أهلا وسهلا بالغاليات

نايس سميل ..... عم قول لحالي وين غاطة .الله يهنيك يا رب ويسعدك ومتل ما قالت هنودة ما بدك توصاية تبوسيلنا أهل الشام وتراب الشام

الله ما يحرمني منها يا رب

بنات بدي دعواتكم ... إلي اكتر من اسبوع عندي وجع راس قوي .ساعة بيقوى كتير وساعة بخف شوي

والسبب سناني ..... كان عندي سحب عصب من 3 اسابيع وعلى مرتين الدكتور حاول ينظف العصب من الإلتهاب ما عم يقدر وآخر شي بده يبعتني عند جراح

وقلي الألم حيكون قوي ووصفلي مسكن قوي جدا ومع هيك ما عم يكن علي راسي

والله كتير صعب وجع الراس بتلاقي حالك ما بتتحملي لا صوت عالي ولا ضوجة ولا شي ....


والله انا صبورة جدا على المرض وما بنق وبسق لكن الروحة عند دكتور السنان بتموتني رعبة وبضل مدري كم يوم معدتي والكولون شادين عليي من كتر الرعبة والستريس وأنا عنده ...


فدعواتكن غالياتي بركي بيمشي الحال
وأنا بدي آخد موعد بهالأسبوع بركي منخلص من وجع الضراس والراس

الله يشفي كل مريض ويعافيه
فعلا الصحة تاج على رؤوس الأصحاء لا يعرفها إلا من فقدها
هنودة الحبابة .. الله يحميك يا رب بتعرفي صرت متمنية كتير ربي يجمعني فيك شي يوم من كتر مو لسانك حلو ونفسيتك طيبة

ما شاءا لله لا قوة إلا بالله

يلى كمليلنا الموضوع اللي بديتيه

وباقي البنات طمنونا عنكم

حبيبة قلبي شـــــــام سلامة قلبك يا عمري شفاك الله وعافاك ماعقلبك شر إنشالله
أسأل الله العظيم رب العرش العظيم أن يشفيك ويعافيك
"اللهم رب الناس اذهب البأس اشف انت الشافي لا شفاء إلا شفاؤك شفاءا لا يغادر سقما"
والله يا شام أنا كمان بموت رعبه من دكتور السنان ووقت بروح لعنده بقوله والله يا دكتور أنا ما بحب دكاترة السنان وكتير بخاف منن بيقلي وانا كمان!!
الله يديم عليك الصحة والعافية وسبحان الله وقت منمرض منحس انو كل جسمنا صار يوجعنا
صدق الحبيب المصطفى ( إذا اشتكى منه عضو تداعت له سائر الأعضاء بالسهر والحمى)
الله يشفيك ويعافيك انت وكل مريض ياحق
شــــــــــام الغالية والله عم تخجليني بحكياتك يسلملي قلبك ولسانك شو حبابه ومذوقه والله لسانك الأحلى ماشالله عليك ويعلم ربي اني مشتاقه بالأكتر لشوفتك عقد ما حسيت انك حنونه وطيوبه الله يهني حبابك فيك ويعطيك ليرضيك ويجمعني بأقرب وقت فيك أنت وكل البنات الحبابات:26: :26:
سبحانه مؤلف القلوب حاسستك كتير قريبه من روحي .. سبحان الله ما أحلى الحب في الله شو بيربط الناس ببعضها الله يجعل هالحب خالص لوجهه الكريم وينولنا فيه شفاعة حبيبه محمد ويظلنا بظل عرشه يوم لا ظل إلا ظله.. آميـــــــن:26:

سلااااااااااااااااااااااااام للغاليين والله اشتقتلكن سامحوني عا تقصيري معكن باذن الله راجعة لشارككن

صباح الخير لاحلى صبايا .....
وينكن غاطين ان شاء خير يا رب ...............
نايس نور الموضوع ان شاء الله ترجعي لنا بخير وسلامة يا رب .....
هنودة تسلم ايدك يا قمر يا رب الله بيعلم قديش حبيتك الله يبارك فيكي وبامثالك ...
شام ... اسال الله العظيم رب العرش العظيم ان يشفيكي ويعافيك ..... والله صعب كتير وجع الا سنان وهو بكفة ووجع الراس بكفة الله يشفيكي يا رب .... ابقي طمنينا شو صار معك ..
باقي الصبايا الله يسامحكن وينكم ....

lolia مية أهلا وسهلا حبيبتي والله نحنا اشتقنالك بالأكتر واستفقدنا لطلتك الحلوة وماعم انساكي والله بالدعاء الله يفرج همك ويصلح كل احواك وينولك يللي ببالك انت وكل اهلك وكل آدمي بأمة محمد
سوسو الحبابه أهلين ياعمري تحبك العافيه إنشالله والله القلب عالقلب ومتل مابيقولوا (الأرواح جنود مجنده) كيفك يا روحي وكيف ماسه وتقى حبيباتي انشالله ماعم يعزبوك الله يحميلك ياهن ويباركلك فيهن وتشوفيهن عرايس
اه هيك يلا ارجعوا يا بنات والله ما بتتصوروا قديش بتروحن قلبي بجمعتنا الله يديمها بجاه حبيبو محمد