كيفك ساجدة ، إي هيك ، كتري من هالطلات الحلوة ، خلينا نسمع أخبارك و أخبار هالأميرتين الله يخليلك ياهن و تشوفي أولاد أولادهن

اسم بنتك كتير حلو ، و متل ما بيقولوا ( لكل امرء من اسمه نصيب ) إن شاء الله تكون تقية و عابدة و تفرحي فيها و باختها

أنا لما عرفت بحملي التاني إنو البيبي صبي ، اخترت اسم حمزة و وافقني عليه زوجي بس البابا كان مو عاجبو إنو اسم صبي ينتهي بتاء مربوطة ( مع إنو حمزة اسم عمي توفى شب و هو عم يخدم عسكرية ) .
و (عمر) ابني كان مختار لأخوه اسم كرم ( على اسم رفيقو بالحضانة )
و بعد ما ولدت اقترحت ماما علينا اسم (علي) و سبحان الله كلنا وافقنا عليه و حبيناه

الله ييسر لي أربيهم على الدين الصحيح و يطلع فيهم صفات متل عمر بن الخطاب و علي بن أبي طالب

و النكتة إنو كل ما حدا سألني شو أسماء أولادك بقلن عمر و علي ، بيقولولي ( عقبال أبوبكر و عثمان) .
بدهن ياني ما جيب غير صبيان .


هنودة حبيبتي ، يسلمو إيديك عالكلمات الحلوة و فعلا متل ما قلتي:
(((((خُلقت حواء من ضلعٍ أعوج ، من ذاك الضلع الذي يحمي القلب ..
أتعلمون السبب ؟؟
لأن الله خلقها لتحمي القلب .. هذه هي مهنة حواء ... حماية القلوب .. فخُلقت من المكان الذي ستتعامل معه ..
بينما آدم خُلق من تراب لأنه سيتعامل مع الأرض .. سيكون مزارعاً و بنّاءً و حدّاداً و نجاراً ..
لكن المرأة ستتعامل مع العاطفة .. مع القلب .. ستكون أماً حنوناً .. وأختاً رحيماً .. و بنتاً عطوفاً ... و زوجةً وفية )))))

صباحكم ورد
شو أخباركون جميعا لاتواخذوني صايرة كسلانة

الساجدة لله الحمد لله على سلامتك ورجعتك بيننا وبالنسبة لاسم بنتك فكتير حلو ناعم ومو مكرروبنفس الوقت معناه حلو كتير الله يخليلك ياها
ادعيلي الله يبعتلي بنوتة ونقيلا اسم حلو كمان

آية معافاية إن شالله أسألي مافي دوا بديل مالو مضاعفات أو بينعطى للحوامل الله يحميكي أنتي وبناتك يارب

زنزون أي هيك هه سمعينا صوتك (ورجينا كتابتك ) بين كل فترة والتانية اشتقنالك وانبسطنا بأخبارك

هنودة أنتي أشطر وحدة بيناتنا وأكتر وحدة ملتزمة بالمشاركة بهالجمعة الحلوة الله يعطيكي العافية ويديم عليكي هالنشاط

شام ياذا السيف كيفك عم شوفك أحيانا بقسم الحمل والولادة الله يبعتلك يلي بخاطرك آمين يارب
وعجبني توقيعك وقاعدة حاليا عم دور بهالموقع وحاول ساوي توقيع مشابه ألي إذا ماعندك مانع

باقي البنات طمنونا عنكون وخصوصا المزة شغلتي بالنا عليكي وين هالغيبة؟

هلا مزون ، التوقيع و صاحبة التوقيع على حسابك

و بالنسبة لقسم الحمل و الولادة ، عم دور على مواضيع تحديد جنس المولود
الله يبعتلي أنا و إنت و كل مشتهية الذرية الصالحة
إنت بدك ينوتة ، صح ؟

الله ينولك اللي في بالك يا رب...

الله يسلمك ياشام ويبعتلك يلي ببالك
وأنا كمان جاية عبالي بنوتة الله يخترلنا الخير يارب

هلا بنات شو أخباركن
ساجدة اسم بنتك كتير حلو وكل واحد بياخد من اسمه الله يجعلها من التقيات يا رب
آية والله زعلتيني كتير حاولي تلاقي دوا بديل مشان الرضاعة الله يكون معك ويعافيك يا رب آمين
مزون وشام يا ذا السيف الله يرزقكن بالبنات الحلوات الصالحات آمين
هنودة تسلميلي شو مذوقة الله ينولك اللي ببالك ودعيتلها لرفيقتك الله يشافيها ويعافيها يا رب
شو أخباركن طمنونا عنكن