صيلح الخير على الحلوات.
اعذروني بنات أنا قليل اقدر ادخل على النت يالعطلة ، بحاول استغلها مع أولادي و زوجي قدر الإمكان و بحاول ما التهي عنهم .
و هذا الاسبوع كان عندي ضيوف من مدينة تانية و انشغلت فيهم كل العطلة.

و بالنسبة للحفظ أنا بديت بسورة البقرة ، مين حابة تبلش معي ؟؟؟؟؟؟؟؟؟

بطة حبيبتي ، انتبهي على حالك و ما تحاولي تتعبي حالك كتير بالنقلة ، و جيبي حدا يساعدك ، لإنها شغلة كتير صعبة ، و الله يعينك و يسهل عليك ، و يعينك .

مرحبا يا صبايا يا حلوات سلامي لالكم فردا فردا ................والف مبروك عالموضوع الجديد والله يجعله عامر بذكر الله............متل مالكم ملاحظين انا ما عم شارك والسبب بنتي ...........الله يحميها ما بعرف شو صرلها فجاة اتغيرت كل اطباعها وصارت عصبية كتير ونزقة وكل الوقت بتصرخ وبتبكي وبتضربني وما بتخليني اعمل شي لا اقعد على النت ولا عالتلفزيون فورا بتركض وبتطفيهم ...........مع انو دايما عم حسسها اني مهتمة فيها وبدي العب معها بس مافي امل وانا من اسبوعين فطمتها عن الببرونة ومن يومها ما عادت اكلت نهائيا .............اتخيلو قبل شوي بدها ياني غيرلها البامبرز فتحت الكيس مشان تعطيني وحدة فانا بس سحبتها شوي للبامبرز وقلتلها يلا طلعيها وشوفو الصريخ والعياط صرلها نص ساعة عم تصرخ عصبت...............بنتي عمرها 2ونص اكيد رح تستغربو وتقولو لسا ما نظفت ؟؟؟؟؟؟؟؟؟؟؟؟والله معكم حق بس المشكلة انو اول شي جربت قبل السنتين ما مشي الحال وبعدين نقلت لبيت جديد وحملت وحملي كان كلو وحام وتعب وهلا بعد شهر انشالله مسافرة عالشام للولادة فقالولي لا تعذبي حالك هلق بكرة على تغيير الجو والسفر والبيت الجديد بترجع تعملها........لذلك استني لترجعي من الشام احسن؟؟؟؟؟ولي حكيت قصة حياتي بس عن جد وضع بنتي كتير مخوفني ليش هيك صايرة عصبية مع انو انا وابوها مو مقصرين مشاوير ولعب وبنلعب معها وبنحن عليها لانو قالولي يمكن بلشت تغار..................فيلي عندو خبرة امانة لا يبخل عليي ..............سلام

صباح الخير بنات ......
كيفكن ان شاء الله بخير ....
المزة حبيبة قلبي الله يجبر بخاطرك ويساعدك متل ما ساعدتيني مبارح دخلت بسرعة ما فضيت رد عليكي يا ستي بنتي كل ما شافت دفتر من دفاتري او قصص من قصصها الله وكيلك قال بتعمل حالها عم تتصفحهن بتقوم بتشقهن وكيف بدي خلصها من هالعادة ما بعرف ........
عم حاول دور لها على قصص من قماش ما بينشقوا وبيتففنوا فيهن هون والله ييسر ......
وبنتي الله العليم عم تحكي لغة جديدة لسا ما تعرفت عليها مدري شو هي متل ابنك والكلمات يلي بتعرف تقولها بابا وماما مو دائما حسب مزاجها على البيعة بتلطش كم كلمة تانية ويلي قاهرني انو بيعيد وبزيد عليها اي كلمة بدي علمها ياها ما بتعيدها وخايفة يطلع لسانها تقيل باللغة العربية <<<<< من كتر ما عيبت
بقى شو اعمل دلوني .....
وين نصايح باقي البنات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ نجمة سهيل مشكورة على مرورك ...
هنودة وبطة وميس شو اخباركن ...
ام مينا مشكورة على تنبيهك .....
اية منشان بنتك بدك تيسطري على تصرفاتها منهلق لانو اذا شطتت كتير ما عاد تقدري عليها وبتصير تمشيكي هي وابوها على كيفها انا دائما بتابع على mbc4سوبر ناني وهادا البرنامج بيعالجوا فيه كل حالات الاولاد المتمردين او العصبيين او شو ما كانت مشاكلهن وصدقيني بتنبهري من النتايج انا كتير استفدت منو ....
انت لا تقولي صغيرة ما بتفهم هادا اكبر غلط لازم من زمان تفطميها عن البيبرونة وتنظفيها بكرا عليكي عذاب دبل مع البيبي الجديد ومتى ما شافت اختها عم تغيري لها ما عاد تنضف معك لانو حتغار منها صدقيني نظفيها هلق احسن لك وخصوصا بنتك اكيد بتحكي مو متل بنتي ما بتعرف تقول وقت بدها تتروح على التواليت غلبت معها وكل ساعة والتانية ركض على النونية العفو منكم طبعا ..... لاني ناوية نظفها قبل ولادتي ان شاء الله كتير خانقتني ماما منشان حكيها ونظافتها قالت لي تاخرت ليش مبردة قلبك .....
نظفيها واذا انتقلت وعملتها قتلة واحدة بتقول ان الله حق انا ما عم قول لك تقتليها على الطالعة والنازلة بس بتذكر اخواتي هيك يعملوا مع اولادهن .... وانا ما حكيت هالشئ الا من خوفي عليكي وانت حرة ....
بعدين انتبهي وقت تجيها نوبات هالغضب او البكاء تنفذي لها يلي بدها ياه سواء كان صح او غلط منشان ما تاخدها عادة لانو باين 9من طريقتها انو عم تسيطر عليكي وعلى ابوها <<<< شارلوك هولمز هههههههههههههههه
انت كمان اسالي بقسم الطفل وان شاء الله يفيدوكي .......
كترت حكي متل العادة لا تاخذونا .....
وين باقي الصبايا مطنشينا ؟؟؟؟؟
يلا سلام

آية حبيبتي ، لا تخافي الأولاد بتيجي عليهم فترة بتتغير أخلاقهم و طباعهم و خصوصي إذا كان في تغيير بعادة من عاداتهم ( الفطام) ، بدك تطولي بالك و متل ما قالت لك ساجدة أهم شي لما تكون بنتك بنوبة عصبية ما تنفذيلها اللي بدها ياه و حاولي تبعدي عنها و تنشغلي بأي شي تاني و فرجيها إنك مو منتبهتيلها .

و بالنسبة للأكل أكيد رح ترجع تاكل بس بدها شوية صبر ، إنت بلشي أعطيها الأكلات اللي بتحبها و إن شاء الله رح ترجع طبيعة أكلها متل أول .

أنا مع أولادي الإثنين فطمتهم بالتدريج يعني أول مرحلة خليت البيبرونة بس وقت النوم و بعدين بس بنومة الليل و صرت أقلل الكمية شوي شوي ، هيك لحتى بطلوها ، طبعا هالطريقة بتاخد وقت ( أنا أخدت معي 3 شهور ) ، لإني أنا بصراحة ما لي خلاق للبكي و العياط و الأخد و الرد .

ستي ، هيك الأم دائما ، كل مرحلة إلها تعبها ، الله يخليلنا أولادي و يجعلهم صالحين و قرة عين لنا .

شام وساجدة يسلمو على الرد وانا والله ما برد عليها بنوب بنوب ...............وحازمة معها كتير ..........لا تخافي يا ساجدة ما عم تمشينا على كيفها والحمدلله..............اما التنظيف قلتلك انا اتاخرت لانو كانت عندي المشيمة نازلة ومنعتني الدكتورة من الشغل والتعب ............وهلا بدي سافر ومستحيل بالشام تظبط امورها عالبرد وتغيير الناس ...........وخاصة انو بالشام في سجاد وانا ما بقعد ببيتي ...........بقعد عن اهلي شوي وعند حماتي شوي مو معقول وصخلهم السجاد...........واذا ولدت اكيد بدي اتركها عالقليل يومين ................وساعتها رح ترجع تتحفض............لانو ما رح تقول لحدا انو بدها نونو انا بعرف من ولاد اختي كان صرلهم نضفانين سنة ولما اضطرت تتركهم بس سا عتين الصبح عنا رجعو يعملوها .............على كل انتو ادعولي