الله يسلملك البنات يا آية ...
و يبعدك عن الكآبة ..... و عم نستنى ردك على رواق...

اهلين حبيباتي هلا رح اكتبلكم على رواق
لا للكابة والله عم جرب اعمل متل ما قلتي .........واسمك لحالو بيفرفح ................
نور الحمدلله نور بتسلم عليك بس والله عم تستفرغ كتير وهاد يلي معذبني ..............
شام وزنزون الله يحفظكم يارب هنودة حبيبتي يلا اعملي بهالنصايح لنشوف مين فينا بتسبق التانية وبتطله من المود اول .........
بنات يلي ولدانين جديد انا جسمي فارط عالاخر وجع رجلين وايدين وتنميل ووجع راس والله احيانا بوقف بحس رجليي ما رح يحملوني من الضعف والشد العضلي هدا فيكم صار معو هيك........انا جوزي عم يقللي لا تخافي هاد نتيجة ضعف الجسم وسوء التغذية ..........والارهاق .........زومافي داعي للوسوسة انتو شو رايكم

صحيح يا آية

هاد ضعف تغذية والله أعلم فقر دم أو يعني ارهاق

كلي منيح واختاري اللي عم تاكليه

يعني ركزي على اللحومات والمرقة تبعهم ....

لو ما بتحبي الجاج مثلا فيك تجربي تسلقيه مينح لحتى يروح نيفه متل ما بقولوا وبعدين تحطيه بزبدية كبيرة مع مرقة
وتلفي الجاج المسلوق بعروسة بخبز ظريف وتعصري فوقها شوية ليمون مع بهارات لو بتحبيها شوي ةيعني مو كتير

واشربي المرقة مع الليمون

يا سلالالام طيبة وبتعطيك قوة رهيبة
ولو حبيت كليه مع الرز المفلفل متل العادة ومع زبدية لبن

هيك بكون غذاءك كتير صحي ومفيد

والكوكتيل اللي قلت عليه لساجدة كمان وتحسنت عليه اعمليه الك

موزة وحليب وشوية عسل صغار اخلطيهم بالخلاط وروحي وتعي اشربي منه
إذا ما بتصيري متل الحصان ما بكون اسمي شام ......

إذا المود تبعك مو بسبب الولاد فمالك غير المناجاة .....صدقيني هي احسن دوا
لأن القلوب بين إيدين الرحمن سبحانه وتعالى ....بين لحظة ولحظة بغيرها
وهو قادر سبحانه يجعلك سعيدة وفرحانة بالرغم من انو الظروف بتضل نفسها لكن النفوس بتتغير

الله يفرجها عليك وعلى كل مين داق

الأفكار السوداوية طبيعية كتييييييييير بالحمل وبعد الحمل
ما بتخلصي منها إلغ بالإستعاذة

كلما اجتك فكرة مو حلوة قومي غيري مكانك واستعيذي من الشيطان ولو قدرت تصلي أو تسبحي وتستغفري وتصرفي ذهنك عن هالقصة كلها بكون هادا هو دواك

أهم شي ما تستسلمي وتسترسلي بالأفكار وإلا رح تتعبي وينعكس عل ىصحتك ....

الله يحميك ويقويك ويسعدك


وزنزون تسملي يارب ...الله يخليلي ياك ......

سلام لاحلى بنات لا تاخذوني عم غط وما عم يصحلي اكتبلكن كتير بس لا يمنع اني عم تابعكن حبيت سلم عالسريع يا بنات ادعولي الله ييسرلي الخير ويفرجها عليي

من زمان هالقمر ما بان

وينك يا منظومة سماء إيجبت ؟؟؟


لوليا ....الله يفتح عليك ويفرج همك ويجبر قلبك يا رب