
بس لو حاطين ان هالمجلس عام يكون افضل عشان نشارك لان نحن مو سوريات وهذا مجلس ذكر
فجزاكن الله خير وسدد خطاكن