اي نسيت اشكر من كل قلبي تونسية ومفيدة من تونس الغالية كتير على قلبي ويا ريتها جنبي بس هيك الظراف دائما بعاد عني انا بباريس وهي بليون شفتو الحظ بس هي الشهادة لله اغلى من اخت .... وكمان نايس يلي ما تركتني من الاتصالات وانا بالمستشفى الله يديم على جمعتكن الحلوة ومحبتكن يا رب ........

مرحبا حبيباتي كيفكن كلياتكن.. بدي اعتذر من زنزون
.... زنزون ... حبيبة قلبي كيفك يا عمري وشو أخبارك بدك ما تواخذيني نسيت اذكرك امبارح مع انك ما بتنتسي بنوب بس مابعرف شو يلي صايبني مبين زهيمر مبكر!!!
بقى قلت لحالي لازم اكتبلك عراضه اعتذرلك فيها على هالنسوة.. دخيلك لا تواخذيني
حبيبه طمنيني شلونك وكيف أحوالك صرلك مدة ما بينت عسى المانع خير إنشالله
الله يسمعنا عنك كل الخير ويديم محبتنا وجمعتنا بجاه الحبيب محمد
معلش طولت عليك بس مابيسوى الحكي من دون ما أسأل عليك

ســـــــاجده حبيبة قلبي الله يهديلك بنوتك الحلوة ويعطيك الصحة والعافيه ويسخرلك كل خير

لا للكآبه حبيبتي والله مالي عرفانه شبدي قلك بس والله القلب عالقلب الله يديم هالمحبه ويجمعنا كلياتنا بالفردوس الأعلى

أهلين وسهلين ساجدة نورتي أزي العيال وحشوني ضحكتيني صايرة عم تحكي مصري هاد ولساتك تاني ولد بعد خمس ست أولاد شو بدو يصير معك بوسيلي ماسة ودلليها الله يحميلك ياهن ويقر عينك فيهن
لاللكآبة شلونك ياقمر الله يسلم ايديكي عذبتك معي بس اذا مافيها ازعاج ممكن تعطيني أسم الطناجر يلي قلتي عليهن محتمل لاقي منهن بالرياض يعني أسم الشركة أو الماركة لأني بحاول دائما أشتري أدوات المطبخ قدر الامكان صحية
هنودة العسل والله انك اسم على مسمى حاسة حالي بعرفك طريقتك بالكلام موبعيدة عني أو يمكن رب العالمين بيحبك وحبب الخلق فيكي الله ييسرلك وتكوني من سعداء الدنيا والآخرة

:26: :26: :26: :26: :26: لاحلى بنات سوريا الله لا يحرمنا هالجمعه
لا تاخذوني ماعد طليت عليكم بس غايصه بكورس التطريز اللي كتير الحمدلله مبسوطه فيه عملت بردايتين قلت ان شاء الله لما احمل ويجي البيبي بحطهم بغرفته وحده عليها شمس وغيوم وقوس قزح والتانيه عليها نجوم وقمر وعملت كمان طقم للمطبخ وعملت شنتايه وطرزت عليها ورود والحمدلله كتير حلوين واهم شي ان وقتي ماعم يروح عالفاضي
وبالنسبه للغه التركيه من كم يوم صار زوجي يحكي معايي بالتركي ولما صرت جاوبه قلي شو هاد 4/3 حكيك غلط :icon33: قلتله شو اعمل اذا البنات الله يهديهم اللي معي بالكورس ما بصححولي الغلط لما بقوله وكورس اللغه التركيه ما عم افهم شي لذلك تركته فادعولي امانه الله يطلق لساني بهاللغه زوجي صاير كتير عم يسافر واذا ما تعلمتها منيح راحت عليي حتى زوجي من هلا بقلي اذا صار عنا بيبي :04: وانا كنت مسافر او مشغول بدك تاخدي البيبي على دكتور احتجتي شي دنيا واحوالها كيف رح تدبري حالك ااااااااااااااااااااخ والله اللغه التركيه صعبه وما بتنهضم ابدا :06:
وان شاء الله في نيه ننزل لسوريا انا وزوجي بعد شي اسبوعين ورح اقعد حوالي شهر باذن الله
لهلا ما عندي كمبيوتر بالبيت وماعم يصرلي دائما انزل لمكتب زوجي اقعد عالنت لان بخلص من كورس التطريز الساعه 4 العصر يادوب ارجع عالبيت نظف واطبخ بكون صار الليل واجا زوجي بناكل وبننام وما بحس الا صار تاني يوم وعلى هالمنوال
لا تاخذوني ما قرات كل كتاباتكم بس بيكفي اني اتطمن انكم بخير هاد اهم شي
دمتن برعاية الله وحفظه

مزون مبروك الحمل ياقلبي وعقبال التمام على خير انتبه ع حالك وتغذي منيح