شام حبيبتي الله يسلمك يارب .. ويتم شفاك على كل خير
ديري بالك حبيبتي من حالك والله يديم عليك الصحة والعافيه

حبيباتي إنشالله إلي رجعه قريبه مشان كمللكن الموضوع يللي بلشت فيه لأني هلأ كتير مشغوله
بس إذا بتذكروا إنو نحنا اتفقا عالإستعانه والحمد والشكر لرب العالمين
واتفقنا إنو على الأقل مايمر علينا اسبوع إلا وصلينا ركعتين شكر لرب العالمين
وانو دائما نعود حالنا انو مانعمل شي إلا ونبدأ بالتسميه ونعود ولادنا وحبابنا على هاد الشي
يلا حبيباتي بخاطركن هلأ .. يلا سلالالالالالالالالالالام

:26:
لكل البنات
شو أخباركن اشتقنالكن
شام سلامات إن شاء الله ،،،، وشو فرطت من الضحك على العيلات شي رهيب :)
هنودة ما شاء الله عليكي ما بتقصري دوم الله يقويك وطمنينا عن عاتكة الله يشافيها ويعافيها آمين
آية كيفها نور ؟؟ يا الله خبرينا عن مشوارك إن شاء الله تنبسطي فيه
مزون كيف حملك؟؟؟ الله يقومك بالسلامة إن شاءالله
ساجدة وينك أكيد تقى خانم شاغلتك ع المضبوط الله يحميهن يا رب وطمنينا عنك
لوليا شو صار معك خبرينا يا الله شو جاية ع بالي أحضر حفلتكن بمونتريال موفقين إن شاء الله
باقي الصبايا لا تواخذوني إذا نسيت حدا بس أمانة طمنونا عنكن ولا تنسونا من دعواتكن
سلام

كيفكون بنات أنارجعت
لاتواخذوني على غيابي بس هنودة حزرت فعلا سافرت لعند أهلي على مكة هنن قعدو بمكة شي أسبوع نزلت مضيتو معهون والله طار عقلي بهالروحة وتروحنت كتير عملت عمرة وشفت ماما وبابا وأختي وقصرت عليي فترة الغربة
حملي الحمد لله منيح بس راجعة هلكانة ومكسور عليي نوم كتير ومرشحة وما عم أصحى قلت بس لفوت أكتبلكون عالسريع وأرجع ارتاح لشوف إمتى حيفك تكسير البدن يلي صايبني
يلا سلام رايحة كمل نومتي

يا مية أهلين بحبيباتي نور ومزون وشام

مزون الحمدلله عسلامتك .. الله يهون عليك غربتك ويمتع عيونك وقلبك بشوفة الأهل والحباب بس إنشالله ماتكوني نسيتينا بالدعاء وانت بالعمره
الله يطعمني زيارة مكه قريب أنا وكل مشتهي ياحق
والله ناطف قلبي عزيارتها وزيارة المدينة الله ينولنا الروحه لهنيك قريبا:26:

كيفكن كلياتكن يا أحلى صبايا .. والله امبارح ماقدرت ارجع فوت وكمل الموضوع كان الشغل لفوق راسي الماما مسافره ولسى قدامها شي اسبوع لترجع وشغل البيت وشغلي وكل شي عليي بس رب العالمين بيهونها وبيفرجها من عنده سبحانه هو أرحم الراحمين..:26:

سبحان الله يا بنات اليوم كنت بدي قلكن عن رحمة رب العالمين بما انه وقفنا عند ( الرحمن الرحيم)
وهدول الصفتين يا الله شو بنحسن واضحين وظاهرين بحياتنا وكمان أول مشكله بتواجهنا ما منلاقي حالنا إلا عم نقول يارحمن يارحيم ارحمنا
قديش هالصفتين أكثر من رائعتين وسبحان الله قرأت عن الفرق بينهما فزاد حبي لهما .. يقال أن الله تعالى( رحمن الدنيا ورحيم الآخرة ) فلماذا هو الرحمن في الدنيا والرحيم في الآخرة وما الفرق بينهما؟؟!!
المعنى بكل بساطه أن الله رحمن الدنيا لأن الرحمة تشمل المؤمن وغير المؤمن في الدنيا
أما رحيم الآخرة فهي فقط لعباده الذين آمنوا به وبنبيه .. أما الكافر بالله وبأنعمه فلا تشمله هذه الرحمة في الآخرة
فسبحانك ربي ترحم الكافر في الدنيا وهو معرض عنك !!
ترحمه وهو مكذب بك!!
فسبحان الله والله يا حبيباتي عندما أقرأ هذه الآيه أشعر بعظمته سبحانه وبفيض كرمه وأشعر كم تحيط رحمته جل وعلا بنا في دنياننا وآخرتنا
أخواتي الغاليات جدا على قلبي.. أحببت أن أخبركم بخواطري حول هذه الآية الكريمة فياليتكم تخبروني بما يجول في خاطركم نحوها وأحببت أيضا أن لا تكون قراءتنا فقط لعرض وخواطرنا وإنما نستخرج منها واجبا عمليا بسيطا نعتاد عليه في حياتنا
وهذا ما أراده رب العزة منا أن تكون قراءتنا قراءة فيها تدبر فما رأيكن أننا عندما ندعوا ربنا (ونحن دائما في أمس الحاجة للدعاء ندعوه بهذين الاسمين العظيمين ونستشعر رحمته وكرمة ونطلبهما منه بصدق لنا ولجميع إخواننا وأخواتنا ولأمهاتنا وآبائنا وجميع موتانا وموتى المسلمين)

وأظن أن الدعاء عندما تتخلله المناجاة وذكر اسماء الله الحسنى واستشعار معانيها فإنه يكون دعاءا رائعا أسأل الله أن يتقبله منا ويعيننا عليه

حبيباتي هذه كانت خواطري حول تلك الآيه فأنتظر رأيكن وخواطركن وجزاكن الله كل خير ولا حرمني من هذه الجمعه الرائعة التي فعلا شعرت فيها بأنني بين أخواتي وحبيباتي

ولاتنسوني حبيباتي من صالح الدعوات وخاصة اليوم فاليوم الجمعه وهناك ساعة استجابه أسأل الله تعالى أن يرزقنا إياها
ولاتنسوا كمان حبيبات قلبي قراءة سورة الكهف ليضيئ الله لنا بين الجمعتين
سامحوني إذا طولت عليكن ..
"(أحبكن في الله جميعا)":26: :26:

مرحبا حبايب قلبي والله اشتقتلكم كتير كتير اسفة لاني طولت الغيبة بس ظروفي تغيرت شوي اول شي انتقلت للشقة الجديدة وبعد ماتركنت سافرت للشام ومن اسبوع رجعت واليوم اشتركت بالنت والله طاير عقلي من الفرحة لاني رجعت شارك معكم هاد سلام على السريع انا بخير طمنوني عنكم جميع ولي رجعة بأذن الله بأمان الله